ភ្នំពេញៈប្រធានក្លឹបអ្នកកាសែតកម្ពុជាលោក​ប៉ែន​សមិទ្ធិបានស្នើអោយប្រព័ន្ធផ្សព្វផ្សាយ មានវិទ្យុ ទូរទស្ស​​​​ន៍​និ​​ង​កាសែតទស្សនាវដ្តី ទាំងអស់ត្រូវប្រកាន់យកភាពឯករាជ្យឈរលើភាពត្រឹមត្រូ​វ ដោ​យមិនប្រកាន់និន្នាការ ដោយ​សារអគតិ នាំអោយមានការរើ​សអើង កាប់សម្លាប់គ្នានោះទេ ដើម្បីកាត់បន្ថយ​ការឈឺចាប់របស់ប្រជា​ពលរដ្ឋ​អោយមានកម្រិតកាន់តែតិចទៅៗ មកនៅកម្រិ​ត​មួយដែ​លអាចទទួលយកបានទាំងអស់គ្នា។ការស្នើ​សុំ​កុំ​ឲ្យប្រព័ន្ធផ្សព្វផ្សាយមានភាពលំអៀង ការផ្សាយមិនឯករាជ្យ ការផ្សាយនាំអោយមានអំពើហិង្សា​ប្រព័ន្ធផ្សព្វ​ផ្សាយ​មិនឯករាជ្យ ការពិបាកទទួលបានព័​ត៌មានគឺជាប្រធានបទមួយត្រូវបានលើកយ​​កមកជជែកវែកញែក​ដោយ​វាគ្មិនល្បីៗមកពីវិទ្យុ កាសែត ជាតិនិងអន្តរជាតិក្នុងវេទិ​កា​អ្នកនិពន្ធសារព័ត៌មាន ក្រោមប្រធានបទ​«សម្លឹងមើលប្រទេសកម្ពុជានៅក្នុងរយៈពេ​ល​ប្រាំឆ្នាំខាងមុខ ក្រោមការដឹកនាំនៃរាជរដ្ឋាភិបាល​ថ្មី»នៅ​ថ្ងៃទី​៣០​ខែកញ្ញា ឆ្នាំ២០១៣នៅសណ្ឋាគាសាន់វ៉េ។

លោក ប៉ែន សមិទ្ធិ ប្រធានក្លឹបអ្នកកាសែតកម្ពុជា បានមានប្រសាសន៍ថា ក្នុងនាមជាអ្នកកាសែតប្រា​កដជា​ដឹង​ថា រឿងដែ​​លកើតឡើងអាចប៉ះពាល់ដល់សង្គម។ដូ​ច្នេះ​យើងត្រូវជៀសវាងនូវអ្វីដែលជាការញ៉ុះញ​ង់​​ អុចអាល​គ្រប់​បែបយ៉ាងដើម្បីកុំអោយសង្គមមានការឈឺចាប់។​ បញ្ហាទំាងមានការជ្រុលនិមយដូចជាការស្រលាញ់ពេក ការស្អប់ពេក ដែលភាសាខ្មែរយើងធ្វើសេចក្តីរាយការណ៍ទៅបំពោពជាមួយអាម្មណ៍ទំាងនោះធ្វើ​ឲ្យរឿងដែល​តូច​ក្លាយទៅជាធំក៏មាន។ អ្នកសារព័តមានគួរជៀសវាងនូវគំនិតអ គិតប្រកាន់​នូវគោលមួយលំអៀងទៅរក​ភាគិ​ម្ខាង​ដើម្បីផ្តួលរំលំភាគីម្ចាងទៀត បញ្ហានេះ ធ្វើឲ្យសង្គមមួយពោរពេញដោយភាពសំាញាំក្នុងសង្គម។លោក​បាន​ស្នើឲ្យអ្នកសារព័តមានទាំងអស់ក៏ដូចជាអ្នកនិពន្ទគួរគិតថាធ្វើត្រឹមត្រូវស្នើភាពគ្នា កុំញួសញុង អុចអាលគ្នា រហូតដល់បង្កឲ្យមានអំពើហិង្សាអ្វីមួយកើតឡើង។នៅពេលដែលអ្នកសារព័តមាន​ធ្វើទង្វើណាមួយដែលហួស​កំរិក អុតអាល ពេលនោះច្បាប់ត្រូវអនុវត្តចំពោះគាត់។ ប៉ុន្តែកុំឲ្យច្បាប់ចាត់ការនោះយើងសូមអំពាវនាវដល់ អ្នកសារព័តមានទាំងដែលគោរវិជ្ជាជីវៈត្រូវគិតពីផលប្រយោជន៍ប្រទេសជាតិជាធំ។

