ព្រះវិហារ ៖អាជ្ញាធរខេត្ដព្រះវិហារបានចុះទៅប្រគល់កម្មសិទ្ធីដីធ្លីជូន ប្រជាពលរដ្ឋចំនួន ៤៥៣គ្រួសារ
មកពីភូមិចំនួន២    គឺភូមិពោធិ៍ទាប និងភូមិម្លូព្រៃ​១ ឃុំម្លូព្រៃ១   ស្រុកឆែប   កាលពី​ព្រឹកថ្ងៃទី២២ ខែមេសា ឆ្នាំ២០១៣នេះ  បន្ទាប់ពីអាជ្ញាធរខេត្ដបានបិទផ្សាយឯកសារវិនិច្ឆ័យ តាំងពី​ថ្ងៃទី២ ខែមីនា  ឆ្នាំ២០១៣មក
នោះ។

ពិធីប្រគល់ប័ណ្ណកម្មសិទ្ធិជូនប្រជាពលរដ្ឋទាំង  ៤៥៣គ្រួសារខាងលើនេះ  ធ្វើឡើងគ្រោមវត្តមាន លោក
មាស  សុភា  ប្រធានក្រុមការងារថ្នាក់កណ្ដាល  គណបក្សប្រជាជន ចុះជួយ​ខេត្ដ​ព្រះវិហារ  និងអភិបាល
ខេត្ដព្រះវិហារលោក អ៊ុំ    ម៉ារ៉ា   ប្រធានក្រុមប្រឹក្សាខេត្ដ ព្រមទាំងមាន​ការ​ចូលរួមពី ថ្នាក់ដឹកនាំខេត្ដ មន្ដ្រី
សុរិយោដី ក្រុមយុវជនស្ម័គ្រចិត្ដសម្ដេចតេជោ និងប្រជាពលរដ្ឋ​ជាច្រើនទៀត ។

បើតាមសំដីលោកអភិបាលខេត្ដព្រះវិហារបានឱ្យដឹងថា ក្រោយពីក្រុមយុវជនស្ម័គ្រចិត្ដសម្ដេច​តេជោ និង
ក្រុមមន្ដ្រីសូរីយោដី បានចុះវាស់វែង ព្រមទាំងមានការបិទផ្សាយឯកសារវិនិច្ឆ័យ ពីសំណាក់អាជ្ញាធរខេត្ដ
រួចរាល់នោះ ទើបនៅព្រឹកថ្ងៃទី២២ ខែមេសា   ឆ្នាំ២០១៣  ប្រជាពលរដ្ឋ​ចំនួន៤៥៣គ្រួសារ បានមកទទួល
កម្មសិទ្ធិដីធ្លីស្របច្បាប់របស់ខ្លួន ដោយមិនមានការ​ព្រួយ​បារម្ភចំពោះការទន្ទ្រានការឬរំលោភដីធ្លី ពីពួកឱ
កាសនិយមតទៅទៀតហើយ ។  មន្ដ្រីសាលា​ខេត្ដ​រូបនោះបានបន្ដថា ទំហំផ្ទៃដីទាំងអស់ដែលត្រូវចែកជូន
ប្រជាពលរដ្ឋនៅពេលនេះមាន​ចំនួន​១១៩២,១៧ហិកតា ។ ក្រៅពីនោះលោកអភិបាលខេត្តក៏បានបង្ហាញនូវសមិទ្ធិផលនានា ជាច្រើនទៀតដែលជាស្នារបស់ថ្នាក់ដឹក
នាំគ្រប់លំដាប់ថ្នាក់ និងការចូលរួមពីពលរដ្ឋទូទាំង​ខេត្ត​ព្រះវិហារបាន។

ជាមួយគ្នានោះ លោក មាស    សុភា បានលើកឡើងថា  រាជរដ្ឋាភិបាលបានអនុវត្តនូវ​គោល​នយោ​បាយ
ចាស់   សកម្មភាពថ្មី និងបានដាក់ចេញ     នូវការចែកជូនដីធ្លីដល់ប្រជា​ពលរដ្ឋ ដើម្បី​ទទួលបានកម្មសិទ្ធិ
ដីធ្លីស្របច្បាប់យ៉ាងពិតប្រាកដ ដោយមិនខ្លាចមានគេមករំលោភ​បំពានឬ​ក្លែងបន្លំយកដីធ្លីតទៅទៀតទេ។

លោក មាស សុភា ក៏បាននាំនូវបណ្តាំផ្ញើសួរសុខទុក្ខ ពីសំណាក់សម្ដេចតេជោ និងលោកជំទាវ ដែលតែង
តែគិតគូរចំពោះសុខទុក្ខប្រជាពលរដ្ឋមិនថានៅជិត ឬក៏  នៅឆ្ងាយនោះទេ     ហើយ​លោក​បានអះអាងថា
ក្រោយពីទទួលបានកម្មសិទ្ធិដីធ្លីរួចហើយ គឺដីធ្លីទាំងនេះជារបស់បងប្អូន    ផ្ទុយពីការលើកឡើងរបស់អ្នក
នយោបាយមួយចំនួន ដែលដេកចាំតែកេងចំណេញនយោបាយ​ពីកម្លាំងញើសឈាមអ្នកដទៃនិងទុក្ខវេទ
នារបស់ប្រជាពលរដ្ឋ នៅពេលមានការលំបាក វេទនា  គឺ មិនដែលឃើញមុខម្តងណាទេ  តែបើរាស្រ្តបាន
សុខមានមុខមកលើកដៃលើកជើង និង​ចាក់រុកឆ្កឹសឆ្កៀលគេឯកមិនចេះចប់។

       ប្រជាពលរដ្ឋដែលទទួលប័ណ្ណកម្មសិទ្ធិដីធ្លីខាងលើនេះ បានបង្ហាញពីក្ដីរីករាយសប្បាយចិត្តនិងគុណ
ចំពោះរាជរដ្ឋាភិបាលដែលមានសម្តេចទាំង៣ជាប្រមុខដឹកនាំ តាមរយៈអាជ្ញាធរ​ខេត្ត​ព្រះវិហារដែលបាន
ជួយសម្រួលដល់ក្រុមយុវជនស្ម័គ្រចិត្ដ និងមន្ដ្រីវាល ចុះមកវាស់វែង​ដីធ្លី​ជូនពួកគាត់ រហូតដល់ទទួលបាន កម្មសិទ្ធិស្របច្បាប់ដូចនៅពេលនេះស្រាប់។     ហើយពួកគាត់ នឹងប្រើប្រាស់ដីធ្លីទាំងនេះ ទៅបង្ករបង្កើន
ផល ដើម្បីបំពេញឲ្យបានតាមសេចក្តី​ត្រូវការ​រស់នៅ​ក្នុង​គ្រួសារនិងមានជីវភាពធូរធា ព្រមទាំងរួមចំណែក
កសាងសេដ្ឋកិច្ចសង្គមថែមទៀតផង៕

ដោយ៖សស្អាត