គេហទំព័រអប់រំសុវត្តិភាពចរាចរណ៍ផ្លូវគោកដែលមានឈ្មោះថា www.saferoads.org.kh ត្រូវបានដាក់ ឲ្យប្រើ ប្រាស់ជាផ្លូវការ នៅរសៀលថ្ងៃសុក្រនេះ ដើម្បីបន្តចូលរួមចំណែកដល់កិច្ចខិតខំប្រឹង ប្រែងរបស់រដ្ឋាភិបាលលើការងារលើកម្ពស់ការយល់ដឹងអំពីសុវត្ថិភាពចរាចរណ៍ផ្លូវគោក ។
នៅក្នុងពិធីបើកសម្ពោធជាផ្លូវការដែលបានរៀបចំធ្វើនៅសណ្ឋាគាកាំបូឌីយ៉ាណា កាលពីថ្ងៃទី២០ ខែកញ្ញាឆ្នាំ២០១៣លោក ត្រាំ អ៊ីវតឹក រដ្ឋមន្ត្រីក្រសួងសាធារណៈការបានឲ្យដឹងថា រាជរដ្ឋាភិបាល និងស្ថាប័នពាក់ព័ន្ធមានការគិតគូរខ្ពស់ ក្នុងការកាត់បន្ថយការលំបាក់របស់ជនរងគ្រោះដោយគ្រោះថ្នាក់ចរាចរណ៍ ក៏ដូចជាមាន ឆន្ទៈខ្ពស់ក្នុងការចូលរួមយ៉ាងសកម្មជាមួយចលនារបស់ពិភពលោកក្នុងការទប់ស្កាត់ កាត់បន្ថយគ្រោះថ្នាក់ ចរាចរណ៍ផ្លូវគោកឲ្យមកនៅអត្រាទាប់បំផុតនោះ ។ លោកបន្តថា គេហទំព័រ www.saferoads.org.kh គឺមានសរៈសំខាន់ដល់កិច្ចខិតខំប្រឹងប្រែងរបស់រាជរដ្ឋាភិបាលលើការងារលើកកម្ពស់ការយល់ដឹងអំពីសុវត្ថិភាពចរាចរណ៍ផ្លូគោកហើយក៏ជាការអនុវត្តសេចក្តីសម្រេចរបស់អង្គការសហប្រជាជាតិ និងគោល នយោបាយជាតិនានាផងដែរ ។
លោក គឹម បញ្ញា នាយកប្រចាំប្រទេសកម្ពុជាអង្គការមូលនិធិបង្ការបួសអាស៊ីមានប្រសាសន៍ថា គេហទំព័រ www.saferoads.org.kh គឺជាគេហទំព័រអប់រំដ៏មានសារៈសំខាន់ក្នុងការរួបចំនែកអប់រំផ្សព្វ ផ្សាយដល់សាធារណៈជនដោយក្នុងរយៈពេល៣ឆ្នាំដំបូងគេហទំព័រនេះនឹងផ្តោតជាសំខាន់លើការងារជម្រុញការពាក់មួលសុវត្ថិភាពជាពិសេសក្នុងចំណោមអ្នករួមដំណើរគិតទាំងកុមារ ។ គេហទំព័រនេះ ផ្ទុកនូវព័រមានពិតៗជាច្រើនអំពីសុវត្ថិភាពចរាចរណ៍ផ្លូវគោកទាក់ទងនឹងប្រជាពលរដ្ឋកម្ពុជា ហើយផ្តល់ ភាពងាយស្រួលក្នុងការស្វែងរកពីព្រោះបានភ្ជាប់ជាមួយបណ្តាញទំនាក់ទំនងសង្គម ហ្វេសប៊ុក យូធូប និងទ្វីនធើជាដើម ។ ដោយ ៖ អភិរក្ស