នៅពេលថ្មីៗនេះ មានគេបង្ហោះរូបភាព នៃសត្វមឹកដែលមាន 160 ជើង យក្ស នៅលើឆ្នេរខ្សាច់ នៃ Santa Monica សហរដ្ឋអាមេរិក ត្រូវបានគេ ចាត់ទុកថា ការបោកបញ្ឆោត ក្រោយពីមាន មនុស្ស​​ជាង  ៥០០,០០០ នាក់បានបង្ហោះ​លើទំព័រហ្វេកប៊ុក។ យ៉ាងណាមិញ រូបភាពនេះ បានចែកចាយយ៉ាងឆាប់រហ័សនោះ ដោយសារតែមានការចុះ​ផ្សាយ​អត្ថបទមួយរបស់សារព័ត៌មានអនឡាញ The Lightly Braised Turnip ដែលបាន​និយាយថា សត្វមឹកយក្សនេះ រីកធំ​បែប​នេះ ដោយសារតែទទួលរងនូវមហាវិទ្យុសកម្ម។ ទោះជាយ៉ាងណា តាមអ្នករាយការណ៍របស់ សារព័ត៌មាន​ប្រជាធិបតេយ្យ Epoch Times របស់ប្រទេសចិន ដែលមានឈ្មោះថា  Zachary Stieber បានជឿជាក់ថានេះជារឿង​បោក​​​បញ្ឆោត និងប្រហែលជាមានអ្វីអាថ៌កំបាំងក្រោយសាច់រឿងនេះជាក់ជាមិនខាន ក្រោយពី​ប្រទះឃើញនូវ​ភាព​មន្ទិលសង្ស័យជាច្រើន(នេះគ្រាន់តែជាការវិនិច្ឆ័យផ្ទាល់ខ្លួនរបស់ អ្នកយ​កការណ៍នេះប៉ុណ្ណោះ) ។ សម្រាប់រឿងមឹក​យក្ស​​នេះ បានផ្ទុះឡើង ក្រោយពី សារព័ត៌មាន​អន្ដរជាតិ បានចុះផ្សាយថា មានត្រីយក្ស២ដ៏កម្រប្រទះឃើញ​​​​​នៅ​​ឡុស​​​អេជេឡេស កាលពី​២ខែមុន។

ជួបជាមួយនឹង អត្ថបទដើម ដែលបានសរសេរឡើងដោយ  Butch Witt នៅក្នុង សារព័ត៌មានអនឡាញ The Lightly Braised Turnip ដែលបញ្ជាក់​ថា រឿងមឹកយក្សនេះ​ជារឿងដ៏ពិតប្រាកដ ត្រីមឹកយក្សនេះ មានប្រភពដើមមកពីរោង​ចក្រថាមពលនុយក្លេអ៊ែ ហ្វូគូស៊ីម៉ា ក្នុងតំបន់ Futaba ប្រទេសជប៉ុន តែបានមកអណ្ដែតមកដល់សហរដ្ឋអាមេរិក។ជាមួយគ្នានោះ អ្នកសរសេរអត្ថបទនេះ បានអះអាងទៀតថា អ្នកគ្រប់គ្រងឧទ្យាន Santa Monica ដែលមានឈ្មោះ​ថា Cynthia Beard បានព្យាយាមយក បំនែកនៃត្រីមឹកយក្សនេះ​ទៅធ្វើការពិសោធន៍បន្ថែមទៀតផង៕

ដោយ៖ ស.ស្អាត