ប្រទេសស្កុតលែន៖ កាលពីថ្ងៃម្សិលមិញ គ្រោះថ្នាក់ចរាចរណ៍ដ៏គួរអោយរន្ធត់មួយគឺបានកើតឡើងនៅក្នុង
តំបន់West Lothian ពោលគឺបុរសម្នាក់និងស្រ្តីម្នាក់បានបើកបរឡានរបស់ពួកគេទៅបុកនឹងដើមឈើមួយដើម
ដែលបានបណ្តាលអ្នកបើកបរម្នាក់ស្លាប់ រីឯមិត្តស្រីរបស់អ្នកបើកបរម្នាក់នោះវិញគឺទទួលរងរបួសធ្ងន់ធ្ងរ។
គួរ បញ្ជាក់ផងដែរថា បុរសម្នាក់នោះឈ្មោះ Louis Keffertyអាយុ ២០ឆ្នាំ ចំណែកមិត្តស្រីរបស់គាត់ឈ្មោះ
Lauren white អាយុ ១៨ឆ្នាំ។ មន្រ្តីប៉ូលីសបានអះអាងថា គ្រោះថ្នាក់ចរាចរណ៍ខាងលើនេះគឺបានកើតឡើង
នៅភាគខាងកើតនៃឧទ្យាន Seafield វេលាម៉ោង ១១នឹង០៥នាទី។
ក្រុមអ្នកសង្រ្គោះបន្ទាន់បានមានប្រសាសន៍ថា បន្ទាប់ពីមានគ្រោះថ្នាក់ចរាចរណ៍បានកើតឡើង បុរសម្នាក់
នោះគឺត្រួវបានបញ្ជូនទៅមន្ទីពេទ្យ Edinburgh Royal Infirmary ភ្លាមៗ តែដោយសាររងរបួសធ្ងន់ធ្ងរពេកបុរស
ម្នាក់នោះក៏បានស្លាប់ក្នុងមន្ទីពេទ្យនោះទៅ។ គួរបញ្ជាក់ទៀតផងដែរថា ផ្លួវកើតហេតុខាងលើនោះគឺត្រួវបាន
បិទអស់រយះពេលជាង ៥ម៉ោង ស្របពេលដែលមន្រ្តីប៉ូលីសគឺកំពុងតែស៊ើបអង្កេតលើករណីនោះ។ ដោយ៖ តុលា