ភ្នំពេញៈ ស្ថានទូតអាមេរិកប្រចាំកម្ពុជា សហការជាមួយនឹងការិយាល័យយីហោ និងប៉ាតង់របស់សហរដ្ឋអាមេរិក និងសមាគមកុំព្យូទ័របើកទូលាយប្រចាំនៅតំបន់អាស៊ីប៉ាស៊ីហ្វិក នឹងបើកសិក្ខាសាលាមួយស្តីពី«ការពង្រឹងការអនុវវត្តច្បាប់នៅ សហរដ្ឋអាមេរិកស្តីពីការប្រកួតប្រជែងដោយមិនយុត្តិធម៌ និងផលប៉ះពាល់លើវិស័យនាំចេញរបស់កម្ពុជា» នៅថ្ងៃទី២៦ ខែកុម្ភៈ ស្អែកនេះ នៅសណ្ឋាគារអាំងទែកុងទីណង់តាល់ក្នុងរាជធានីភ្នំពេញ។
.jpg)
យោងតាមសេចក្ដីប្រកាសព័ត៌មានរបស់ស្ថានទូតអាមេរិកបានឲ្យដឹងថា សិក្ខាសាលាផ្តល់ព័ត៌មាននេះនឹងពិនិត្យលើការពង្រឹងនាពេលបច្ចុប្បន្ន លើការអនុវត្តច្បាប់ស្តីពីការប្រកួតប្រជែងដោយមិនយុត្តិធម៌ និងច្បាប់ស្តីពីការធ្វើជំនួញដោយមិនយុត្តិធម៌នៅសហរដ្ឋអាមេរិក ទាក់ទងនឹងការប្រើផលិតផលកម្មវិធីផ្នែកទន់ដោយគ្មានអាជ្ញាប័ណ្ណ នៅក្នុងការផលិត ឬប្រតិបត្តិការរបស់ក្រុមហ៊ុននាំចេញទៅកាន់សហរដ្ឋអាមេរិក។
ដោយសារតែឧស្សាហកម្មកាត់ដេរសំលៀកបំពាក់និ ងវាយនភណ្ឌគឺជាវិស័យនាំចេញធំជាងគេរបស់ប្រទេសកម្ពុជាទៅកាន់សហរដ្ឋអាមេរិក ហើយក្រុមហ៊ុនអាមេរិកទទួលទិញផលិតផលសំលៀកបំពាក់ពីកម្ពុជាកាន់តែ ច្រើនឡើង សិក្ខាសាលានេះនឹងបើកឲ្យសាធារណជនពិសេសតំណាងនៃឧស្សាហកម្មកាត់ដេរ កម្ពុជា ត្រូវបានអញ្ជើញអោយចូលរួមដោយសេរី៕ ដោយ៖ ភីន រ៉ា