ភ្នំពេញ៖មន្រ្តីការទូតចក្រភពអង់គ្លេសប្រចាំនៅកម្ពុជាបង្ហាញថាការវិនិយោគវិស័យពាណិជ្ជកម្មរវាងចក្រភព
អង់គ្លេសនិងព្រះរាជាណាចក្រកកម្ពុជាបានកើនឡើងដល់ទៅ៧៥០លានដុល្លារនៅក្នុងឆ្នាំ២០១២ហើយកំពុង
បន្តការកើនឡើងជាលំដាប់នៅក្នុងត្រីមាសដំបូងនៃឆ្នាំនេះវាបានកើនឡើងរហូតដល់២៧ភាគរយបើប្រៀប
ធៀបទៅនឹងរយៈពេលដូចគ្នាទៅនឹងឆ្នាំ។
លោក Mark Gooding ឯកអគ្គរាជទូតចក្រភពអង់គ្លេសប្រចាំកម្ពុជាបានថ្លែងឲ្យដឹងនៅក្នុងកម្មវិធីផ្សព្វផ្សាយប្រឹ
ក្សាពាណិជ្ជកម្មនិងការវិនិយោគឡើងវិញនៅថ្ងៃទី១០ ខែមិថុនា ឆ្នាំ២០១៣ នាសណ្ឋាគារអ៊ីនធឺខនថាការនាំ
ចេញរបស់អង់គ្លេសមកប្រទេសកម្ពុជាក្នុងត្រីមាសទីមួយនៃឆ្នាំនេះបានកើនឡើង១១៩,២ភាគរយស្មើនិង៧,៧
លានផោន(១១,៧លានដុល្លារអាមេរិក)។ហើយការនាំចេញដ៏សំខាន់របស់អង់គ្លេសមកប្រទេសកម្ពុជាក្នុង
ឆ្នាំ២០១២មានដូចជារថយន្ត, វាយនភ័ណ្ឌនិងក្រណាត់, ម៉ាស៊ីន, ផលិតផលវេជ្ជសាស្រ្តនិងឱសថជាដើម។
លោក Mark Gooding បន្តថាចំណែកការនាំចូលដ៏សំខាន់ពីប្រទេសកម្ពុជាទៅចក្រភពអង់គ្លេសនៅឆ្នាំកន្លងទៅ
មានដូចជាផលិតផលវាយនភណ្ឌដែលចេញពីរោងចក្រកាត់ដេរ, ស្បែកជើង, ស្ករធញ្ញជាតិក្នុងនោះដែរចក្រភព
អង់គ្លេស គឺមានវត្តមាននៅក្នុងបណ្តាប្រទេសអាស៊ានទាំងអស់ចាប់តាំងពីស្ថានទូតអង់គ្លេស ត្រូវបានបើកទ្វារ
ឡើងវិញនៅក្នុងប្រទេសឡាវនាខែវិច្ឆិកា ឆ្នាំ២០១២ និងមានការិយាល័យពាណិជ្ជកម្មនិងការវិនិយោគអង់គេ្លស
(UKTI) ចំនួនប្រាំបួនក្នុងចំណោមការិយាល័យទាំងនោះ។
ជាមួយគ្នានេះ លោកបានបញ្ជាក់ថា ការនាំចេញទំនិញរបស់ចក្រភពអង់គ្លេសមានគោលដៅច្បាស់លាស់ គឺ
ដើម្បីអាស៊ាននៅឆ្នាំ២០១២មានទឹកប្រាក់៨,៩ពាន់លានផោន។ ហើយចំនួននេះបានកើនឡើង១៥ភាគរយ
នៅឆ្នាំ២០១១។ ការនាំចូលទំនិញពីអង់គ្លេសនៃសមាគមអាស៊ានក្នុងឆ្នាំ២០១២ មានចំនួនទឹកប្រាក់១២,៦២
ពាន់លានផោនផងដែរ។
រដ្ឋមន្ត្រីក្រសួងពាណិជ្ជកម្មនិងការវិនិយោគប្រចាំនៅកម្ពុជាលោកLord Green បានលើកឡើងថាប្រតិបតិ្តការ
របស់ការិយាល័យUKTI ថ្មីបានលទ្ធភាពពេញលេញនិងមានរួចទៅហើយនូវបញ្ជីឈ្មោះសំខាន់ៗរបស់អតិថិ
ជននៅក្នុងប្រទេសកម្ពុជាឬក្រុមហ៊ុនអង់គ្លេសចាប់អារម្មណ៍នៅក្នុងទីផ្សារនេះ។
ចំពោះការសម្រេចចិត្តរបស់អ្នកវិនិយោគអង់គ្លេសបានឲ្យមកទស្សនាប្រទេសកម្ពុជាក្នុងអំឡុងពេលបេសក
កម្មរបស់លោកទៅអាស៊ីអាគ្នេយ៍ក៏បានបញ្ជាក់ជំហរដ៏រឹងមាំនិងមានសក្តានុពលសម្រាប់ការធ្វើពាណិជ្ជកម្ម
កាន់តែច្រើនរវាងប្រទេសទាំងពីរកម្ពុជា-អង់គ្លេស។
សូមជម្រាបថាលោកLord Green រដ្ឋមន្ត្រីក្រសួងពាណិជ្ជកម្មចក្រភពអង់គ្លេសបានធ្វើទស្សនកិច្ចនៅបណ្តាប្រទេ
សជាសមាជិកអាស៊ានចំនួនទាំង៧មានដូចជានៅទីក្រុងហ្សាកាតា(ឥណ្ឌូនេស៊ី), គូឡាឡាំពួរ(ម៉ាឡេស៊ី), ប្រទេ
សសិង្ហបុរី, រាជធានីភ្នំពេញ(កម្ពុជា), ទីក្រុងហូជីមិញនិងទីក្រុងហាណូយ(វៀតណាម), ទីក្រុងបាងកក(ថៃ),
ទីក្រុងរ៉ង់ហ្គូននិងNaypyidaw ប្រទេស(មីយ៉ាន់មា) ៕
ដោយ៖ សុវណ្ណរ័ត្ន