ភ្នំពេញៈ កុមារកម្ពុជាម្នាក់ បានបាត់បង់ជីវិតដោយសារជម្ងឺគ្រុនឈាមក្នុងរយៈពេលជាង២ខែដើម ឆ្នាំ
២០១៤នេះ។ ការស្លាប់របស់កុមារខាងលើត្រូវបានគេចាត់ទុកថាជាតួលេខធ្លាក់ចុះដ៏ខ្លាំងនៃជម្ងឺដ៏កាច
សាហាវមួយនេះបើប្រៀបធៀបនឹងរយៈពេលដូចគ្នាក្នុងឆ្នាំ២០១៣ ដែលមានកុមារស្លាប់ដល់ទៅចំនួ
ន៤នាក់។ បើយោងតាមតួលេខក្រសួងសុខាភិបាលក្នុងរយៈពេល៩សប្ដាហ៍ដើមឆ្នាំ២០១៤ អ្នកកើត
ជំងឺគ្រុនឈាមមានចំនួន ១២៦នាក់ ក្នុងនោះជម្ងឺនេះបានសម្លាប់កុមារម្នាក់តែម្នាក់ទេ។ តួលេខក្រសួ
ងសុខភិបាលដដែលបានឱ្យដឹងថា ក្នុងរយៈពេលដូចគ្នាក្នុងឆ្នាំ២០១៣ មានករណីគ្រុនឈាមកើត
ឡើង១ពាន់១៣នាក់ និងបានសម្លាប់កុមារចំនួន៤នាក់ ពោលគឺមានការធ្លាក់ចុះ៩ដង។ លោក ច ម៉េង
ចួប្រធានមជ្ឈមណ្ឌលជាតិប្រយុទ្ធ និងជម្ងឺគ្រុនចាញ់ ប៉ារ៉ាស៊ីតសាស្ត្រ ធ្លាប់បានធ្វើការប្រៀបធៀបថា
ស្ថានភាពគ្រុនឈាមនៅកម្ពុជា និងបណ្តាប្រទេសជិតខាងរួមទាំងប្រ ទេសស្ថិតក្នុងតំបន់អាស៊ី មាន
ភាពខុសគ្នាយ៉ាងខ្លាំងក្នុងពេលដែលនៅកម្ពុជាអត្រាជម្ងឺគ្រុន ឈាមថយចុះគួរឱ្យកត់សម្គាល់ ប៉ុន្តែប
ណ្តាប្រទេសជិតខាង និងតំបន់អាស៊ីមានស្ថានភាពអាក្រក់ជាងបណ្តាឆ្នាំមុនៗដែលជាស្ថានភាពគួរ
អោយព្រួយបារម្ភជាក់ស្តែងដូចជាប្រទេសសឹង្ហបុរីអត្រាកើន៤០៧% ឡាវកើន៦៥៣% ។ ចំណែក
នៅប្រទេសថៃក៏មានអត្រាកើនឡើងខ្ពស់ផងដែរ បើប្រៀបធៀបនិងកម្ពុជា ។ ទោះបីជាស្ថានភាព
ជម្ងឺគ្រុនឈាមមានការថយចុះច្រើនក៏ដោយក៏លោក ច ម៉េងចួ បានអំពាវនាវដល់ប្រជាពលរដ្ឋបន្ត
ការប្រុងប្រយ័ត្នខ្ពស់ចំពោះហេតុការណ៍ផ្ទុះជម្ងឺគ្រុនឈាមនៅថ្ងៃមុខ ក្នុងពេលដែលតំបន់ភាគច្រើន
នៃប្រទេសកម្ពុជាកំពុងស្ថិតក្រោមការគំរាមកំហែងពីគ្រោះទឹកជំនន់។ លោកបញ្ជាក់ថា បញ្ហាសំខា
ន់ដែលប្រជាពលរដ្ឋត្រូវការនោះ គឺការសំអាតអនាម័យ បរិស្ថាន នៅជំវិញផ្ទះភូមិឋានរួមទាំងដេក
ក្នុងមុង។ គួររំលឹក ផងដែរថា កាលពីឆ្នាំ២០១៣ កន្លងទៅមានករណីជម្ងឺគ្រុនឈាមចំនួន១ម៉ឺន៧ពា
ន់៥៣៣នាក់ បើធៀបទៅនឹងឆ្នាំ២០១២ មានករណីជម្ងឺគ្រុនឈាមចំនួន៤ម៉ឺន២ពាន់៣៦២នាក់ ពោ
លគឺថយចុះ៥៩%។ មូលហេតុនៃការថយចុះត្រូវគេសន្និដ្ឋានថា កត្តា២ គឺទី១ ប្រជាពលរដ្ឋមានការ
យល់ដឹងពីជំងឺគ្រុនឈាមច្រើន ហើយកត្តាទី២នោះ ពួកគាត់ប្រញាប់បញ្ជូនអ្នកជំងឺមកព្យាបាល
បានទាន់ពេលវេលា និងការកើនឡើងនៃសេវាសុខាភិបាលរដ្ឋ៕ ដោយៈសេរីមករា
