ភ្នំពេញ៖ អភិបាលរាជធានីភ្នំពេញ លោក ប៉ា សុជាតិវង្ស បានកោះប្រជុំបន្ទាន់មួយជាមួយគណៈបញ្ជាកា រឯកភាព រាជធានីភ្នំពេញនៅព្រឹកថ្ងៃទី ៣ មករា ២០១៤ នេះ ដោយលោកប្រកាសជាចំហរថានឹងចាត់វិធានការផ្លូវច្បាប់ចំពោះក្រុមអណាធិបតេយ្យដែលកំពុងធ្វើសកម្មភាពអុកឡុកបង្កអសន្តិសុខសង្គម ជាពិសេសនោះ ក្រុមតវ៉ាខុស ច្បាប់បិទផ្លូវសាធារណៈនិងនៅមុខរោងចក្រ។
.jpg)
ការដាក់ចេញនូវវិធានការនេះ ត្រូវគេឃើញធ្វើឡើងក្រោយពីបាតុកម្ម ដែលដឹកនាំឲ្យគណបក្ស សង្គ្រោះជាតិ និងសហជីពមួយចំនួន បាននាំគ្នាបិទផ្លូវសាធារណៈក្នុងរាជធានីភ្នំពេញ ស្ទើរ រៀងរាល់ថ្ងៃ និងបានដើរបំផ្លាញទ្រព្យសម្បត្តិសាធារណៈទ្រព្យសម្បត្តិឯកជនរបស់រោងចក្រមួយចំនួនទៀត។
លោក ប៉ា សុជាតិវង្ស អភិបាលរាជធានីភ្នំពេញបានមានថ្លែងឱ្យដឹងថា ឥលូវនេះដល់ពេលយើងត្រូវអនុវត្តតាមច្បាប់រដ្ឋហើយ ចំពោះក្រុមអណាធិបតេយ្យមិនបណ្តែតបណ្តោយឲ្យទៀតទេ ព្រោះធ្វើឲ្យសង្គមកាន់តែគ្មានសន្តិសុខនិងសណ្តាប់ធ្នាប់។ ការកំណត់វិធានការថ្មីនេះ បន្ទាប់ពីរយៈពេលប៉ុន្មានថ្ងៃកន្លងមក ពិសេសកាលពីយប់ថ្ងៃទី ២ មករា ឆ្នាំ ២០១៤ ក្រុមអណាធិបតេយ្យទាំងនោះបានធ្វើសកម្មភាពអុកឡុកបណ្តាលឲ្យប៉ៈពាល់ដល់សន្តិសុខសង្គម ដូចជាការបិទផ្លូវសាធារណៈ ប្រព្រឹត្តអំពើហិង្សានិងបំផ្លិចបំផ្លាញទ្រព្យសម្បត្តិរដ្ឋនិងឯកជនជាដើម។
កបញ្ជាក់ថាសកម្មភាពរបស់ពួកគេកំពុងតែធ្វើឲ្យប្រជាពលរដ្ឋនិងជនបរទេសដែលកំពុងស្នាក់នៅក្នុងរាជធានីភ្នំពេញបារម្ភភ័យខ្លាច និងរិះគន់ខ្លាំង ព្រោះវាបានបង្កការរំខានជាច្រើនដល់ជីវភាពរស់នៅដែលយើងត្រូវចាត់វិធានការណ៍ដោះស្រាយជាបន្ទាន់ដោយមិនទុកឲ្យពួកគេនៅសោយរាជ្យលើច្បាប់ទៀតឡើយ ហើយរយៈពេល៥ខែហើយ តាំងពីបោះឆ្នោតជ្រើសរើសតំណាងរាស្ត្រនីតិកាលទី៥មកអាជ្ញាធរ និងកងកម្លាំងសមត្ថិកិច្ចខិតខំអត់ធ្មត់ដើម្បីបញ្ចៀសឲ្យបាននូវអំពើហិង្សាណាមួយកើតឡើងប៉ុន្តែក្រុមតវ៉ាទាំងនោះនៅតែប្រព្រឹត្តផ្ទុយពីច្បាប់ដ៏ដែលជា
ដ៏ដែល ហើយមានចរិកញ៉ុះញ៉ុង ដើម្បីបំពេញមហិចតានយោបាយរបស់ខ្លួនដោយមិនគិតពីផលប្រយោជន៍ជាតិ។
បើតាមប្រសាសន៍របស់អ្នកនាំពាក្យសាលារាជធានីភ្នំពេញ លោក ឡុង ឌីម៉ង បានឲ្យដឹងថាក្នុងការអនុវត្តសកម្មភាពបោះសំអាតក្រុមអណាធិបតេយ្យនៅយប់ថ្ងៃទី២ មករា នោះដោយសារក្រុមទាំងនោះបានអុកឡុកយ៉ាងចាស់ដៃដល់សន្តិសុខសាធារណៈដែលបានបិទផ្លូវប្រព្រឹត្តអំពើហិង្សាជាមួយអាជ្ញារ ហើយបានគំរាមដុតរថយន្តសាធារណៈនិងឆ្លៀតឱកាសយកលុយពីរថយន្តធំៗជាថ្នូនឹងការ សម្រួលចរាចរដើម្បីឲ្យចេញមុន ដែលនេះជាអំពើល្មើសនឹងច្បាប់។
លោកបន្ថែមទៀតថា ក្នុងហេតុការណ៍ផ្ទុះអំពើហិង្សានោះដែរ បានធ្វើឲ្យសមត្ថកិច្ចរងរបួស៨នាក់ ហើយព្រមទាំងមានចាប់បានជនបង្កហេតុចំនួន៣ផងដែរ។ លោកបញ្ជាក់ថា ក្រុមបង្កអនាធិបតេយ្យនិងក្រុមបាតុកម្មទាំងនោះមិនដែលបានគិតគូរពីផលប៉ះពាល់ដល់សណ្តាប់ធ្នាប់សង្គមម្តងណាឡើយ ហើយពួកក្រុមទាំងនោះបានបំបែកខ្លួនធ្វើសកម្មភាព ហើយមានចរិកធ្វើឲ្យ ផ្ទុះអំពើហិង្សាកើតឡើង ដើម្បីទំលាក់កំហុសមកឲ្យអាជ្ញាធរវិញ៕ ដោយ៖ ភីនរ៉ា