ភ្នំពេញ៖ ប៉ូលិសនាយកដ្ធានប្រឆាំងបទល្មើសសេដ្ឋកិច្ចក្រសួងមហាផ្ឌៃ ដឹកនំាដោយលោកឧត្តមសេនីយ៍ត្រី ឡុង ស្រេង សហការជាមួយអាជ្ញាធរមូលដ្ឋាននិងតំណាងអយ្យការអមសាលាដំបូងរាជធានីភ្នំពេញនៅព្រឹកថ្ងៃទី០៦ មករា ២០១៤បានចុះឆែកឆេរហាងទំនិញ ៣ កន្លែងក្នុងខណ្ឌ២នៃរាជធានីភ្នំពេញដោយ សង្ស័យរំលោភកម្មសិទ្ឋបញ្ញារបស់ផលិតផលជប៉ុន៣ម៉ាក ។
ប្រភពព័ត៍មានពីមន្ត្រីប៉ូលិសដែលបានចុះប្រតិបត្តិការណ៍ខាងលើបានឲ្យដឹងថាសមត្ថកិច្ចបានចុះឆែកឆេរហាងលក់ទំនិញចំនួន៣ទីតាំងគឺ ទីតាំងទី១ចុះឆែកឆេរនៅចំណុចផ្ទះលេខ៧ យីហោ តាន់ សែមុយ ស្ថិតនៅតាមបណ្តោយផ្លូវលេខ៣៣៧ ក្នុងសង្កាត់បឹងកក់១ ខណ្ឌទួលគោក, ទី២ចុះឆែកឆេរអាជីវកម្មសាកូរ៉ា លក់សម្ភារជប៉ុន នៅចំណុចផ្ទះលេខ៩៥ ផ្លូវ២៧១ សង្កាត់បឹងសាឡាង ខណ្ឌទួលគោក និងទីតាំងទី៣ ចុះឆែកឆេរ សាក្លរីម៉ាត នៅចំណុចផ្ទះលេខ២០០៤កែងផ្លូវ៣៧១ ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
.jpg)
មន្ត្រីប៉ូលិសបានបន្តថាការណ៍ចុះឆែកឆេរនេះ ក្រោយពីសមត្ថកិច្ចទទួលពាក្យបណ្តឹងពីលោកស្រី ណាកា មុរ៉ា យុកុ នាយិកាក្រុមហ៊ុន ណាកាមុរ៉ា ដែលនាំចូលផលិតផលជប៉ុន៣ម៉ាក ហើយត្រូវគេក្លែងរំលោភកម្មសិទ្ធិបញ្ញា ។
ជាមួយនោះដែរ សមត្ថកិច្ចក៍បានរកឃើញមុខទំនិញជាច្រើនប្រភេទ( គ្រឿងសំអាង) ភាគច្រើន។ ទោះបែបណា ម្ជាស់ហាងខាងលើនិងមានទំនិញពាក់ព័ន្ធក្នុងពាក្យបណ្តឹងរបស់ក្រុមហ៊ុន ជប៉ុនគឺមានម្ជាស់ខ្លះបានមាន ប្រតិកម្ម ពេលសមត្ថកិច្ចចុះឆែកឆេរនោះផងដែរដោយនិយាយថាទំនិញនេះគាត់បានទទួលមកលក់យូរណាស់មកហើយនិងម្ជាស់ហាងមួយទៀតអះអាងថាទំនិញនេះគាត់ទទួលបញ្ញើគេយកមកលក់តែប៉ុណ្ណោះ។បើទោះបីម្ជាស់ហាងធ្វើការតវ៉ាយ៉ាងណាក៍ដោយក៍សមត្ថកិច្ចបានប្រមូលទំនិញដែលពាក់ព័ន្ធយកទៅរក្សាទុកសិនដោយរង់ចាំធ្វើការដោះស្រាយតាមច្បាប់ជាក្រោយ៕
.jpg)
ដោយ៖ អភិរក្ស