ខេត្តបាត់ដំបង ៖ ប្រជាពលរដ្ឋបានបង្ហើបឲ្យដឹងថា មានករណីបាញ់បោះសេរី មួយបានកើតឡើង ធ្វើឲ្យផ្អើល
អ្នកភូមិនៅចំណុចផ្ទះផឹកស៊ីគ្មានភ្លេងកំដរមួយនៅ ក្នុងភូមិស្វាយជ្រុំ ឃុំព្រែកនរិន្ទ ស្រុកឯកភ្នំ នាវេលាម៉ោង
ប្រមាណ១៦រសៀលនាថ្ងៃទី១៩ ខែមេសា ឆ្នាំ២០១៣នេះ ហើយ ជនទំនើងដែលបង្កការបាញ់បោះសេរីចំនួន៤
ទៅ៥គ្រាប់នោះ គឺជាកូនប្រសារបស់លោក ប្រាជ្ញ ចន្ទ អភិបាលខេត្តបាត់ដំបង និងជាអ្នកជំនួញវិនិយោគ
ផ្សារលើ ខេត្តបាត់ដំបង និងផ្សារថ្មគោលផងដែរ ។
សមត្ថកិច្ចនគរបាលស្រុកឯកភ្នំ គឺលោកអធិការរង ចង់ សោភ័ណ្ឌ បានបង្ហើបប្រាប់សារព័ត៌មានថា ករណី
បាញ់បោះសេរីនោះពិតជាមានមែន ដែលបង្កដោយមន្ត្រីគយម្នាក់ប្រចាំច្រកទ្វារព្រំដែនក្នុង ខេត្តបាត់ដំបង
ខណៈដែលកំពុងផឹកស៊ីនៅផ្ទះឈ្មោះ ត្រា ជាអ្នកបើកបររថយន្តឲ្យអភិបាលខេត្តបាត់ដំបង ប៉ុន្តែលោកមិនបាន
ស្គាល់អត្តសញ្ញាណជនបង្កនោះនៅឡើយទេ ។ ដោយមានមន្ទិលបែបនេះ សូមអាជ្ញាធរគ្រប់ជាន់ថ្នាក់ មេត្តាស៊ើបអង្កេតស្រាវជ្រាវឲ្យបានច្បាស់ផង ដើម្បីឲ្យដឹងថា តើជនទំនើងដែលបាញ់បោះសេរីពេលកំពុងផឹកស៊ីនោះ
ជាកូនប្រសារបស់អភិបាលខេត្តបាត់ដំបង ឬជាមន្ត្រីគយ៕
ប្រភព៖វត្តភ្នំ