ប្រទេសចិន៖ សារព័ត៌មានស៊ីនហួរបស់ប្រទេសចិនបានអោយដឹងថា មនុស្សម្នាក់បានស្លាប់និងមនុស្ស៨នាក់ទៀតបាន រងរបួសយ៉ាងធ្ងន់ធ្ងរបន្ទាប់ពីមានការវាយប្រហារដោយគ្រាប់បែក៧គ្រាប់នៅក្នុងបរវេណការិយាល័យគណបក្សកុម្មុនីស
របស់ចិន។ មន្រ្តីប៉ូលីសចិនបានអោយដឹងទៀតថា ហេតុការណ៍វាយប្រហារនេះបានកើតឡើងកាលពីព្រឹកថ្ងៃពុធនេះប្រ ហែលជាម៉ោង ៧:៤០នាទីនៅក្នុងខេត្ត Shanxi ប្រទេសចិន។ សាក្សីម្នាក់បានប្រាប់ភ្នាក់ងារសារព័ត៌មានស៊ីនហួថា ពួកគេ
បានលឺសំលេងផ្ទុះចំនួន ៧គ្រាប់នៅកន្លែងកើតហេតុខាងលើ។ រហូតមកដល់ពេលនេះមន្ត្រីប៉ូលីសជាច្រើននាក់គឺកំពុងតែ
ស៊ើបអង្កេតនៅកន្លែងកើតហេតុនោះដើម្បីស្វែងរកភស្តុតាងមួយចំនួនដែលទាក់ទិននឹងហេតុការណ៍បន្ទុះគ្រាប់បែកនោះ។ មន្រ្តីប៉ូលីសបានបន្តទៀតថា ជនដៃដល់ក្នុងករណីនេះគឺមិនទាន់កំណត់អត្តសញ្ញាណបាននៅឡើយទេ។ ដោយ៖ តុលា
