ភ្នំពេញ៖នេះជាលើកទី១ហើយដែលកម្ពុជាបានរៀបចំធ្វើពិព័រណ៌អចលនទ្រព្យដែលមានប្រធានបទ​ជាវិជ្ជាជីវៈនិងបង្ហាញឡើងនូវការយល់ដឹងពីសក្តានុពលនៃកាលានុវត្តភាពផ្នែកសំណង់និងអចលន​ទ្រព្យ
ដែលជាធុរកិច្ចនិងវិនិយោគមួយកំពុងបានរីកលូតលាស់និងអភិវឌ្ឍន៍នៅកម្ពុជានាពេលបច្ចុប្បន្ន។ក្នុងគោល
បំណងផ្តល់ឱកាសដល់ធុរជននិងវិនិយោគិនផ្នែកអចលនទ្រព្យនិងសំណងអាចស្វែងរក​ដៃគូរគ្នាអាចទទួល
និងផ្លាស់ប្តូរបទពិសោធន៍ព័ត៌មានសំខាន់ៗអំពីទីផ្សារអចលនទ្រព្យពិសេស​អាចផ្តល់ជា​គំនិតយោបល់ក្នុង
ការសំរេចចិត្តទិញឬលក់អចលនទ្រព្យរបស់អតិថិជនទូទៅ។

ការបើកសម្ពោធពិព័រណ៌អចលនទ្រព្យ និងសំណង់កម្ពុជានេះប្រព្រឹត្តិទៅរយៈពេល៣ថ្ងៃ គឺចាប់ពីថ្ងៃ​ច័ន្ទ ទី៨
រហូតដល់ថ្ងៃពុធ ទី១០ ខែមេសា  ឆ្នាំ២០១៣   នៅមជ្ឈមណ្ឌលពិព័រណ៌កោះពេជ្ររាជធានី​ភ្នំពេញដោយ
មានក្រុមហ៊ុនធំៗ ចំនួន៦៨   បានចូលរួមនិងមានដាក់តាំងនូវផលិតផលនិងសមិទ្ធិផលរបស់ខ្លួនចំនួន
១២៥ស្តង់។

បើតាមការលើកឡើងរបស់លោក​ ខៀវ   ខេនី   ប្រធានក្រុមហ៊ុន រាជហ្គោលម៉ាឃីធីង  ខូលអិលធីឌីបាន​ឲ្យដឹងថាពិព័រណ៌នេះធ្វើឡើង  ដើម្បីឲ្យមានជាវេទិការប្រចាំឆ្នាំមួយរវាងអ្នករកស៊ីមានន័យថាជាការ​ជួប​ជុំគ្នាពិភាក្សាយោបល់រវាងអ្នកធុរកិច្ចនិងអ្នកធុរកិច្ចលើវិស័យអចលនទ្រព្យក៏ដូចជាអ្នកធុរកិច្ចជា​ មួយ
និងអតិថិជនរបស់គេ។ពិសេសផ្តល់ឱកាសឲ្យពួកគេអាចមកជួបជុំគ្នានិងបង្ហាញនូវទិដ្ឋភាពទាំង​មូលនៃអចលនទ្រព្យនៅក្នុងស្រុកយើង។

លោកបង្ហាញថាស្តង់ជាច្រើននៅក្នុងពិព័រណ៌អចលនទ្រព្យនេះដាក់តាំងបង្ហាញពីផលិតផលជា​ប្រភេទ​អចលនទ្រព្យរួមមានគំរួសំណង់បុរីគេហដ្ឋានទីក្រុងរណបធនាគារក្រុមហ៊ុនដេគ័រនិងក្រុមហ៊ុនពាក់ព័ន្ធ
ផ្សេងទៀត។នៅក្នុងពីព័រណ៌នោះដែរក៏មានក្រុមហ៊ុនខ្មែរហូលឌីងដែលជា​ក្រុមហ៊ុនមេឌៀដ៏ធំមួយនៅ
កម្ពុជាបានដាក់តាំងនូវផលិតផលរបស់ខ្លួនមានកាសែតនិងទស្សនាវដ្តីជាភាសារខ្មែរនិងភាសារចិន
(កាសែតខ្មែរដេលីនិងទស្សនាវដ្តីសេដ្ឋកិច្ចខ្មែរ)។

ថ្លែងបើកពិព័រណ៌នាឱកាសនោះលោកម៉ៅថូរ៉ារដ្ឋលេខាធិការក្រសួងពាណិជ្ជកម្មបានលើកឡើងថានៅក្នុង
រយៈពេលប៉ុន្មានឆ្នាំចុងក្រោយនេះក្រសួងបានលើកឡើងនូវគោលនយោបាយថ្មីៗនិងទស្សនទានពាណិជ្ជ
កម្មផ្សេងៗ ជាច្រើនស្តីពីសកម្មភាពជម្រុញពាណិជ្ជកម្មនិង ការងារទីផ្សារទាំងក្នុង​និងក្រៅ​ប្រទេស។
ហើយការរៀបចំពិព័រណ៌ពាណិជ្ជកម្មដែលមានប្រធានបទជាវិជ្ជាជីវៈដូចពិព័រណ៌​អចលន​ទ្រព្យនេះត្រូវ
បានក្រសួងលើកទឹកចិត្តនិងដាក់បញ្ចូលក្នុងរបៀបវារៈនែសកម្មភាពជំរុញពាណិជ្ជកម្មរបស់ខ្លួនសម្រាប់ទិស
ដៅបច្ចុប្បន្ននិងទៅអនាគត។

លោកបញ្ជាក់ថាសេដ្ឋកិច្ចកម្ពុជាបានកំពុងឈានទៅរកការអភិវឌ្ឍន៍មួយដែលមានកំណើនដ៏គួរឲ្យកត់សំគាល់
ចាក់ស្តែងកំណើនសេដ្ឋកិច្ចនៅឆ្នាំ២០១២មានប្រមាណ៧.៣០%ហើយយើងមានសុទិដ្ឋិនិយមព្យាករណ៍នូវ
កំណើនសេដ្ឋកិច្ចរបស់កម្ពុជានៅឆ្នាំ២០១៣នេះអាចមានប្រមាណ៧ភាគរយ(ជាតួរលេខ​ព្យាករណ៍បណ្តោះ
អាសន្ន)។

         លោកចង់ឃើញពិព័រណ៌អចលនទ្រព្យកម្ពុជានេះក្លាយជាព្រឹត្តិការមួយកើតឡើងជារៀងរាល់ឆ្នាំ​ពោល​គឺស្ថិតនៅក្នុងរបៀបវារៈក្រសួងពាណិជ្ជកម្មដើម្បីទាក់ទាញក្រុមហ៊ុនបរទេសកាន់តែមានច្រើនឲ្យមក​ចូល
រួមនៅក្នុងការតាំងពិព័រណ៌នៅកម្ពុជានាឆ្នាំបន្តបន្ទាប់។លោកសម្តែងនូវជំនឿចិត្តថាក្នុងរយៈពេល៣ថ្ងៃនៃ
ការតាំងពិព័រណ៌នេះបណ្តាអ្នកតាំងពិព័រណ៌និងភ្ញៀវដែលមកទស្សនានឹងទទួលបានជោគជ័យលើមុខរបរ
របស់ខ្លួនពិសេសលើមុខរបរអចលនទ្រព្យនៅក្នុងប្រទេសកម្ពុជា​៕

ដោយ៖សស្អាត