ប្រទេសចិន៖ សារព័ត៌មានរបស់ចិនបានអោយដឹងថា កូនប្រុសរបស់លោកឧត្តមសេនីយ៍ Li Shuangjiang  ត្រូវបានតុលាការប្រទេសចិនកាត់ទោសអោយជាប់ពន្ធនាគារ ១០ ឆ្នាំពីបទចាប់រំលោភស្រ្តីម្នាក់។  
តុលាការប្រទេសចិនបានបន្តថា ជនជាប់ចោទនោះឈ្មោះ Li Tianyi អាយុ ១៧ឆ្នាំនិងបក្សពួករបស់
ខ្លួន ៤នាក់ទៀតបានចាប់រំលោភស្រ្តីម្នាក់នៅក្នុងសណ្ឋាគារប៉េកាំងបន្ទាប់ពីពួកគេផឹកស៊ីរួចរាល់។

ជនជាប់ចោទ Li Tianyi បានបដិសេធលើការចោទប្រកាន់ទាំងនោះដោយនិយាយថានាងគឺជាស្រីលក់ខ្លួន។ ម្តាយរបស់ Li Tianyi ឈ្មោះ Meng Ge គឺជាតារាចម្រៀងដ៏ល្បីល្បាញនៅក្នុងជួរកងទ័ពរំដោះជាតិរបស់ប្រទេស ចិន។ ករណីនេះត្រួវបានបើកសាវនាការ ឡើងនៅក្នុងតុលាការ Haidian ភាគពាយ័ព្យនៃទីក្រុងប៉េកាំងរីឯជន ជាប់ចោទ ៤នាក់ផ្សេងទៀតនឹងត្រូវជាប់ពន្ធនាគារពី ៣ឆ្នាំទៅ ១២ឆ្នាំ។នេះគឺមិនមែនជារឿងលើកទីមួយទេ ដែល Li Tianyi បានធ្វើតាមពិតទៅគាត់ធ្លាប់បានទាក់ទិននឹងគ្រោះថ្នាក់ចរាចរណ៍លើប្តីប្រពន្ធមួយគូហើយ ត្រូវបានតុលាការចិនកាត់ទោសអោយជាប់ពន្ធនាគារ ១ឆ្នាំ។ លោកឧត្តមសេនីយ៍ Li Shuangjiang បានសុំទោស ដល់ប្តីប្រពន្ធទាំងពីរនាក់នោះ។ អ្នកផ្តល់ព័ត៌មានរបស់ចិនបានអោយដឹងថា ការប្រព្រឹត្តរបស់ Li Tianyi ធ្វើ
អោយប្រជាជនចិនទាំងអស់គ្នាខឹងនិងស្អប់ខ្ពើមយ៉ាងខ្លាំង។ ដោយ៖ តុលា