ភ្នំពេញ៖ សមាជិកព្រឹទ្ធសភាចំនួន៣៩រូប នៅថ្ងៃទី២៩ ខែឧសភា នេះ បានធ្វើការថ្កោលទោស យ៉ាងដាច់អហ
ង្ការ ចំពោះការលើកឡើងរបស់លោក កឹម សុខា ថា គុកទួលស្លែង គឺជាកន្លែង សិប្បនិម្មិត ហើយរបបកម្ពុជាប្រ
ជាធិបតេយ្យ គឺជាឆាកលោ្ខន។
យោងតាមញត្តិចុះថ្ងៃទី២៩ ខែឧសភា ឆ្នាំ២០១៣ ដែលចុះហត្ថលេខាដោយសមាជិកព្រឹទ្ធសភា៣៩រូប ដែល
មជ្ឈមណ្ឌលព័ត៌មានដើមអម្ពិល ទទួលបាននៅរសៀលថ្ងៃទី២៩ ខែឧសភានេះ បានឲ្យដឹងថា យើងខ្ញុំជាសមា
ជិក សមាជិកាព្រឹទ្ធសភា នៃព្រះរាជាណាចក្រកម្ពុជា មានការសោកស្តាយយ៉ាងក្រៃលែង ដោយកាលពីថ្ងៃទី
១៨ ខែឧសភា ឆ្នាំ២០១៣ កន្លងទៅថ្មីៗនេះ លោក កឹម សុខា ប្រធានស្តីទីគណបក្សសង្រ្គោះជាតិ បានថ្លែងជា
សាធារណៈថា«គុកទួលស្លែង(បច្ចុប្បន្នសារមន្ទីរប្រល័យពូជសាសន៍ទួលស្លែង» គឺជាកន្លែងសិប្បនិម្មិត ហើយ
របបកម្ពុជាប្រជាធិបតេយ្យ គឺជាឆាកល្ខោន។
ញត្តិដដែលបានឲ្យដឹងទៀតថា ការថ្លែងដោយគ្មានស្មារតីទទួលខុសត្រូវ និងដោយបំភ្លៃបែបនេះ គឺជាការប្រមា
ថមាក់ងាយយ៉ាងធ្ងន់ធ្ងរ ចំពោះវិញ្ញាណក្ខន្ធរបស់ប្រជាជនកម្ពុជាស្ងួតត្រង់រាប់លាននាក់ ដែលបានបាត់បង់ជីវិត
និងរងគ្រោះដោយសាររបបប្រល័យពូជសាសន៍ប៉ុលពត និងជាការប្រឆាំងនឹងការពិតជាក់ស្តែងនៃប្រវិត្តសាស្រ្ត
ក្នុងសតវត្សរ៍ទី២០ របស់កម្ពុជា ដែលអន្តរជាតិ និងប្រជាជនកម្ពុជាទាំងមូលបានទទួលស្គាល់ជាផ្លូវការតាម
រយៈ៖ ១.កិច្ចព្រមព្រៀងទីក្រុងប៉ារីស ថ្ងៃទី២៣ ខែតុលា ឆ្នាំ១៩៩១ ដែលមានគោលដៅជាចម្បងទប់ស្កាត់នូវ
រាល់គ្រោះហន្តរាយពីអតីតកាល ដែលបានកើតឡើងនៅប្រទេសកម្ពុជា។
២. ការបង្កើតឡើងនូវអង្គជំនុំជម្រះវិសាមញ្ញក្នុងតុលាការកម្ពុជា ដើម្បីកាត់ក្តីមេដឹកនាំជាន់ខ្ពស់នៃ របបកម្ពុជា
ប្រជាធិបតេយ្យ និង៣. ការកំណត់យកថ្ងៃទី៧ ខែមករា ជារៀងរាល់ឆ្នាំជាថ្ងៃបុណ្យជាតិ ដើម្បីអបអរសាទរទិវា
ជ័យជម្នះ និងថ្ងៃទី២០ ខែឧសភា ជាទិវាចងកំហឹងលើរបបប្រល័យពូជសាសន៍ប៉ុល ពត។
បើតាមញត្តិដដែល សមាជិកព្រឹទ្ធទាំង៣៩រូប សូមថ្កោលទោសយ៉ាងដាច់អហង្ការ ចំពោះការលើកឡើងរបស់
អ្នកនយោបាយអគតិរូបនេះ ដែលបាននិយាយកាឡៃប្រវត្តិសាស្រ្ត គ្មានការទទួលខុសត្រូវ គ្មានសច្ចធម៌និង
គ្មានយុត្តិធម៌ទាល់តែសោះ ជាការអុជអាលធ្វើឲ្យប៉ះពាល់ដល់សុខសន្តិភាព និងភាពសុខដុមរមនាក្នុងសង្គម
កម្ពុជាទាំងមូល។
សមាជិកព្រឹទ្ធទាំង៣៩រូប ក៏បានអំពាវនាវដល់ប្រជាជនកម្ពុជាគ្រប់មជ្ឈដ្ឋាន ជាអ្នករងគ្រោះយ៉ាងធ្ងន់ធ្ងរពីរបប
ប្រល័យពូជសាសន៍ប៉ុល ពត មេត្តារួមគ្នាថ្កោលទោសចំពោះអំពើពិសពុល និងពុតត្បុតរបស់ជនអគតិរូបនេះ
ដែលបានគាំទ្រ និងលើកទឹកចិត្ត ដោយងងឹតងងុលដល់ពួកឧក្រិដ្ឋជនប្រល័យពូជសាសន៍នៅកម្ពុជា៕