ភ្នំពេញ៖ អង្គការ WWF កម្ពុជាបានអះអាងថា គម្រោងថ្មីសម្រាប់តំបន់ព្រៃទេសភាពខ្ពង់រាបភាគ ខាង កើតក្នុង​ខេត្ត​មណ្ឌលគិរី​នឹងជួយប្រជាជន ការពារមរតក​ធន​ធានធម្មជាតិនិងជីវចម្រុះ។ គម្រោ ង​​ថ្មីនេះមាន​គោលដៅលើ​កកម្ពស់​​យន្តការហិរញ្ញប្បទានសម្រាប់តំបន់ការពារ ក្នុងខេត្ត និង លើកកម្ពស់ជីវភាពប្រជាជន​​​​​​​​​​​​​ដែលរស់នៅជុំវិញតំបន់​​ទាំង​នោះ តាមរយៈសហគ្រាស សហគមន៍ និងយន្តការវិនិយោគលើសេវាបរិស្ថាន ឲ្យបាននាចុងឆ្នាំ ២០១៧។ លោក ឈិត សំអាត នាយកអង្គការWWFកម្ពុជាបានមានប្រសាសន៍ថា គម្រោងនេះគឺ ជាផ្នែកមួយ​​​​​​​​​​​​​​​​នៃកម្មវិធីអភិរក្សធន​​ធាន​ធម្មជាតិរបស់អង្គការ​ WWF ដែលកំពុងអនុវត្តនៅក្នុង តំបន់ព្រៃទេសភាពខ្ពង់រាបភាគខាងកើត​​នៃខេត្តមណ្ឌល​​​​គិរី។គម្រោងថ្មីនេះនឹងមានការ​សហ​ការរវាងស្ថាប័នរដ្ឋាភិបាល សង្គមស៊ីវិល និងស្ថាប័នឯកជន ក្នុងការបង្កើតឲ្យ​មាន​ភាព​ជាដៃគូរ វាងសហគ្រាសនិងជីវចម្រុះ ដើម្បីនាំមកនូវនិរន្តរភាព និងតុល្យភាព នៃការអភិវឌ្ឍន៍បរិ​ស្ថាន និង​សេដ្ឋកិច្ច​​​​សង្គម ក្នុងខេត្តមណ្ឌលគិរី។នៅក្រោមកិច្ចគាំទ្រដ៏សមស្របមួយពីរដ្ឋាភិបាល និរន្តរភាពនៃសេវាកម្មអេកូ​​ទេស​​ចរណ៍អាចក្លាយជាប្រភពប្រាក់ចំណូលដែលនឹងមិនត្រឹម តែ គាំទ្រដល់ការគ្រប់គ្រងតំបន់ការពារ​​​ប៉ុណ្ណោះទេ​តែ​វា​នឹងជួយដល់ការអភិវឌ្ឍន៍សេដ្ឋកិច្ចក្នុង តំបន់ផងដែរ។តាមរយៈគម្រោងនេះអង្គការWWF មានភាពជំនឿថាជីវ​ចម្រុះ និងមូលធន ធម្ម ជាតិនឹងត្រូវបាន​គេមើលឃើញថា មិនមែនជាឧបសគ្គឡើយ តែជាភ្នាក់ងារដ៏សំខាន់ក្នុងការ អភិវឌ្ឍន៍សេដ្ឋកិច្ចសង្គម។

លោកKoen Everaertអ្នកគ្រប់គ្រងភារកិច្ចរបស់គម្រោងនៃប្រតិភូសហភាពអ៊ឺរ៉ុបប្រចាំ ប្រទេសកម្ពុជាបាន​​​​លើក​​​​​​ឡើង​​​​​​​​​​​​​​​​​​​​​​​​​ថា សមាហរណកម្មនៃការធ្វើផែនការផែនទីដែលមានរួមបញ្ចូល ការវាយតម្លៃសេវាកម្មបរិស្ថាន គឺជាផ្នែកដ៏​សំខាន់​​​​មួយនៃគម្រោងនេះ។ផែនការ នេះត្រូវតែ មាន ការជួយសម្របសម្រួល​​​​​​​​​​​ពីថ្នាក់ខេត្ត​ដើម្បីផ្តល់នូវផែន​ការ​សម្រាប់​ការប្រើប្រាស់ដីធ្លីប្រកប ដោយនិរន្តរភាពនិង ការអភិវឌ្ឍន៍ ផែនទី។ លោកសង្ឃឹមថាសមត្ថកិច្ចថ្នាក់​ខេត្តនឹង​ផ្តល់ការ គាំទ្រយ៉ាងពេញទំហឹងដើម្បីឲ្យគម្រោងនេះទទួលបានជោគជ័យ។ លោក កើញ រដ្ឋា មេឃុំពូជ្រៃមាន​​​​​​​ប្រសាសន៍​​​​​​​​​​​​​ឲ្យដឹងថាការលើកកម្ពស់ជីវភាព ប្រជាជន មានសារៈសំខាន់ក្នុងការជំរុញឲ្យពួកគេជួយការពារព្រៃឈើ។​ លោកបន្តថាគម្រោងនេះ នឹង ជួយឲ្យប្រជាជនមានការយល់ដឹង និងឃើញនូវអត្ថប្រយោជន៍ដែល​​​​​​​​ពួកគេទទួល​បាន​ពី​ព្រៃ ឈើ។ការយល់ដឹងអំពីការប្រើប្រាស់ប្រកបដោយនិរន្តរភាពមានសារៈសំខាន់ណាស់ដើម្បីឲ្យសហគមន៍​មាន​ការ​ចូលរួមក្នុងការការពារព្រៃឈើ។ សូមបញ្ជាក់ថា និរន្តរភាពនៃជីវៈ​ចម្រុះ បរិស្ថាន និងប្រយោជន៍សង្គម នៅក្នុង​តំបន់ ការពារ នៃតំបន់ទេសភាពខ្ពង់រាបភាគខាង​កើតនៃប្រ​ទេស​កម្ពុជាគឺជាគម្រោងដែលមានការ ឧបត្ថម្ភ ដោយ​សហ​ភាពអ៊ឺរ៉ុបហើយវាជាកិច្ចសហការរវាងអង្គការ WWFកម្ពុជា និង អង្គការ NTFP-EP អង្គការ ភូមិខ្ញុំ និង អង្គការ RECOFTC ។ គម្រោងខាងលើនេះនឹងផ្តោតទៅលើ តំបន់ការពារចំនួនពីរក្នុងខេត្តមណ្ឌលគិរីគឺព្រៃការពារមណ្ឌលគិរី និង ដែនជម្រកសត្វព្រៃ ភ្នំ ព្រិច៕

ដោយ៖ រតនា