ភ្នំពេញ៖ អ្នកជំនាញខាង អង្គការកាកក្របាទក្រហមអូស្រ្តាលី រួមគ្នានិង មជ្ឈ មណ្ឌលជាតិផ្តល់ឈាមផ្តល់ចំណេះដឹងការប្រាស្រ័យទាក់ទង និងការអប់រំផ្សព្វផ្សាយ ដើម្បីលើកកម្ពស់ការបរិច្ចាគឈាមដោយស្ម័គ្រចិត្តសំខាន់ទៅមន្រ្តីផ្នែកទំនាក់ទំនងសាធារណៈ មន្រ្តីប្រមូលឈាម និងមន្រ្តីពាក់ព័ន្ធទាំងអស់ដោយធ្វើឡើងមានរយៈពេល២ថ្ងៃ ចាប់ពីថ្ងៃទី២៨ ដល់២៩ មករា នេះ នៅសណ្ឋាគារហ៊ីម៉ាវ៉ារី។
.jpg)
សិក្ខាសាលានេះមានការអញ្ជើញចូលរួមជាពីអ្នកជំនាញខាងអង្គការកាកក្របាទក្រហមអូស្រ្តាលីដែលមកពីប្រទេសអូស្រ្តាលី មកធ្វើបទបង្ហាញ។ហើយក៏មានការអញ្ជើញចូលរួមពីអង្គការសុខភាពពិភពលោក មន្រ្តីរបស់មជ្ឈមណ្ឌលជាតិផ្តល់ឈាម មជ្ឈមណ្ឌលផ្តល់ឈាមខេត្ត និងមជ្ឈមណ្ឌលវះកាត់កុមារ មន្ទីរពេទ្យអនុស្សាវរីយ៍ស៊ុនយាឃៀជាដើម។មិនតែប៉ុណ្ណោះសិក្ខាសាលានេះក៏ជាការចែករំលែកបទពិសោធន៍ជោគជ័យ ពីប្រទេសអូស្រ្តាលីផងដែរ ក្នុងការលើកកម្ពស់ការបរិច្ចាគ។
លោកវេជ្ជបណ្ឌិត ហុក គីមចេង នាយកនៃមជ្ឈ មណ្ឌលជាតិផ្តល់ឈាមបានមានប្រសាសន៏ថា សិក្ខានេះធ្វើឡើងក្នុងគោល បំណងផ្តល់នូវចំណេះដឹងថ្មីៗបន្ថែមទៀតទៅដល់មន្រ្តី នៃបុគ្គលិក មជ្ឈមណ្ឌលជាតិផ្តល់ឈាមនិងនៅតាមខេត្តមួយ ចំនួន ដើម្បី ឲ្យគាត់មានសមត្ថិភាព គ្រប់គ្រាន់នៅក្នុងការរៀបយុទ្ធសាស្រ្ត ធ្វើយុទ្ធធានាការអប់រំផ្សព្វផ្សាយ ក៏ដូចការ ប្រាស្រ័យទាក់ ទងទៅដល់ប្រជាជននៅក្នុងសហគមន៏ ពិសេស យុវជន និស្សិតនៅគ្រប់សកលវិទ្យាល័យទាំងអស់ ឲ្យ យល់ដឹង កាន់តែច្បាស់ លាស់ តំរូវការឈាម និង សារៈសំខាន់នៃការបរិច្ចាកឈាមថាហេតុអ្វីបានជាបរិច្ចាកឈាមមិនគិតកំរៃ ។
លោកបន្តថាដោយសារតម្រូវការឈាមសម្រាប់ជួយព្យាបាលអ្នកជំងឺនៅទូទាំងប្រទេសកាន់តែកើនឡើងនោះឆ្នាំ2014នេះមជ្ឈមណ្ឌលជាតិផ្តល់ឈាមនឹងប្រមូលឈាម ពីអ្នកបរិច្ចាគឲ្យបានជាង6ម៉ឺនប្លោក ដើម្បីឆ្លើយតបឲ្យត្រូវនឹងសេចក្តី ត្រូវការ។ លោកប្រធានមជ្ឈ មណ្ឌលបញ្ជាក់ថា ចំនួនដែលបានគ្រោងទុកនេះ គឺកើនឡើងជាងឆ្នាំមុនចំនួន1ម៉ឺនប្លោក តែទោះជាយ៉ាងនេះក្តីកម្ពុជានៅមិនទាន់ខ្វះខាតឈាមនៅឡើយទេ ប៉ុន្តែជាការស្វែងរកអ្នកបរិចាគឈាមស្មគ្រ័ ចិត្តឲ្យបានកាន់តែច្រើនដើម្បីស្តុកទុកក្នុងការបែងចែកទៅតាមមន្ទីរពេទ្យទាំងអស់នៅទូទាំងប្រទេសសម្រាប់ ជួយព្យាបាលអ្នកជំងឺដែលត្រូវការឈាម។
លោកបន្តថា ដើម្បីឲ្យសម្រេចបានតាមផែនការដែលបានគ្រោងទុកនេះ ក្រុមយុវជនគឺជាគោលដៅ ដ៏សំខាន់បំផុតក្នុងការជំរុញលើកទឹកចិត្តផ្តល់អំណោយឈាមឲ្យបានច្រើនដង ព្រោះវាពុំ បានធ្វើឲ្យប៉ពាល់ដល់សុខភាព និងអយុជីវិតអ្នកបរិចាគឡើយ។ ដោយ៖ អភិរក្ស