ភ្នំពេញ៖ នាព្រឹកថ្ងៃទី៧ ខែឧសភា ឆ្នាំ២០១៣ បានបោះឆ្នោតជ្រើសតាំងលោកពិតតាំងសានជាសមា
ជិកថ្មីរបស់ក្រុមប្រឹក្សាធម្មនុញ្ញជំនួសអាសនៈរបស់លោក ប៉ែន ថុល ដែលត្រូវបញ្ចប់អាណត្តិរបស់ខ្លួនរយៈ
ពេល៩ឆ្នាំ គិតត្រឹមថ្ងៃទី៣០ ខែមិថុនា ឆ្នាំ២០១៣ ។ ការជ្រើសតាំងនេះធ្វើឡើងដោយមានសមាជិករដ្ឋ
សភាចំនួន៩៧រូប ក្នុងចំណោមសមាជិករដ្ឋសភាសរុប១២៣រូប ដែលមានវត្តមានក្នុងកិច្ចប្រជុំរដ្ឋសភា ។
ជាសមាជិករបស់ក្រុមប្រឹក្សាធម្មនុញ្ញអាណត្តិទី៥រយៈពេល៣ឆ្នាំ ចាប់ពីឆ្នាំ២០១០ ដល់ឆ្នាំ២០១៣ រួមមាន៖ ប្រធានលោក ឯក សំអុល សមាជិក លោកស្រី ស៊ុំ នីផា លោក ប៉ែន ថុល លោក ឈួរ លាងហួត លោក
ព្រហ្មញាណ វិចិត្រ អ្នកអង្គម្ចាស់ ស៊ីសុវត្ថិ ផាន់ដារ៉ាវង្ស សម្តេច នរោត្តម សិរិវុឌ្ឍ លោក មឹន ស៊ាន និងលោកស្រី ចែម វេយ្យរិទ្ធ ។
ក្រុមប្រឹក្សាធម្មនុញ្ញគឺជាស្ថាប័នកំពូលមួយដែលមានចែងក្នុងរដ្ឋធម្មនុញ្ញឆ្នាំ១៩៩៣សម្រាប់ការពារការគោ
រពរដ្ឋធម្មនុញ្ញបកស្រាយរដ្ឋធម្មនុញ្ញនិងច្បាប់ដែលរដ្ឋសភា បានអនុម័តនិងព្រឹទ្ធសភាបានពិនិត្យចប់សព្វ
គ្រប់ហើយនិងសម្រេចអំពីករណីវិវាទកម្មទាក់ទង នឹងការបោះឆ្នាតជ្រើសតាំងតំណាងរាស្ត្រនិងការបោះ
ឆ្នោតជ្រើសតាំងសមាជិកព្រឹទ្ធសភា។
ក្រុមប្រឹក្សាធម្មនុញ្ញចាប់ដំណើរការពេញលក្ខណៈនៅថ្ងៃទី១៥ ខែមិថុនា ឆ្នាំ១៩៩៨ ។ សមាសភាពនៃក្រុមប្រឹក្សាធម្មនុញ្ញមានប្រធាន១រូបនិងសមាជិកចំនួន៨រូប ។ ប្រធានត្រូវបានជ្រើសតាំងដោយសហសេ
វិកទាំង៩រូបតាមមតិភាគច្រើនដាច់ខាតរៀងរាល់បីឆ្នាំម្តងក្រោយពីសមាជិកថ្មី៣រូបចូលកាន់តំណែង ។
សម្រាប់អាណត្តិទី១ត្រូវបានតែងតាំងឬជ្រើសតាំងសមាជិកខ្លះសម្រាប់បីឆ្នាំខ្លះសម្រាប់ប្រាំមួយឆ្នាំនិងខ្លះ
ទៀតសម្រាប់ប្រាំបួនឆ្នាំ ។ សមាជិក៣រូបតែងតាំងដោយព្រះមហាក្សត្រផ្ទាល់៣រូបជ្រើសតាំងដោយរដ្ឋ
សភានិង៣រូបទៀតជ្រើសតាំងដោយឧត្តមក្រុមប្រឹក្សានៃអង្គចៅក្រម។
សមាជិកក្រុមប្រឹក្សាធម្មនុញ្ញត្រូវបានតែងតាំងឬជ្រើសតាំងពីចំណោមឥស្សរជនដែលមានសញ្ជាតិខ្មែរពីកំណើតមានអាយុយ៉ាងតិច៤៥ឆ្នាំ មានបទពិសោធន៍ការងារយ៉ាងតិច១៥ឆ្នាំ និងមានសញ្ញាប័ត្រឧត្តម
សិក្សាឡើងទៅក្នុងវិស័យច្បាប់រដ្ឋបាលការទូតនិងសេដ្ឋកិច្ច ។
ក្រុមប្រឹក្សាធម្មនុញ្ញមិនអាចយកបញ្ហាណាមួយមកពិនិត្យដោយខ្លួនឯងបានឡើយ ។ មានតែព្រះមហា
ក្សត្រ ប្រធានព្រឹទ្ធសភា ប្រធានរដ្ឋសភា នាយករដ្ឋមន្ត្រី សមាជិកព្រឹទ្ធសភា មួយភាគបួន និងអ្នក
តំណាងរាស្ត្រមួយភាគដប់ឬតុលាការប៉ុណ្ណោះដែលអាចសុំទៅក្រុមប្រឹក្សាធម្មនុញ្ញពិនិត្យធម្មនុញ្ញភាពនៃ
ច្បាប់បាន ៕