ប្រទេសអ៊ីរ៉ាក់៖ មន្រ្តីប៉ូលីសអ៊ីរ៉ាក់បានអោយដឹងថា កាលពីព្រឹកថ្ងៃច័ន្ទ មនុស្សយ៉ាងហោចណាស់ ៣៦នាក់ បានស្លាប់និងជាង១០០នាក់ទៀតបានរងរបួសយ៉ាងធ្ងន់ធ្ងរបន្ទាប់ពីមានការបន្ទុះគ្រាប់បែកក្នុងឡានមួយកន្លែង ក្នុងទីក្រុងបាដាត ប្រទេសអ៊ីរ៉ាក់។ សព្វថ្ងៃនេះនៅក្នុងប្រទេស អ៊ីរ៉ាក់កំពុងតែជួបបញ្ហាអសន្តិសុខយ៉ាងខ្លាំង។

រហូតមកដល់ឥឡូវមានមនុស្សប្រហែលជា ៤០០០  ទៅ ៥០០០នាក់ បានស្លាប់។ រីឯការបន្ទុះគ្រាប់ក្នុង ផ្សារមួយកន្លែងក្នុងស្រុក Sadr City បានសំលាប់មនុស្ស ៧នាក់និងមនុស្ស ៧៥នាក់ទៀតបានរងរបួស ជាទំងន់។ ចំណែកឯនៅក្នុងស្រុក Shuala នៃទីក្រុងបាដាតខាងជើងវិញ  មនុស្ស ៦នាក់ត្រូវបានសំលាប់។កាលពីថ្ងៃសៅរ៍ បន្ទុះគ្រាប់បែកនៅឯព្រះវិហារ មូស្ល៊ីម Shia ភាគខាងត្បូងនៃទីក្រុងបាដាតបានសំលាប់ មនុស្សយ៉ាងណាស់ ២៥នាក់។​ គ្មាននរណាម្នាក់បានដឹងថា អ្នកណាជាអ្នកបន្ទុះគ្រាប់បែកកាលពីថ្ងៃច័ន្ទ នេះឡើយ។ ដោយ៖ តុលា