ប្រទេសចិន៖ យោងតាមការរៀបរាប់របស់មន្រ្តីប៉ូលីសចិនមួយរូបបានអោយដឹងថា មនុស្សយ៉ាងហោចណា
ស់៨៥ នាក់បានរងរបួសជាទំងន់បន្ទាប់ពីសាឡាងដឹកអ្នកដំណើរមួយគ្រឿងបានបុកនឹងរបស់អ្វីម្យ៉ាងនៅពេល 
កំពុងតែធ្វើដំណើរ។ រដ្ឋាភិបាលប្រចាំទីក្រុងបានអោយដឹងថា មនុស្ស ៦នាក់គឺទទួលរងរបួសយ៉ាងធ្ងន់ធ្ងរ។ 
អ្នកនាំពាក្យរបស់រដ្ឋាភិបាលបាននិយាយប្រាប់ភ្នាក់ងារសារព័ត៌មាន BBCថា ឧបទ្ទវហេតុនេះគឺបានកើតឡើង
នៅថ្ងៃព្រហស្បត្តិ៍ម្សិលមិញ វេលាម៉ោង ១៧នឹង២០នាទី ( ត្រួវនឹងម៉ោង ១នឹង ២០នាទី ម៉ោងនៅក្នុងស្រុក)
ស្ថិត នៅក្បែរកោះ Hei Ling Chau ប្រទេសចិន។ ប្រព័ន្ធផ្សព្វផ្សាយប្រចាំទីក្រុងហុងកុងបានអោយដឹងថា សាឡាង ដឹកអ្នកដំណើរមួយគ្រឿងនោះគឺធ្វើដំណើរពីទីក្រុងហុងកុងឆ្ពោះទៅកាន់ទៅក្រុងម៉ាកាវដែលបានផ្ទុកអ្នកដំណើរ 
ជាង ១០០នាក់និងនាវិក ៦នាក់ផ្សេងទៀតនៅក្នុងសាឡាងនោះ។

ក្រុមអ្នកជួយសង្រ្គោះបានអោដឹងថា គ្មានប្រភពព័ត៌មានណាមួយបានបញ្ជាក់ពីចំនួនអ្នកបាត់ខ្លួនក្នុងហេតុការណ៍ នោះឡើយ។ យោងតាមភ្នាក់ងារសារព័ត៌មាន AFPបានអោយដឹងទៀតថា សាឡាងដឹកអ្នកដំណើរមួយគ្រឿងនោះ ឈ្មោះ Maderia។ គួរបញ្ជាក់ផងដែរថា របស់ដែលប៉ះនឹងសាឡាងមួយគ្រឿងនោះគឺមិនទាន់បានដឹងថាជាអ្វីនោះ ទេ។ រដ្ឋាភិបាលប្រចាំទីក្រុងហុងកុងបានលើកឡើងថា កាលពីឆ្នាំមុនសាឡាងដឹកអ្នកដំណើរមួយគ្រឿងបានក្រ ឡាប់នៅក្បែរកោះ Lammaដែលបានបណ្តាលអោយមនុស្ស ៣៩នាក់ស្លាប់និងរងរបួសជាច្រើននាក់ទៀត។ ដោយ៖ តុលា