ភ្នំពេញៈ មន្ត្រីការិយាល័យរបស់អង្កការសហប្រជាជាតិប្រយុទ្ធប្រឆំាងគ្រឿងញៀននិងឧក្រិដ្ឋកម្មប្រចំាតំបន់(UNODC)កោតសសើរចំពោះស្នាដៃកងកលំាងមន្ត្រីកម្ពុជាក្នុងការបង្ក្រាបបទល្មើសឧក្រិដ្ឋកម្មគ្រឿងញៀននិងលុយកង្វក់ឆ្លងដែនខុសច្បាប់របស់ឧក្រិដ្ឋជនពីបណ្តាប្រទេសនានាដើម្បីចែកចាយបន្តទៅប្រទេសដទៃ។ការកោតសរសើរនេះបានធ្វើឡើងក្នុងជំនូបរវាងលោក Jeremy Douglas តំណាងការិយាល័យអង្កការសហប្រជាជាតិប្រយុទ្ធប្រឆំាងគ្រឿញៀននិងឧក្រិដ្ឋតំបន់ជាមួយលោក ឧបនាយករដ្ឋមន្ត្រីក្រសូងមហាផ្ទៃ ស ខេង នៅព្រឹកថ្ងៃទី១៦ខែតុលាឆ្នំា២០១៣នៅទីស្តីការក្រសួងមហាផ្ទៃ។ ក្នុងជំនួបរបស់ជាន់ខ្ពស់ផ្តោតសំខាន់ទៅលើការបង្ក្រាបគ្រឿងញៀននិងលុយកង្វក់ឆ្លងដែនខុសច្បាប់និងប្រមូលផ្តុំលើការពិភាក្សាពីការបន្តកិច្ចសហប្រតិបត្តិការនៅពេលខាងមុខបន្តទៀតរវាងUNODCជាមួយកម្ពុជា ជាពិសេសការគំាទ្ររបស់អង្គការប្រយុទ្ធប្រឆាំងគ្រឿងញៀននិងឧក្រិដ្ឋកម្មប្រចំាតំបន់ចំពោះរដ្ឋាភិបាលកម្ពុជាក្រោមការអនុវត្តផ្ទាល់របស់ក្រសួងមហាផ្ទៃ។
ក្នុងកិច្ចជំនួបនោះលោកឧបនាយករដ្ឋមន្ត្រីស ខេង មានប្រសាសន៍ថាក្រោមការជួយគំាទ្ររបស់UNODCនាពេលកន្លងមកធ្វើឲ្យប្រទេសកម្ពុជាទទួលបានជោគជ័យធំៗក្នុងបង្ក្រាបបទល្មើសគ្រឿងញៀននិងបទល្មើសលុយកង្វក់ឆ្លងដែនរបស់ឧក្រិដ្ឋជនដែលមានគោលបំណងចែកចាយក្នុងប្រទេសកម្ពុជានិងបន្តទៅអរិយប្រទេសនានា។ពេលកន្លងមកប្រទេសកម្ពុជាបានបង្រ្កាបបទល្មើសឆ្លងដែនគ្រឿងញៀន និងលុយកង្វក់មានសមិទ្ធិផលធំៗមួយចំនួនគួរកត់សំគាល់។ប៉ុន្តែប្រទេសយើងមិនទាន់បង្ក្រាបបទល្មើសទំាងស្រុងនៅឡើយទេ ព្រោះថាបទល្មើសទំាងនោះមានលក្ខណៈជាប្រព័ន្ធ។ លោក ឧបនាយករដ្ឋមន្ត្រី ស ខេង បានគូសបញ្ជាក់បន្ថែមថាពាក់ព័ន្ធនិងបញ្ហាគ្រឿងញៀនក៏ដូចជាការចចារលុយកង្វក់នៅក្នុងប្រទេសកម្ពុជាមិនទាន់បានលុបបំបាត់ទំាងស្រុងនោះទេ ព្រោះថាការចចារនេះមានលក្ខណៈជាសាកល ហើយប្រទេសកម្ពុជាជាប្រទេសដែលរងគ្រោះ ។ លោក Jeremy Douglas បានមានប្រសាសន៍ដោយភ្នាក់ផ្អើលចំពោះការបង្ក្រាបបទល្មើសគ្រឿងញៀននិងលុយកង្វក់របស់ក្រុមសមត្ថកិច្ចកម្ពុជាថា កម្ពុជាប្រទេសកម្ពុជាបានបង្ក្រាប់បទល្មើសទំាងនេះគួរអោយកត់សំគាល់។ពេលនេះកម្ពុជាមានការអភិវឌ្ឍទំាងផ្នែកសេដ្ឋកិច្ចនិងសង្គមកិច្ចដោយមានសន្ទុះខ្លាំង ។លោកបន្តថា៦ឆ្នាំមុនលោកបានមកបំពេញទស្សនៈកិច្ចនៅប្រទេសកម្ពុជាក្នុងនាម ជាអ្នកជួយស្រាវជ្រាវសារធាតុគីមីក្នុងការផលិតគ្រឿងញៀន។ ហើយពេលនោះគាត់បានវាយតម្លៃខ្ពស់ចំពោះការខិតខំរបស់រាដ្ឋាភិបាលកម្ពុជាជាពិសេសក្រសួងមហាផ្ទៃ ដែលបានជម្រុញយ៉ាងខ្លាំងក្លាក្នុងការប្រយុទ្ធប្រឆំាងគ្រឿងញៀននិងលុយកកង្វក់។ UNODC បានត្រៀមលក្ខណៈនិងប្តេជ្ញាចិត្តក្នុងការបន្តជួយប្រទេសកម្ពុជាក្នុងការបណ្តុះបណ្តាលធនធានមនុស្ស ក៏ដូចជាពង្រឹងសមត្ថភាពផ្សេងៗទៀតដល់មន្ត្រីអនុវត្តច្បាប់របស់កម្ពុជាក្នុងការប្រយុទ្ធប្រឆំាងគ្រឿងញៀន។ក្នុងកិច្ចជំនួបនោះដែរលោកឧបនាយករដ្ឋមន្ត្រី ស ខេងបានស្នើឲ្យ អង្កការUNODC បន្តជួយបណ្តុះបណ្តាលរដល់មន្ត្រីអនុវត្តច្បាប់របស់កម្ពុជា ដើម្បីធ្វើយ៉ាងណាមានសមត្ថភាពគ្រប់គ្រាន់ក្នុងការប្រយុទ្ធប្រឆំាងគ្រឿងញៀន។លើសពីនេះលោកបានស្នើឲ្យUNODC បន្តជួយពង្រឹងការឃោសនាដល់ពលរដ្ឋកម្ពុជាឲ្យយល់ដឹងពីតម្លៃគ្រឿញៀន ថ្វីត្បិតតែរដ្ឋាភិបាលកម្ពុជាកំពុងធ្វើការងាយ៉ាងស្រស្រាក់ស្រំាក៏ដោយ។ លោក Jeremy Douglas មានប្រសាសន៍ថាUNODC បានត្រៀមលក្ខណៈរួចជាស្រេចក្នុងកាជួយដល់មន្ត្រីរបស់កម្ពុជាក្នុងអនុវត្តច្បាប់ ហើយUNODCនិងពិចារណាវិធានការ ជាក់ស្តែងក្នុងការអនុវត្តដល់មន្ត្រីអនុវត្តច្បាប់របស់កម្ពុជា ៕ដោយ៖ រតនា