ភ្នំពេញ៖ លោកចន ឃែរី រដ្ឋមន្ត្រីការបរទេសសហរដ្ឋអាម៉េរិក គ្រោងនឹងមកបំពេញទស្សនកិច្ចនៅព្រះរាជាណាចក្រកម្ពុជាក្នុងឆ្នាំនេះ ។លោក កុយ គួង អនុរដ្ឋលេខាធិការ និងជាអ្នកនាំពាក្យក្រសួងការបរទេស បានថ្លែងដូច្នេះបន្ទាប់ពីជំនួបពិភាក្សារវាងលោកឧបនាយក រដ្ឋមន្ត្រី ហោ ណាំហុង រដ្ឋមន្ត្រីការបរទេស និងសហប្រតិបត្តិការអន្តរជាតិ និង លោក Scot Marciel ឧបការីរងជាន់ខ្ពស់រដ្ឋមន្ត្រីការបរទេសអាម៉េរិក ទទួលបន្ទុកកិច្ចការអាស៊ីបូព៌ានិងប៉ាស៊ីហ្វិក នាព្រឹកថ្ងៃទី៥ ខែកុម្ភៈ ឆ្នាំ២០១៤ នៅទីស្ដីការក្រសួង។
លោកបានបន្តថា នេះគឺជាផ្នែកមួយនៃដំណើរទស្សនៈកិច្ច របស់លោក ចន ឃែរី មកកាន់ បណ្ដាប្រទេសទាំង៥ ដែលស្ថិតនៅតាមដងទន្លេមេគង្គ ដែលរួមមាន ប្រទេសមីយាន់ម៉ា ថៃ ឡាវ វៀតណាម និងកម្ពុជា ។លោកបញ្ជាក់ ដំណើរ ទស្សនៈកិច្ច នេះនៅក្នុងក្រមខណ្ឌ នៃ គំនិតផ្ដួចផ្ដើមកិច្ចសហប្រតិបត្តិការមេគង្គក្រោម និងសហរដ្ឋអាម៉េរិក៕
ដោយ៖ ស.ស្អាត