ភ្នំពេញ៖ អង្គការ NPA របស់ប្រទេសន័រវេសផ្តល់ថវិកាជាង២២ម៉ឺន៩ពាន់ដុល្លារអាមេរិកដល់មជ្ឈមណ្ឌល សកម្មភាពកំចាត់មីនកម្ពុជា ដើម្បីអនុវត្តគំរោងបីលើការពង្រឹងសមត្ថភាពដោះមីនក្នុងការចូលរួមចំណែកក្នុងជួយអភិវឌ្ឍសង្គមកម្ពុជា។
.jpg)
អង្គការជំនួយនៃប្រជាពលរដ្ឋន័រវេស (NPA) បានព្រមព្រៀងចុះហត្ថលេខាលើអនុស្សារណៈយោគយល់គ្នាក្នុងការផ្តល់ និងទទួលជំនួយបន្ថែម ក្នុងទំហំទឹកប្រាក់ប្រមាណ២២ម៉ឺន៩ពាន់៦០០ដុល្លារអាមេរិក ជាមួយ មជ្ឈមណ្ឌលសកម្មភាពកំចាត់មីនកម្ពុជា (CMAC) និង អាជ្ញាធរមីនកម្ពុជា ក្នុង ការអនុវត្តលើគំរោងចំនួនបី ដើម្បីធ្វើឲ្យប្រសើរឡើងនូវសមត្ថភាពរបស់មន្ត្រីស៊ីម៉ាក់ក្នុងសកម្មភាព រំដោះផ្ទៃដីដែលមានមីននៅតំបន់ភាគខាងកើតរបស់ប្រទេសកម្ពុជា។ ពិធីចុះហត្ថលេខាលើអនុស្សារណៈយោគយល់គ្នាត្រូវបានរៀបចំធ្វើឡើងនៅស្នាក់កណ្តាលមជ្ឈមណ្ឌលសកម្មភាពកំចាត់មីន កម្ពុជា ដោយមានវត្តមាន ឯ.ឧ ជុំ ប៊ុនរ៉ុង អគ្គលេខាធិការនៃអាជ្ញាធរមីន ឯ.ឧ ហេង រតនា អគ្គនាយក ស៊ីម៉ាក់ និងលោក តាំង ស៊ុនហាវ នាយកប្រចាំប្រទេសនៃអង្គការ (NPA) នៃប្រទេសន័រវេស នាព្រឹក ថ្ងៃទី១៩ មីនានេះ។
.jpg)
លោក តាំង ស៊ុនហាវ នាយករប្រចាំប្រទេសនៃអង្គការ (NPA) នៃប្រទេសន័រវេស មានប្រ សាសន៍ថាគំរោងទាំងបីដែល (NPA) នៃប្រទេសន័រវេស និងស៊ីម៉ាក់បានព្រមព្រៀងគ្នានេះរួមមាន ទី១ គំរោងគាំទ្រដល់មជ្ឈមណ្ឌលបណ្តុះបណ្តាលស៊ីម៉ាក់ ពាក់ពន្ធ័និងសុនខហិតមីន គ្រឿងផ្ទុះ ដើម្បីធានាឲ្យមានចំនួនសុនខគ្រប់គ្រាន់សម្រាប់ប្រតិបត្តិការរបស់ស៊ីម៉ាក់។
ឯ.ឧ ហេង រតនា មានប្រសាសន៍ថា កន្លងទៅជំនួយរបស់ អិនភីអេ បានធ្លាក់ចុះ ហើយរហូត ដល់បិទគំរោងតែម្តងក្នុងជួយដល់កម្ពុជាក្នុងវិស័យដោះមីន ប៉ុន្តែរយៈពេលចុងក្រោយនេះ អិនភីអេ បានផ្តល់ជំនួយជាច្រើនដើម្បីទ្រទ្រង់ដល់សកម្មភាពនានារបស់ស៊ីម៉ាក់កាន់តែប្រសើរ។ ឯ.ឧ បញ្ជាក់ថា នាពេលខាងមុខ អាចនៅក្នុងអំឡុងខែឧសភា ខាងមុខនេះ សហរដ្ឋអាមេរិក នឹងផ្តល់ ជំនួយតាមរយៈអិនភីអេ ប្រមាណ២ លាន៥សែនដុល្លារអាមេរិកបន្ថែមទៀតដល់ស៊ីម៉ាក់ក្នុងបេសកកម្ម រំដោះផ្ទៃដីដែលមានមីនរបស់ស៊ីម៉ាក់។ តាមរយៈជំនួយនេះ ស៊ីម៉ាក់នឹងអាចពង្រីកសមត្ថភាពបន្ថែម ក្នុងការបន្តដំណើរការគំរោងទាំងពីរ ទាំងសុនខហិតមីន និងគំរោងនៃសុនខហិតមីននាផ្នែកខាងកើត៕ ដោយ៖ អភិរក្ស