លោកបញ្ជាក់ថា«ក្នុងនាមជាអ្នកកាសែតមិនគួរធ្វើសេចក្តីរាយការណ៍ទៅហើយបណ្តាល​អោ​​យមានមនុស្ស​ស្លាប់ ​ដោយសារសេក្តីរាយការណ៍របស់ខ្លួននោះទេ ព្រោះវាមិនមែនគ្រាន់តែខុ​សវិជ្ជាជីវៈប៉ុណ្ណោះទេ វាក៏ខុស​នឹងក្រមសីលធម៌ ហើយច្បាប់ក៏នឹងមានវិធានការលើយើងទៀតផង»។លោក Denis Schrey តំណាងមូលនិធិខុន​រ៉ាដ​​ប្រចាំកម្ពុជាបានមានប្រ​សា​សន៍ថា លោកចង់ឃើញប្រព័ន្ធផ្សព្វផ្សាយផ្តល់សម្លេងគ្រប់ភាគី​​ ដើម្បីផ្តល់តុ​ល្យ​ភា​ព​គ្នាទៅវិញទៅមក បើមានតែម្ខាងៗនោះ​ លោកសួរថា តើអ្វីទៅជាការពិតនៃព័ត៌​មាននោះ។ក្នុងវេទិកានេះ ទោះបីវាគ្មិនម្នាក់ៗផ្តល់ទស្សនៈខុសៗគ្នាក្តី ក៏ពួកគេនៅតែចង់ឃើ​ញ ការកែទម្លាប់ចាស់របស់អ្នកព័ត៌មាន​ក្នុង​ការ​រាយការណ៍ខុសការពិត និងសំណូមពរអោយអង្គភាពរដ្ឋទាំងអស់ផ្តល់ភាពងាយស្រួលដល់​អ្នកសារ​ព័ត៌មាន​ ​ដើម្បីបានប្រភពព័ត៌មានពិត និងឆាប់រហ័ស។លោក ប៉ែន បូណា និពន្ឋនាយកវិទ្យុបារាំង​អន្តរជាតិ​ភាសា​ខ្មែរ(RFI) មានប្រ​សា​សន៍ថាសារបណ្តាញផ្សព្វផ្សាយព័តមានជាចង់រដ្ឋាភិបាលស្តាប់ព្រោះថាអ្នកសារ​អាច​តំរង់ផ្លូវមួយផងដែរ ហើងប្រពន្ទផ្សព្វផ្សាយជាអំណាចទី៤ ដូច្នេះអ្នកសារព័តមាន​មានឥទ្ធិពល​មួយក្នុង​សង្គម​ផងដែរ។លោក​បន្តថាពេលកន្លងមកបណ្តាញផ្សព្វផ្សាយបានរបាយការណ៍ពីការនយោបា​យពីរ​សង្គម​ស៊ីវិល ប៉ុន្តែខ្លួនយើងជាអ្នកសារព័តមានមិនទាន់បញ្ចេញសម្លេង និងត្រូ វធ្វើយ៉ាងដូចម្តេ​ចចំពោះការ​ដឹកនាំរដ្ឋា​ភិបាល ហើយយើងត្រូវធ្វើយ៉ាងដូម្តេចចំពោះរដ្ឋា ភិបាល និងរដ្ឋាភិបាល​គួធ្វើអ្វីចំពោះការដឹកនំារបស់​ខ្លួនក្នុង​ការ​ចង់បានរបស់ប្រជាពល រដ្ឋ។ ដូច្នេះអ្នកដែលមានបទពិសោធន៍ជាអ្នកសារព័តមានច្រើនណាស់​ ដូច្នេះយើង​ទំាងអស់​គ្នាគួរ​តែបញ្ចេញទស្សនៈរៀងខ្លួន ប៉ុន្តែទស្សនៈនោះត្រូវតែឯករាជ្យមិនមែននិន្ទាការនយោបាយទេ៕

ដោយៈ រតនា