ភ្នំពេញៈ នៅវេលាម៉ោង ១២:៣០នាទីយប់ឈានចូលថ្ងៃទី ១៩-០៣-១៤ កម្លាំងល្បាត របស់ អធិការ ដ្ឋាននគរបាលខណ្ឌសែនសុខ បានឃាត់ ខ្លួនក្មេងទំនើងចំនួន០៦នាក់ ដែលហឹង្សាវាយតប់គ្នា នៅ ចំណុច តាមផ្លូវបេតុង ភូមិត្រពាំងឈូក សង្កាត់ទឹកថ្លា ខណ្ឌសែនសុខ។ ប្រភពរាយការណ៍ពីសមត្ថកិច្ចប៉ូលីសបានឲ្យដឹងថា ក្មេងទំនើងទាំង៦នាក់នោះមានឈ្មោះ១-ឈ្មោះ ផាត់ ភ័ណ្ឌ ភេទប្រុស អាយុ ២៧ឆ្នាំ មុខរបរ កម្មកររោងចក្រ ស្នាក់នៅផ្ទះជួល ក្រុម៤ ភូមិ ត្រពាំង ឈូក សង្កាត់ទឹកថ្លា ខណ្ឌសែនសុខ រងរបួសជាំភ្នែក ខាងស្តាំ ។២-ឈ្មោះ ងួន ងឿន ភេទប្រុស អាយុ ៣៥ឆ្នាំ មុខរបរ កម្មកររោងចក្រ ស្នាក់នៅផ្ទះជួល ក្រុម៤ ភូមិត្រពាំងឈូក សង្កាត់ទឹកថ្លា ខណ្ឌសែនសុខ។ ៣-ឈ្មោះ ដុំ សច្ចា ភេទប្រុស អាយុ ១៩ឆ្នាំ មុខរបរ សន្តិសុខ ក្រុមហ៊ុន ភី ស៊ី អេស ស្នាក់នៅផ្ទះជួល ក្រុម៤ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ។ ៤-ឈ្មោះ ញ៉េប ម៉ាញ់ ភេទប្រុស អាយុ ២០ឆ្នាំ មុខរបរកម្មកររោងចក្រ ស្នាក់នៅផ្ទះជួល ក្រុម៤ ភូមិត្រពាំងឈូក សង្កាត់ទឹកថ្លា ខណ្ឌសែនសុខ។ ៥-ឈ្មោះ ញ៉េម ជ្រឿន ភេទប្រុស អាយុ ២៥ឆ្នាំ មុខរបរ សន្តិសុខ ភី ស៊ី អេស ស្នាក់នៅផ្ទះជួល សង្កាត់អូរឡាំពិក ខណ្ឌចំការមន។ ៦-ឈ្មោះ យ៉ាន់ ពៅ ភេទប្រុស អាយុ ២១ឆ្នាំ មុខរបរ សន្តិសុខ ស៊ី អេស អ៊ី ស្នាក់នៅផ្ទះជួល សង្កាត់អូរឡាំពិក ខណ្ឌចំការមន។ជនរងគ្រោះ ៖ឈ្មោះ វុធ សារ៉ា ភេទប្រុស អាយុ ៣២ឆ្នាំ មុខរបរ រត់ម៉ូតូឌុប ស្នាក់នៅផ្ទះជួលភូមិឫស្សី សង្កាត់ស្ទឹងមានជ័យ ខណ្ឌមានជ័យ រងរបួស រងរបួសសៀតផ្កា ខាងឆ្វេង។
បើតាមប្រភពពីសមត្ថកិច្ចខណ្ឌសែនសុខបានឲ្យដឹងថា មុនពេលកើតហេតុ ក្មេងទំនើងទាំង ០៦នាក់ កំពុងដើរតាមផ្លូវ (ចំណុចកើតហេតុខាងលើ) ស្រាប់តែឈ្មោះ សារ៉ា សួរថា នរណាដើរអូសជើង ពេលនោះក៏មានទំនាស់ពាក្យសម្តី រហូតឈានដល់ការវាយតប់គ្នា ហើយកម្លាំងល្បាត របស់ អធិការ ដ្ឋាន នគរបាលខណ្ឌសែនសុខ ទៅដល់ក៏ធ្វើការឃាត់ និងនាំខ្លួនយកមកអធិការដ្ឋានតែម្តង ។ បច្ចុប្បន្ន កំពុង ឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីចាត់ការតាមនិតិវិធីច្បាប់ ។
ដោយ៖ អភិរក្ស