ប្រទេសចិន៖ កាលពីពេលថ្មីៗនេះបុរសចិត្តឆៅមួយក្រុមដែលប្រដាប់ទៅដោយកាំបិតក្នុងដៃបានចាក់សំលាប់មនុស្ស
យ៉ាងហោចណាស់ ២៩នាក់នៅក្នុងស្ថានីយ៍រថភ្លើងមួយកន្លែងនៃទីក្រុង Kunming ។ ភ្នាក់ងារសារព័ត៌មានស៊ិនហួ
បានអោយដឹងថា មនុស្សចំនួន ១៣០នាក់ផ្សេងទៀតគឺបានទទួលរងរបួសជាទំងន់នៅក្នុងហេតុការន៍វាយប្រហារខា
ងលើនេះ។ មន្រ្តីប៉ូលីសបានអះអាងថា ជនសង្ស័យចំនួន ៤នាក់គឺត្រួវបានមន្រ្តីប៉ូលីសបាញ់សំលាប់ ចំណែកជន ដៃដល់ជាច្រើននាក់គឺកំពុងតែរត់គេចខ្លួន។ លោក Yang Haifei ដែលជាជនរងគ្រោះក្នុងហេតុការណ៍ខាងលើនេះ
បានមានប្រសាសន៍ថា គាត់ត្រួវបានជនដៃដល់ទាំងអស់នោះចាក់ចំទ្រូងនិងខាងក្រោយខ្នង ស្របពេលដែលគាត់គឺ កំពុងតែទិញសំបុត្រ។ អ្នកស្រី Yang Ziqing បានប្រាប់ភ្នាក់ងារសារព័ត៌មានស៊ិនហួថា ប្តីរបស់គាត់គឺបានបាត់ខ្លួន
នៅក្នុងការវាយប្រហារខាងលើនេះ ហើយប្រព័ន្ធទូរស័ព្ទប្តីរបស់គាត់គឺមិនអាចទាក់ទងបានឡើយ។ លោកប្រធានាធិ
បតី Xi Jinping និងលោក Li Keqiang បានថ្លែងនួវសេចក្តីអាណិតអាសូរយ៉ាងខ្លាំងដល់ជនរងគ្រោះនៅក្នុងហេតុ
ការណ៍វាយប្រហារខាងលើនេះ៕ ដោយ៖ តុលា