ភ្នំពេញ៖ អង្គភាពប្រឆាំងអំពើពុករលួយបានចេញលិខិតព្រមានជាបន្ទាន់មួយ ចំពោះព្រះអង្គម្ចាស់ ស៊ីសុវត្ថិ
ធម្មិកោ លេខាធិការផ្ទាល់សម្តេចម៉ែ មានឋានៈស្មើរដ្ឋមន្ត្រីឲ្យព្រះអង្គ ប្រកាសទ្រព្យសម្បត្តិ និងបំណុលដោយ
ទុករយៈពេលតែមួយសប្តាហ៍ប៉ុណ្ណោះ ហើយក្នុងករណីរឹងរូសមិនព្រមធ្វើការប្រកាសទ្រព្យសម្បត្តិ និងបំណុល
ត្រូវផ្តន្ទាទោសតាមច្បាប់។
អង្គភាពប្រឆាំងអំពើពុករលួយចេញលិខិតមួយដែលចុះហត្ថលេខដោយផ្ទាល់ពីលោកទេសរដ្ឋមន្រ្តី ឱម យ៉ិន
ទៀង ជាប្រធានអង្គភាពនេះកាលពីថ្ងៃទី២០ ខែឧសភា ឆ្នាំ២០១៣ ព្រមានទៅព្រះអង្គម្ចាស់ ស៊ីសុវត្ថិ ធម្មិកោ
ឲ្យព្រះអង្គបំពេញបែបបទប្រកាសព្រះរាជទ្រព្យសម្បត្តិដោយទុកឱសានវាទមួយសប្តាហ៍ បើមិនធ្វើតាមទេ
នោះ អង្គភាពនឹងកសាងសំណុំរឿងបញ្ជូនទៅកាន់តុលាការមិនបង្អង់ដៃឡើយ។
នៅក្នុងលិខិតនោះបានឲ្យដឹងថា អង្គភាពប្រឆាំងអំពើពុករលួយសូមព្រមានដល់ព្រះអង្គម្ចាស់ធម្មិកោក្នុងការ
រឹងរូសមិនព្រមធ្វើការប្រកាសទ្រព្យ សម្បត្តិ និងបំណុលហើយក្នុងរយៈពេលសប្តាហ៍រាប់ចាប់ពីថ្ងៃចេញលិខិត
ដោយមិនគិតពីថ្ងៃឈប់សម្រាកថ្ងៃបុណ្យបើព្រះអង្គម្ចាស់ ស៊ីសុវត្ថិ ធម្មិកោមិនព្រមយកលិខិតប្រកាសទ្រព្យ
សម្បត្តិ និងបំណុល មកដល់អង្គភាព ប្រឆាំងអំពើពុករលួយទេ អង្គភាពប្រឆាំងអំពើពុករលួយនឹងកសាងបែប
បទបញ្ជូនករណីនេះ ទៅតុលាការដោយ គ្មានបង្អង់ដៃ។
លិខិតព្រមានបានលើកឡើងថាឆ្នាំ២០១៣នេះ មន្ត្រីរាជការព្រះបរមរាជវាំងដែលត្រូវបានប្រកាសទ្រព្យស
ម្បត្តិនិងបំណុល មានចំនួន ១៤៩ អង្គ/នាក់ ហើយមន្ត្រីរាជការព្រះបរមរាជវាំង ចំនួន ១៤៨ អង្គ/នាក់បាន
បំពេញកាតព្វកិច្ចនេះ ប្រកបដោយព្រះគំរូ និងគំរូដ៏ខ្ពង់ខ្ពស់ធ្វើឲ្យសាធារណមតិកោតសរសើរយ៉ាងក្រៃលែង។
លិខិតបន្តថាដោយឡែកតែព្រះអង្គម្ចាស់ ស៊ីសុវត្ថិ ធម្មិកោ មួយអង្គគត់ដែលមិនព្រមធ្វើការប្រកាសទ្រព្យ
