ភ្នំពេញ៖ លោក សម រង្ស៊ី បានធ្វើដំណើរមកដល់ប្រទេសកម្ពុជាវិញហើយ នៅវេលា ម៉ោង៩និង២០នាទី នា
ព្រឹកថ្ងៃសុក្រទី១៩ ខែកក្កដាឆ្នាំ២០១៣នេះដោយមានអ្នកគាំទ្រគណបក្សសង្គ្រោះជាតិ ជាច្រើនរយនាក់រង់ចាំស្វាគមន៍នៅឯអាកាសយានដ្ឋានអន្តរជាតិភ្នំពេញនិងតាមដងផ្លូវសហព័ន្ធរូស្ស៊ី។
លោក សម រង្ស៊ី បានថ្លែងយ៉ាងខ្លីទៅកាន់ហ្វូងមហាជននៅមុខព្រលានយន្យហោះអន្តរជាតិភ្នំពេញថា លោក
រំភើបចិត្តណាស់ ដែលបានវិលត្រឡប់មកមាតុប្រទេសវិញ។ លោកអះអាងថា លោកមកវិញនេះ ដើម្បីរួមគ្នា
សង្គ្រោះជាតិ។
លោក សមរង្ស៊ី ត្រូវបានអមដោយលោក កឹម សុខា ដើរចេញពីព្រលានយន្តហោះ នៅខាងផ្នែក VIP ហើយបាន
ឡើងឡានអត់ដំបូល ឈរស្វាគមន៍អ្នកគាំទ្រ ដើម្បីធ្វើដំណើរសំដៅទៅកាន់ទីលានប្រជាធិបតេយ្យ។
ការវិលត្រឡប់របស់លោក សម រង្ស៊ី គេសង្កេតឃើញថា សកម្មជនដែលទៅហែហមនោះ មានចំនួនជាច្រើន
ម៉ឺននាក់ នៅតាមដងផ្លូវ ដោយស្រែទ្រហឹងអឺងកង អ្នកខ្លះឈលើកដៃនិងដើរញ៉េរញ៉ៃ ខ្លះជិះម៉ូតូគ្មានសណ្តាប់
ធ្នាប់ បង្ករឲ្យមានការកកស្ទះតាមផ្លូវស្ទើរគ្រប់កន្លែង។ ចំណែក លោក សម រង្សី និងលោក កឹម សុខា បានឈរ
ឡើងឡានជិះសំដៅទៅទីលានប្រជាធិបតេយ្យ ។
អ្នកស្រែកតាមឧឃ្ឃោសនស័ព្វមុខក្បួនដង្ហែររបស់គណបក្សសង្គ្រោះជាតិ បានប្រកាសឲ្យដឹងថា លោកសម
រង្ស៊ី និង លោក កឹម សុខា ត្រូវជួបសំណេះសំណាលជាមួយប្រជាពលរដ្ឋ និងអ្នកគាំទ្រនៅមុខផ្សារស៊ិនជូរីផ្លា
ហ្សា មុននឹងចេញដំណើរទៅទីលានប្រជាធិបតេយ្យនៅជិតវត្តភ្នំ ដើម្បីជួបសកម្មជនអ្នកគាំទ្រ។ ពេលរសៀល
ថ្ងៃដដែលនេះ លោកសមរង្ស៊ី នឹងដឹកនាំក្បួនឃោសនាបោះឆ្នោតរបស់គណបក្សសង្គ្រោះជាតិ នៅក្នុងរាជធានី
ភ្នំពេញ។
ការវិលត្រឡប់មកកម្ពុជារបស់លោកសម រង្ស៊ី បន្ទាប់ពីមានការលើកលែងទោសពីព្រះមហាក្សត្រ តាមសំណើ
របស់សម្តេចតេជោ ហ៊ុន សែន នាយករដ្ឋមន្ត្រី។ ហើយការវិលត្រឡប់នេះ គឺក្រោយពីលោកបាននិរទេសខ្លួន
ចេញទៅក្រៅប្រទេស ដោយខ្លួនឯងអស់រយៈពេលជាង៤ឆ្នាំ គិតចាប់ពីចុងឆ្នាំ២០០៩ ដោយសារតែលោកបាន
ប្រព្រឹត្តខុស ទាក់ទងទៅនឹងការដកតម្រុយបង្គោលព្រំដែនកម្ពុជា វៀតណាម លេខ១៨៥ នៅស្រុកចន្ទ្រា ខេត្ត
ស្វាយរៀង ការក្លែងបន្លំឯកសារនៅលើផែនទី ការបរិហាកេរ្តិ៍ និងផ្សព្វផ្សាយព័ត៌មានមិនពិត ដោយត្រូវតុលាការ
ផ្តន្ទាទោសកំបាំងមុខ ដាក់ពន្ធនាគារជាង ១០ ឆ្នាំ។
ជាមួយគ្នានេះ ក៏មានកំលាំងអាជ្ញាធរមានសមត្ថកិច្ចចម្រុះ ប៉ូលិស ប៉េអឹម ជាច្រើននាក់ បានដាក់ពង្រាយតាម
ដងផ្លូវ ដើម្បីរៀបចំសន្តិសុខ សណ្តាប់ធ្នាប់ នៅតាមដងផ្លូវ និងការពារកុំឲ្យជនឱកាសនិយម ប្រព្រឹត្តអ្វីដែលធ្វើ
ឲ្យមានភាពចលាចល ពិសេសគឺការពារនូវសុវត្ថិភាពរបស់លោកសមរង្ស៊ី និងអ្នកចូលរួមទទួល។
គួរបញ្ជាក់ថា នៅពីរថ្ងៃមុនមកដល់កម្ពុជា លោកសម រង្ស៊ី មេដឹកនាំគណបក្សប្រឆាំងធំជាងគេនៅកម្ពុជាថ្លែងថា
លោកនឹងធ្វើដំណើរជុំវិញប្រទេសកម្ពុជាដើម្បីធ្វើការឃោសនា បោះឆ្នោតនៅពេលដែលលោកបានមកដល់
កម្ពុជា។ ប៉ុន្តែលោក សម រង្ស៊ីមិនមានឈ្មោះជាបេក្ខជនតំណាងរាស្រ្ត នៅក្នុងបញ្ជីរបស់គណៈកម្មាធិការជាតិ
រៀបចំការបោះឆ្នោតទេ ដោយសារតែលោកសមរង្ស៊ីធ្លាប់មានពិរុទ្ធភាពមុនព្រះមហាក្សត្រព្រះ រាជប្រទានការ
លើកលែងទោស៕
ដោយ៖ ស.ស្អាត