ភ្នំពេញ៖ គិតត្រឹមថ្ងៃទី៦ខែមករានេះ រោងចក្រកាត់ដេរក្នុងរាជធានីភ្នំពេញេ​និងនៅតាមបណ្តាខេត្តចា​ប់​ផ្តើម​​ ​ដំណើរ​ការ​ឡើងវិ​ញ​​​ ៩៥​ភា​គ​រ​យហើយ បន្ទាប់ពីបាតុកម្មប៉ុន្មានថ្ងៃមុននេះ បានបញ្ចប់ទៅ។លោក ​សោម អូន ប្រធាន​សម្ព័ន្ធ​សហជីពជាតិកម្ពុជា បានឱ្យដឹងតាមទូរស័ព្ទថា កម្មករ-កម្មការិនីរោងចក្រកាត់ដេរ ស្ទើរ១០០​ភាគរយនៅ​​ទូទាំង​ប្រទេស​​​​​បាន​​​ចូលធ្វើការជាធម្មតាវិញហើ​យនៅថ្ងៃនេះ លើកលែងតែរោងចក្រប្រមាណជាង៣០ដែលមាន៥២អគារ ក្នុង​​សួន​​​​កាណាឌីយ៉ាប៉ុណ្ណោះ ​ នៅមានសភាពស្ងប់ស្ងាត់ ព្រោះមានរោងចក្រខ្លះបើកទ្វារធ្វើការហើយ ប៉ុន្តែ​​មានក​ម្មរ-កម្មការិនីតិចតួច ​​​​​​រោងចក្រកាត់ដេរជាច្រើន​​​​បានរងសម្ពាធយ៉ាង​​​ធ្ងន់ធ្ងររហូត​​​​​​​​បង្ខំចិត្តបិទទ្វាមួយរយៈ​នៅដើមខែ​​មករា​នេះ ដោយសារ បាតុកម្មករ ទាមទារដំឡើងប្រាក់ខែ ១៦០ដុល្លារ ។ប៉ុន្តែក្រសួង​​ការងារ​​​​​​ឯ​​​​​ណោះវិញ បាន​​សម្រេច​​​ផ្តល់១០០ដុល្លារក្នុងមួយខែតាមសម្លេងភាគច្រើន ដែលបាន​សម្រេចក្នុងកិច្ចប្រជុំពិភាក្សា​ជាច្រើន​​លើកច្រើន​សារជាមួយតំណាងរោងចក្រ និងតំណាងសហជីព លើរូបមន្តនៃការតម្លើងថ្លៃឈ្នួលអប្បបរមាប្រាក់ឈ្នួលកម្មករ-កម្មការិនីកាត់ដេរនេះ។ប៉ុន្តែការតម្លើងនេះ មិនបានធ្វើឱ្យកម្មករ-កម្មការិនីស្ងប់ចិត្តឡើយ។ហើយមេសហជីពខ្លះ ក៏ដឹកនាំការតវ៉ាតម្លើងប្រាក់ខែឱ្យបាន១៦០ដុល្លារ រហូតមានការប៉ះង្គិចគ្នាជាមួយសមត្ថកិច្ច​ចម្រុះរបស់​រដ្ឋា​ភិបាល​តែម្តង។

យ៉ាងណាក៏ដោយ លោក សោម អូន សង្ឃឹមថា ចាប់ពីថ្ងៃទី៨ទៅ កម្មករ-កម្មការិនី នឹងវិលត្រលប់មកចូលធ្វើ​តាម​ធម្មតាវិញ។ទាក់ទងការផលប៉ះពាល់នៃការបញ្ជាទិញ លោក សោម អូន  ចង់ឱ្យរដ្ឋាភិបាលនិងភាគីរោចក្រពន្យល់​ឱ្យបានច្បាស់ពីហេតុការ​ណ៍ដែលនាំឱ្យបាតុកម្មតវ៉ាកើតឡើងប៉ុន្មានថ្ងៃកន្លងទៅនេះ ដល់អ្នកទទួលទិញឱ្យបាន​ច្បាស់​​ជៀសវាងការការភាន់ច្រឡំ។តាមតួលេខរបស់ក្រសួងការងារប្រទេសកម្ពុជា​មានរោងចក្រកាត់​ដេរជាង​​​៩០០​​​រោងចក្រ ដែលផ្តល់ការងារដល់ប្រជាពលរដ្ឋខ្មែរជាង៦៥ម៉ឺននាក់៕

 ដោយ៖ រតនា