សម្បត្តិ និងបំណុលទោះបីក្រុមជនបង្គោលប្រឆាំងអំពើពុករលួយរបស់ព្រះបរមរាជវាំងបានថ្វាយដំណឹងជា
លាយលក្ខណ៍អក្សរចំនួន២លើកទៅព្រះអង្គរួចហើយក្តី។
លិខិតព្រមាន បានបញ្ជាក់ថា អង្គភាពប្រឆាំងអំពើពុករលួយសូមទូលរម្លឹកព្រះអង្គម្ចាស់ ធម្មិកោ ព្រះមេត្តា
ជ្រាបថាបទមិនព្រមប្រកាសទ្រព្យសម្បត្តិ និងបំណុល និងការប្រកាសទ្រព្យសមត្តិនិងបំណុល មិនត្រឹមត្រូវ
ត្រូវផ្តន្ទាទោសតាមមាត្រា ៣៨ នៃច្បាប់ស្តីពីការប្រឆាំងអំពើពុករលួយ ដោយត្រូវជាប់ពន្ធនាគារ ពីមួយខែ
ទៅមួយឆ្នាំ និងពិន័យជាប្រាក់ពីមួយសែនរៀល ទៅពីរលានរៀលហើយត្រូវបានបង្ខំឲ្យធ្វើការប្រកាសទ្រព្យ
សម្បតិ្ត និងបំណុលទៀតហើយបើរឹងរូសមិនព្រមប្រកាសទ្រព្យសម្បត្តិ និងបំណុលត្រូវផ្តន្ទាទោសទ្វេដង។
មានបន្ទូលតបទៅនឹងលិខិតអង្គភាពប្រឆាំងអំពើពុករលួយ ព្រះអង្គម្ចាស់ធម្មិកោ បានបញ្ជាក់ ថា មន្ត្រីព្រះ
បរមរាជវាំង បានទទួលលិខិតនេះហើយកាលពីយប់ថ្ងៃទី២០ ខែឧសភា ឆ្នាំ២០១៣ តែព្រះអង្គមិនទទួល
នោះទេ។ មិនទទួលព្រោះលិខិតនេះ ខុសបែបបទរដ្ឋបាល ដោយស្រោមសំបុត្រមិនបញ្ជាក់ឲ្យបានត្រឹមត្រូវ
មួយវិញទៀត ដោយសារតែព្រះ អង្គយល់ថា ស្ថាប័នព្រះមហាក្សត្រ ជាស្ថាប័នឯករាជ្យមិនត្រូវដាក់ក្រោម
អង្គភាពប្រឆាំងអំពើពុករលួយនោះទេ។
ព្រះអង្គមានបន្ទូលថា ខ្ញុំមិនធ្វើតាមច្បាប់ហ្នឹងព្រោះខ្ញុំយល់ឃើញថា ច្បាប់ហ្នឹងមិនគោរពស្ថាប័នព្រះមហា
ក្សត្រពេលអ្នកអនុម័តច្បាប់ហ្នឹង មិនព្រមគិតស្ថាប័នព្រះមហាក្សត្រ ជាស្ថាប័នឯករាជ្យស្របតាមការចែង
របស់រដ្ឋធម្មនុញ្ញយើង។
សូមបញ្ជាក់ថា ព្រះអង្គម្ចាស់ ស៊ីសុវត្ថិ ធម្មិកោ បច្ចុប្បន្នមានព្រះជន្ម ៦២ព្រះវស្សាជាទីប្រឹក្សាព្រះមហាក្ស
ត្រិយ៍ មុនីនាថ សីហនុ និងជាទីប្រឹក្សាគណបគ្សសង្រ្គោះជាតិព្រមទាំងឈរឈ្មោះជាបេក្ខភាពតំណាង
រាស្រ្តលេខរៀងទី១ នៅមណ្ឌល ព្រះសីហនុ៕
ដោយ៖សស្អាត