វិស័យផ្នែកឯកជន បានស្នើក្រុមការងារផ្នែកកម្មសាល និងសហគ្រាសធុនតូច និង មធ្យម និងសេវា នូវចំនួន ១១ ចំនុចដែលជា គន្លឹះយ៉ាងសំខាន់សម្រាប់ការបង្កើត នូវបរិស្ថានធូរកិច្ចល្អប្រសើរដល់ការរីកចំរើន របស់សហគ្រាសធុនតូច និង មធ្យម និងការប្រកួតប្រជែងនៃឧស្សាហកម្មកម្ពុជា ឈានទៅប្រកួតប្រជែង ក្នុងតំបន់ ក៏ដូចជាក្នុងពិភពលោក ។
លោកឧកញ៉ា តែ តាំងប៉ ប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជាបានមាន ប្រសាសន៏ថាកិច្ចប្រជុំជាមួយក្រុមការងារផ្នែកម្មន្តសាល សហគ្រាសធុនតូច និងមធ្យម ដើម្បីពិនិត្យនិងពិភាក្សាដោះស្រាយលើរបៀបវារៈ នៃបញ្ហាមួយ ចំនួនដែលកំពុងដោយសហគ្រាសធុនតូចនិងមធ្យម ដោយក្នុងក្រុមការងារផ្នែកឯកជន បានផ្តល់របៀបវារៈមួយចំនួយរួមមានបញ្ហាតម្លៃអគ្គីសនីខ្ពស់ពេក សម្រាប់ការប្រើប្រាស់ក្នុងសហគ្រាសផលិតកម្មការតបណ្តាញអគ្គីសនីចូលទៅបំរើដល់ សហគ្រាស ឫ រោងចក្រ កុងទ័រភ្លើងដើរលឿនជាធម្មតាខ្វះការលើកទឹកចិត្តដល់ផ្នែកកម្មន្នសាល និងសហគ្រាសធុនតូច និង មធ្យមក្នុងស្រុក។
លោកឧកញ៉ាបន្តថា បញ្ហភាព មិនច្បាស់លាស់សម្រាប់នីតិវិធីក្នុងចុះបញ្ជីសម្រាប់សហគ្រាស និងបញ្ហាអាយុកាលអាជ្ញាបណ័្ណសម្រាប់ធ្វើអាជីវកម្មសហគ្រាសកែច្នៃឈើនិងអនុផលព្រៃឈើ ធ្វើជាគ្រឿងសង្ហារឹម ។ឯ/ឧទេសរដ្ឋមន្រ្តី ចម ប្រសិទ្ធ រដ្ឋមន្រ្តីក្រសួងឧស្សាហកម្មនិងសិប្បកម្ម និងជាប្រធានក្រុមការងារផ្នែកកម្មសាល និងសហគ្រាសធុនតូច និង មធ្យមបានមានប្រសាសន៏ថា កន្លងមករាជ រដ្ឋាភិបាលកម្ពុជា តាមរយៈក្រុមការងារផ្នែកឯកជននិងអនុគណៈកម្មាធិកាសហគ្រាសធុនតូចនិង មធ្យម បានជម្រុញអនុម័តនូវគោលនយោបាយ និងសេចក្តីសំរេចសំខាន់ៗ ក្នុងការដោះស្រាយ សំណូម ពរ របស់វិស័យឯកជន។
ចំពោះបញ្ហាដែលពុំអាចដោះស្រាយបានក្នុងជាក់ស្តែង អង្គប្រជុំនឹងធ្វើការបូកសរុប រួចស្នើដាក់ជូនអង្គវេទិការរាជរដ្ឋាភិបាល ផ្នែកឯកជន ពិនិត្យពិចារណា និង សម្រេចនាពេលខាងមុខ ។
បើតាមទិន្នន័យជំរឿនសហគ្រាសឆ្នាំ២០១១ របស់ក្រសួងផែនការ បានឲ្យដឹងថា ចំនួន សហគ្រាសកម្ពុជាសរុប មានប្រមាណ ៥០០ពាន់សហគ្រាស ហើយចំណូល សរុបប្រចាំ ឆ្នាំមាន ប្រមាណ ១២០ពាន់លានដុល្លារ។សហគ្រាសក្នុងស្រុកទាំងអស់នេះបានផ្តល់ការងារជូន ប្រពលរដ្ឋប្រមាណ ១.៦លាននាក់។
ទន្ទឹមនេះ ការ ងើបមកវិញនូវវិនិយោគទុននៃវិស័យកម្មន្តសាលក្នុងឆ្នាំ ២០១១ មានបរិមាណរហូតដល់ ៣៩% នៃវិនិ យោគទុនសរុបហើយក្នុងនោះ ២៨.៨% ជាប្រភពវិនិយោគទុនក្នុងប្រទេស។ តួលេខនេះបញ្ជាក់ពីជីវ ភាពសក្តានុពលភាពយ៉ាង សំខាន់នៃ វិស័យឯកជន និង ផ្នែកកម្មន្តសាលក្នុងស្រុករបស់កម្ពុជាយើង៕
ដោយ៖ អភិរក្ស