បាត់ដំបង៖ អាជ្ញាធរមូលដ្ឋាននិងមន្ត្រីជលផលបានកោះប្រជុំជាជាមួយប្រជាពលរដ្ឋនៅតំបន់ទេសចរណ៍
អាងកំពីងពួយក្នុងឃុំតាគ្រាមស្រុកបាណន់កាលពីព្រឹកថ្ងៃទី២១ ខែឧសភា ឆ្នាំ២០១៣ដោយហាមមិនឲ្យប្រើឧបករណ៍នានាចាប់ត្រីទៀតឡើយដើម្បីចៀសវាងការផុតពូជត្រីគ្រប់ប្រភេទក្នុងអាងកំពីងពួយដែលជាតំបន់
ទេសចរណ៍ដ៏ល្បីល្បាញក្នុងខេត្តបាត់ដំបង ការហាមឃាតនេះធ្វើឡើងបន្ទាប់ពីប្រជាពលរដ្ឋផ្អើល នាំគ្នាប្រើឧបករណ៍ចាប់ត្រីក្នុងអាងកំពីងពួយរយៈពេលជិត១ខែកន្លងទៅនេះ ។
លោក អ៊ឹង ប៊ុនយូ មេឃុំ តាគ្រាម បាននិយាយថាអ្នកប្រកបរបនេសាទត្រីក្នុងអាងកំពីងពួយត្រូវផ្អាកសកម្ម
ភាពជាបណ្ដោះអាសន្នព្រោះត្រីក្នុងអាងនេះជិតផុតពូជទៅហើយ ។ ពលរដ្ឋអាចដំណើរការនេសាទជាលក្ខណៈគ្រួសារឡើងវិញ នៅពេលទឹកឡើងកម្ពស់ជាង១ម៉ែត្រខណៈនេះទឹកក្នុងអាងកំពីងពួយបានរីងខ្លាំង
ស្ទើរដល់បាតដីដោយសារមន្ត្រីគ្រប់គ្រងទឹកបង្ហូរចេញតាមប្រព័ន្ធលូសម្ងាត់ដើម្បីសង្គ្រោះស្រូវប្រាំងកសិករ
។ ដូច្នេះដើម្បីកុំឲ្យដាច់ពូជត្រីក្នុងអាងនេះប្រជាពលរដ្ឋដែលប្រកបរបនេសាទត្រីត្រូវតែផ្អាកជាបណ្ដោះ
អាសន្ន។
សូមបញ្ជាក់ថាទឹកក្នុងអាងកំពីងពួយស្រក ខ្លាំងស្ទើរដល់បាតដីដែលមិន ធ្លាប់មានទាល់តែសោះក្នុងប្រវត្តិជាង៣០ឆ្នាំនេះ។មុនពេលហាមឃាត់នេះគេឃើញមានប្រជាពលរដ្ឋរាប់រយនាក់ក្នុងមួយថ្ងៃៗបានផ្អើលនាំគ្នាទៅចាប់ត្រីក្នុងអាងកំពីងពួយដោយប្រើប្រាស់សំណាញ់មងអួននិងឧបករណ៍នេសាទដទៃៗទៀត៕
ដោយ៖ សំអាត