ភ្នំពេញៈ ក្រុមប្រឹក្សាសកម្មភាពជនពិការអំពាវនាវដល់អណាព្យាបាលឬឪពុកម្តាយទាំងអស់ដែល សង្ស័យ ថាកូន​កើតមានបញ្ហាសតិបញ្ញា ឬជម្ងឺអូទីស៊ឹមនិងដោនសាំងដ្យូម សូមប្រញាប់នាំពួកគេទៅ ជួបគ្រូ ពេទ្យជំនាញ ដើម្បីកុំ​ឲ្យកុមារទាំងនោះមានសភាពកាន់តែធ្ងន់ធ្ងរ។ លោក ហេង តៃគ្រី អនុប្រធានក្រុមប្រឹក្សាសកម្មភាពជនពិការ និងជា​រដ្ឋ​​​​​​លេខាធិការក្រសួង សុខាភិបាលមាន ថ្លែងនៅក្នុងពិធីសំណេះសំណាលអប់អរសាទរទិវាអូទីស៊ឹម និងដោន​សំាង​ដ្យូម​កាលពីថ្ងៃទី ខែមេសា ថា ជម្ងឺអូទីស៊ឹម គឺជាវិបល្លាសការអភិវឌ្ឍនៅក្នុងផ្នែកខួរក្បាលដែលធ្វើ ឲ្យ​មាន​ការលំបាក​លើ​​​ញាណ​​​​​​​​​​​​ដឹងដោយចាប់ផ្តើមកើតលើកុមារមុនអាយុ3ឆ្នាំ។ចំណែកជម្ងឺដោនសំាងដ្យូម ត្រូវបានគេដឹងថា មុខដូចជន​ជាតិ​ម៉ុងហ្គោលលី មានការយឹតយ៉ាងផ្នែករៀនសូត្រ និងការ លូតលាស់ផ្នែករាង្គកាយ។

លោកអនុប្រធានក្រុមប្រឹក្សាក៏បានបញ្ជាក់ថា ជម្ងឺទាំងនេះប្រសិនបើទុកយូរ ពួក គេនឹងក្លាយជា​មនុស្សពិការ​សតិ​បញ្ញា ប៉ុន្តែការស្គាល់ជម្ងឺនេះបានទាន់ពេលវេលាអាចឲ្យយើងរៀបចំ ផែនការក្នុង​ការ​ស្តារ​លទ្ធភាពលទ្ធកម្ម​​​​​កាយ​សម្បទា និងអប់រំពួកគេ ហើយអាចឲ្យពួកគេទទួលបានជំ នាញក្នុង​សកម្ម​ភាពជីវភាពរស់នៅប្រចាំថ្ងៃបានល្អប្រសើរ ដូចមនុស្សដ៏ទៃទៀតក្នុងសង្គម។ លោកបន្ថែមថា ការប្រារព្វទិវាយល់ដឹងកុមារពិការសតិបញ្ហា អូទីស៊ឹមនិងដោនសំា​​​ង​​​​ដ្យូមនាពេលនេះ ក្នុងគោលបំណងបង្ហាញពីការចូលរួមចំណែករបស់រាជរដ្ឋាភិបាលក្នុងការ​លើកកម្ពស់និងគោរ​​​​​ព​សិទ្ធិ ជនពិការស្របតាមច្បាប់ស្តីពីកិច្ចការពារជនពិការដែលបានផ្តល់សច្ចាបន័ជាមួយអង្គការសហប្រជា ជាតិកន្លង​មក។ លោកបានសង្កត់ធ្ងន់ថា ជនពិការ កុមារពិការកម្រិតណាក៏ដោយសុទ្ធតែមានសិទ្ធិ មានឱកាស​ស្មើ​គ្នាដូចជន​មិន​ពិការដែរ ហើយបញ្ជូនពួកគេទៅគ្រប់សកម្មភាពជាក់ស្តែងដោយផ្អែក លើសមត្ថភាព​និង​ជំនាញ​ដែលមិនត្រូវ​បាន​​​​​​​​​​មើល​​​រំលងឡើយសំដៅធានាឲ្យពួកគេមានប្រាក់ចំណូល រស់នៅក្នុងជីវ​ភាព​ថ្លៃ​ថ្នូ​រ​សមរម្យក្នុងសង្គម ដោយមិន​ពឹង​​​​​​ផ្អែកពីអ្នកដ៏ទៃ។

លោក ហេង តៃគ្រី បានអះអាងទៀតថា  បច្ចុប្បន្ននេះក្រុមសកម្មភាពជនពិការកំពុងស្វែ​ង​ថវិកា​ពី​ម្ចាស់​ជំនួយ ដើម្បី​សហការជាមួយក្រសួងផែនការ ក្នុងការធ្វើបច្ចុប្បន្ន​ភាពទិន្នន័យជន​ពិការ​ក្នុង​ប្រទេ​ស​កម្ពុជា តាមប្រពន្ធ័ចំណាត់​​​ថ្នាក់​អន្តរជាតិនៃមុខងារពិការភាពនិងសុខភាព ដើម្បីធានាដល់ការឆ្លើយតប និង ការផ្តល់សេវាឲ្យចំទិសដៅ ខណៈដែល​ជន​​ពិការ​​​​​​​​ជាក្រុមមនុស្សដែលមានតម្រូវការផ្សេងៗគ្នាតាម ប្រភេទនៃពិការភាព ដូចជាពិការរាង្គកាយ សតិបញ្ញា និង​គថ្លង​ជាដើម។ លោក ជីវ តាវ អភិបាលរងខេត្តកណ្តាល បានបង្ហាញថា ក្រោមកិច្ចសហការជាមួយដៃគូវិស័យពិការ ភាពត្រូវបានយកចិត្តទុកដាក់ជាសំខាន់តាមគោលការណ៍ដាក់បញ្ជូលបញ្ហាពិការក្នុងការអភិវឌ្ឍស ហគមន៍។ជាក់​ស្តែង​ក្នុងឆ្នាំ២០១៣កន្លងទៅ ខេត្តកណ្តាលមានជនពិការទាំងអស់១៧.៩៤២នាក់ ក្នុង នោះកុមារខ្សោយសតិបញ្ញា​​​​មានចំនួន៣.៥០៨នាក់ ហើយជនទាំងនោះសុទ្ធតែទទួលបានសេវាថែទាំ​សុខភាពត្រឹមត្រូវ និងមុខជំនាញដែល​​​​​អាច​ធ្វើ​សមាហរណកម្មទៅក្នុងសង្គមវិញបាន។ យោងតាមការស្រាវជ្រាវបានបង្ហាញថា ជម្ងឺអូទីស៊ឹមបានកើតលើក្មេង​ប្រុស​ច្រើនជាងក្មេងស្រីរហូតដល់ 4១ភាគ១ ក្នុងអត្រាភាគរយមានម្នាក់ក្នុងចំនោម១៦៦នាក់។ដោយឡែក​ជំងឺ​ដោន​សំាងដ្យូម កើតឡើង ក្នុងអត្រាម្នាក់ក្នុងចំនោម២ពាន់នាក់៕

ដោយៈ ភីនរ៉ា