ភ្នំពេញ៖ តំណាងកម្មវិធីបរិស្ថានសហប្រជាជាតិ (UNEP)ដែលបានសហការជាមួយនិងដៃគូអភិវឌ្ឍន៍ នានាបានផ្តល់ជំនួយគិតជាទឹកប្រាក់ ៤.៩៥៤.២៧៣ ដុល្លារអាមេរិក នាឆ្នាំ២០១៣នេះ។

លោកបណ្ឌិត  ម៉ុក  ម៉ារ៉េត ទេសរដ្ឋមន្ត្រី រដ្ឋមន្ត្រីក្រសួងបរិស្ថាន និងជាប្រធានគណៈកម្មាធិការជាតិ​គ្រប់​គ្រងការប្រែប្រួលអាកាសធាតុ ថ្លែងក្នុងឱកាសបើកអង្គសិក្ខាសាលាចាប់ផ្តើមអនុវត្តគម្រោង ជម្រុញភាព​
ធន់របស់សហគមន៍ជនបទរស់នៅក្នុងតំបន់ការពារធម្មជាតិទៅនឹងការប្រែប្រួលអាកាសធាតុនៅប្រទេស
កម្ពុជា នៅថ្ងៃទី២១ ខែឧសភា ឆ្នាំ២០១៣ នៅសណ្ឋាគារហ៊ីម៉ាវ៉ារ៉ី ថាកម្មវិធីបរិស្ថានសហប្រជាជាតិ ព្រម
ទាំងដៃគូអភិវឌ្ឍទាំងអស់   ដែលជាម្ចាស់ជំនួយសម្រាប់មូលនិធិបន្ស៊ាំទៅនិងការ​ប្រែប្រួលអាកាស​ធាតុ
ដែលបានផ្តល់ថវិកាសរុបចំនួន ៤.៩៥៤.២៧៣ ដុល្លារអាមេរិក សម្រាប់អនុវត្តគម្រោង​ខាងលើនេះ ក្នុង
រយៈពេល៥ឆ្នាំ ២០១៣-២០១៨។

លោក​បណ្ឌិតបានបន្តថា ថ្នាក់ចំពោះដឹកនាំ និងមន្ត្រីជំនាញនៃនាយកដ្ឋានស្រាវជ្រាវ និងអភិវឌ្ឍ​ន៍សហ
គមន៍តំបន់ការពារធម្មជាតិ  និងនាយកដ្ឋានប្រែប្រួលអាកាសធាតុ    ដែលបានសហការ​ចាត់ចែង​សម្រប
សម្រួល  ខិតខំបំពេញកាតព្វកិច្ចរបស់ខ្លួនយ៉ាងមានប្រសិទ្ឋភាពក្នុងរយៈពេលមួយ​ឆ្នាំកន្លងមក  ក្នុងការ
រៀបចំចងក្រងសំណើរឯកសារគម្រោង ក៏ដូចជាការរៀបចំសិក្ខាសាលាថ្ងៃនេះ។

លោករដ្ឋមន្រ្តីបន្ថែមថា ក្រសួងបរិស្ថានបានសហការជាមួយអាជ្ញាធរដែនដីគ្រប់លំដាប់ថ្នាក់ ក្នុងដំណើរ​
ការ​សម្របសម្រួលរៀបចំសហគមន៍តំបន់ការពារធម្មជាតិ ដែលគិតមកដល់ពេលនេះ យើងមានសហ​
គមន៍ការពារធម្មជាតិទូទាំងប្រទេសសរុបចំនួន១២០សហគមន៍ ដោយមានការចូលរួមពីប្រជាជន​​ចំនួន
២១៦ភូមិ មានសមាជិកចូលរួមសរុប២៨១៦៨គ្រួសារ នឹងចូលរួមគ្រប់គ្រងលើទំហំផ្ទៃដីសរុប ១៦៤៤
៨០ហិកតា។

លោកបណ្ឌិតបានបញ្ជាក់ថា ការរៀបចំបង្កើតសហគមន៍តំបន់ការពារធម្មជាតិ គឺជាសកម្មភាពមួយថ្មីក្នុង​
ការរួមចំណែកអភិវឌ្ឍន៍សហគមន៍មូលដ្ឋាន និងការថែរក្សាធនធានព្រៃឈើ ស្របតាមច្បាប់ស្តីពីតំបន់​
ការពារធម្មជាតិ និងគោលនយោបាយរាជរដ្ឋាភិបាល ដើម្បីធានាបាននូវលំ​នឹងធម្មជាតិ រួមចំណែក​ទប់​
ស្កាត់ការប្រែប្រួលអាកាសធាតុដែលជាបញ្ហាមួយគួរឲ្យព្រួយបារម្ភ ចំពោះ​ប្រទេសកម្ពុជាក៏ដូចជាបណ្តារ​
ប្រទេសនៅពិភព​លោក​ទាំងមូល។

ជាមួយគ្នានេះ លោកបណ្ឌិត ទិន ពន្លក អគ្គនាយករងនៃក្រសួងបរិស្ថាន និងជាជនបង្គោល​សម្រាប់​មូល
និធិបន្ស៊ាំនៅកម្ពុជាបាលើកឡើងថា ក្រុមប្រឹក្សាភិបាលនៃមូលនិធិបន្ស៊ាំ បានអនុម័តលើសំណើ​គម្រោង
របស់កម្ពុជានេះ លើទឹកប្រាក់ប្រមាណ៥លានដុល្លារ សម្រាប់រយៈពេល៥​ឆ្នាំ ដែលជាគម្រោង​ធំទី១ នៅ
ក្នុងផ្នែកពង្រឹងសហគមន៍តំបន់ការពារធម្មជាតិនៅកម្ពុជា។

ការជួបជុំគ្នានៅពេលនេះគឺជាចំណុចចាប់ផ្តើមដ៏សំខាន់មួយ នៅក្នុងកិច្ចខិតខំប្រឹងប្រែងរបស់កម្ពុជា ដើម្បី
ពង្រឹងសមត្ថភាពបន្ស៊ាំទៅនិងការប្រែប្រួលអាកាសធាតុ របស់សហគមន៍ងាយរងគ្រោះបំផុត​នៅក្នុងតំបន់
ការពារធម្មជាតិមួយចំនួនរបស់កម្ពុជា។    កម្ពុជាងាយរងគ្រោះពីការប្រែប្រួលអាកាសធាតុ ដោយសារតែ
យើងជាប្រទេសក្រីក្រមានប្រជាជនលើសពី ៨០ភាគរយ រស់នៅតំបន់ជនបទភាគ​ច្រើន​ប្រកបរបរកសិក
ម្មពឹងពាក់លើទឹកភ្លៀង ហើយមួយចំនួនទៀតពឹងអាស្រ័យលើផលិតផល​ព្រៃឈើ​៕

ដោយ៖សស្អាត