ភ្នំពេញ៖ យ៉ាងហោចណាស់មនុស្ស ០៩នាក់បានស្លាប់ និង របួស១៤នាក់ ក្នុងនោះ០៩នាក់របួសធ្ងន់ ដោយសារគ្រោះថ្នាក់ចរាចរណ៏១៣លើកកើតឡើងនៅទូទំាងប្រទេសកម្ពុជា កាលពីថ្ងៃទី១៧ មីនា ២០១៤ ។ បើតាមរបាយការណ៏របស់អគ្គស្នងការដ្ឋាននគរបាលជាតិ ក្រសួងមហាផ្ទៃបានបង្ហាញឲ្យដឹងទៀតថា ក្នុងគ្រោះថ្នាក់ចរាចរណ៍ទាំង ១៣លើកខាងលើ បានបង្កឲ្យខូចខាតយានយន្តសរុប ២០គ្រឿង ក្នុងនោះម៉ូតូ ១៦គ្រឿង, រថយន្តធុនតូច ០៤គ្រឿង និងអ្នកថ្មើរជើងម្នាក់ ។ របាយការណ៏ដដែលក៏បានឲ្យដឹងទៀតថា មូលហេតុដែលបណ្តាលឲ្យមានគ្រោះថ្នាក់ គឺបណ្តាលមកពីកត្តាល្បឿន ០៨លើក, មិនគោរពសិទ្ធ ០២លើក, មិនប្រកាន់ស្តាំ ០២លើក និងស្រវឹង ០១លើក ក្នុងនោះជិះម៉ូតូគ្រោះថ្នាក់មិនពាក់មួកសុវត្ថិភាព ២១នាក់ ៕ ដោយ៖ ភីនរ៉ា
