ភ្នំពេញ៖ សហព័ន្ធនិស្សិតបញ្ញវ័ន្តប្រជាធិបតេយ្យកម្ពុជា ដែលជាអង្គការក្រៅរដ្ឋាភិបាល មិនប្រកាន់នូវនិន្នាការ
នយោបាយបានប្រកាសគាំទ្រទាំងស្រុងចំពោះលទ្ធផលបោះឆ្នោតបណ្តោះអាសន្ន នៃការបោះឆ្នោតជ្រើសតាំង
តំណាងរាស្រ្តនីតិកាលទី៥ឆ្នាំ២០១៣ ដែលប្រកាសដោយគណៈកម្មាធិការជាតិរៀបចំការបោះឆ្នោត (គ.ជ.ប)
កាលពីពេលថ្មីនេះ។
ក្នុងសន្និសីទកាសែត ដែលរៀបចំដោយសហព័ន្ធនិស្សិតបញ្ញវ័ន្តប្រជាធិបតេយ្យកម្ពុជានាព្រឹកថ្ងៃទី១៣ សីហា
នេះនៅវិទ្យាស្ថានបច្ចេកទេសកម្ពុជាលោកស្រីមាសចន្ទធីតាសមាជិកគណៈកម្មាធិការនាយកបានបង្ហាញថា
ស្ថាប័នលោកស្រីបានបញ្ជូនអ្នកសង្កេតការណ៍ជាតិជាង៤ពាន់នាក់ចូលរួមសង្កេត នៅក្នុងការបោះឆ្នោតជាតិ
ឆ្នាំ២០១៣។ ឆ្លងតាមការសង្កេតឃ្លាំមើលជាក់ស្តែងនៃដំណើរការបោះឆ្នោតជ្រើសតាំងតំណាងរាស្រ្ត នីតិកាល
ទី៥នៅទូទាំង២៤រាជធានី-ខេត្តក្រោមប្រធានបទ«កែវភ្នែកយុត្តិធម៌» អង្គការលោកស្រីសូមគាំទ្រយ៉ាងពេញ
ទំហឹងចំពោះលទ្ធផលបណ្តោះអាសន្នដែលបានប្រកាសដោយគ.ជ.បកាលពីថ្ងៃទី១២ខែសីហាឆ្នាំ២០១៣កន្លង
ទៅនេះ។
លោកស្រី មាសចន្ទធីតា បន្តថាឈរលើមូលដ្ឋានឯករាជ្យនិងអព្យាក្រឹត្យសហព័ន្ធនិស្សិតបញ្ញវ័ន្តប្រជាធិប
តេយ្យកម្ពុជាសូមអំពាវនាវដល់គណបក្សនយោបាយទាំងពីរដែលបានទទួលអាសនៈក្នុងរដ្ឋសភានីតិកាលទី៥
ខាងមុខត្រូវគោរពនូវឆន្ទៈរបស់ប្រជាពលរដ្ឋដែលជាម្ចាស់ឆ្នោតចូលរួមថែរក្សាស្ថិរភាពនយោបាយ និងការ
អភិវឌ្ឍសង្គមកម្ពុជាផ្អែកតាមលិខិតបទដ្ឋានផ្សេងៗក្នុងក្របខ័ណ្ឌច្បាប់ជាធរមាន។
និស្សិតវ័យ២១ឆ្នាំរៀនឆ្នាំទី១នៅសាកលវិទ្យាល័យជាតិគ្រប់គ្រងកញ្ញាឆឹងធីតាដែលបានចុះទៅសង្កេតការណ៍
បោះឆ្នោតនៅក្នុងខេត្តក្រចេះជាស្រុកកំណើតរបស់នាងនោះបានប្រាប់ឲ្យដឹងថា ដំណើរការបោះឆ្នោតដែល
គ.ជ.បបានរៀបចំនៅខេត្តក្រចេះមានលក្ខណៈរលូនត្រឹមត្រូវតម្លាភាពនិងយុត្តិធម៌ដែលបានឆ្លុះបញ្ចាំងពីលទ្ធិ
ប្រជាធិបតេយ្យពិតប្រាកដនៅកម្ពុជា។
កញ្ញាបន្តថាចំពោះលទ្ធផលបណ្តោះអាសន្ននៃការបោះឆ្នោតនេះគឺមានភាពត្រឹមត្រូវយុត្តិធម៌និងមានតម្លាភាព
អាចទទួលយកបាន ស្របតានបទដ្ឋានច្បាប់បោះឆ្នោតនៅកម្ពុជា។
សូមបញ្ជាក់ថា លទ្ធផលបណ្តោះអាសន្ននៃការបោះឆ្នោតជ្រើសតាំងតំណាងរាស្រ្តនីតិកាលទី៥ឆ្នាំ២០១៣
ដែលប្រកាសដោយគ.ជ.បកាលពីថ្ងៃទី១២សីហាម្សិលមិញនេះគណបក្សប្រជាជនកម្ពុជាដែលជាគណបក្សកំពុងកាន់អំណាចនៅតែបន្តឈ្នះឆ្នោតដើម្បីគ្រប់គ្រងប្រទេសជាបន្ត ៕
ដោយ៖ ស.ស្អាត