សុខភាព៖ ការអនុវត្តការងារប្រចាំថ្ងៃនៅក្នុងការិយាល័យ គឺតម្រូវឲ្យអង្គុយក្នុងរយៈពេលយូរ ហើយការអង្គុយបែបនេះ អាចនឹងប្រឈមគ្រោះថ្នាក់ចំពោះសុខភាព ដោយសារតែភាពមិនមានចលនា និងថយចុះការចំណាយថាមពល។ បើយោងតាមការស្រាវជ្រាវពីក្រុមអ្នកឯកទេសនៃសាកលវិទ្យាល័យអូស្ត្រាលី បានបង្ហាញថា មនុស្សដែលអង្គុយច្រើនជាង៤ម៉ោងក្នុងមួយថ្ងៃៗ អាចប្រឈមនឹងបញ្ហាសុខភាពរ៉ាំរ៉ៃ ដូចជា ជំងឺទឹកនោមផ្អែម, ជំងឺបេះដូង ជំងឺលើសឈាម ឬជំងឺមហារីក។
.jpg)
អ្នកឯកទេសណែនាំថា ដើម្បីកាត់បន្ថយអត្រាប្រឈមនឹងជំងឺរ៉ាំរ៉ៃ មនុស្សគួរតែអង្គុយឲ្យបានតិច និងធ្វើចលនាឲ្យបានច្រើន។ ដូចនេះសម្រាប់អ្នកចាំបាច់អង្គុយជាប្រចាំ គួរចំណាយពេលងើបដើរ និងធ្វើចលនាខ្លះៗ រាល់១ម៉ោងម្តង ផ្សាភ្ជាប់នឹងលំហាត់ប្រាណក្រោយពេលចប់ពីការងារ អាចនឹងជួយកាត់បន្ថយអត្រាប្រឈមទាំងឡាយដូចដែលបានរៀបរាប់ខាងលើ៕
ដោយ៖ ភីនរ៉ា