ភ្នំពេញៈ រដ្ឋមន្ដ្រីក្រសួងមហាផ្ទៃបានអំពាវនាវដល់ក្រសួង ស្ថាប័នពាក់ព័ន្ធ និងមន្ដ្រីអនុវត្តន៍ ច្បាប់គ្រប់ លំដាប់ថ្នាក់ទាំងអស់ត្រូវពង្រឹងការអនុវត្តច្បាប់ និងមានស្មារតីទទួលខុសត្រូវខ្ពស់បន្ថែមទៀត ដើម្បីប្រយុទ្ធប្រឆាំងការចរាចរ ការចែកចាយគ្រឿង ញៀន និងបញ្ឈប់ការប្រើប្រាស់គ្រឿង ញៀនប្រកប ដោយប្រសិទ្ធភាពនោះ។
ថ្លែងក្នុងពិធីបិទសន្និបាតបូកសរុបលទ្ធផលការងារត្រួតពិនិត្យ គ្រឿងញៀនឆ្នាំ ២០១៣ និង ទិសដៅការងារឆ្នាំ ២០១៤ របស់អាជ្ញាធរជាតិប្រយុទ្ធប្រឆាំងគ្រឿងញៀន កាលពីថ្ងៃទី ២៦ ខែ មីនា ឆ្នាំ ២០១៤ ឧបនាយករដ្ឋមន្ដ្រី ស ខេង បានមានប្រសាសន៍ថា ការចែកចាយគ្រឿងញៀន នៅក្នុងប្រទេសកម្ពុជា គឺជាបញ្ហាអាទិភាពមួយសម្រាប់ក្រសួងស្ថាប័នពាក់ព័ន្ធ និងអាជ្ញាធរគ្រប់ លំដាប់ថ្នាក់ទាំងអស់ត្រូវយកចិត្តទុកដាក់ក្នុងការគ្រប់គ្រង និងពង្រឹង ការអនុវត្តច្បាប់ឲ្យបាន តឹងរឹងបំផុត ទៅលើអ្នកដែលប្រព្រឹត្តបទល្មើសគ្រឿងញៀន និងមេក្លោងជួញដូរគ្រឿងញៀន ។
លោកបញ្ជាក់ថា មន្ដ្រីអនុវត្តន៍ច្បាប់ និងអាជ្ញាធរពាក់ព័ន្ធគ្រប់លំដាប់ថ្នាក់ ត្រូវទទួលស្គាល់ការពិតចំពោះសកម្មភាព និងការ ទទួលខុសត្រូវរបស់ខ្លួន សម្រាប់ការអនុវត្តជាក់ស្ដែងលើបញ្ហា ទប់ស្កាត់ និងការបង្ក្រាបនៃការហូរចូល និងការចែក ចាយគ្រឿង ញៀន ដែលកន្លងមកមានមន្ដ្រី មួយចំនួនខ្វះឆន្ទៈ និងបានធ្លាក់ចូលក្នុងអន្ទាក់ របស់ឈ្មួញគ្រឿងញៀន ធ្វើឲ្យជះឥទ្ធិពលដល់ ប្រសិទ្ធភាពនៃកិច្ច ប្រតិបត្តិការប្រយុទ្ធប្រឆាំង គ្រឿងញៀននៅមិនទាន់ទទួលបានលទ្ធផលល្អ ប្រសើរ ។
លោកបានលើកឡើងទៀតថា ការដោះស្រាយបញ្ហាគ្រឿងញៀន គឺជាកិច្ចការ ពហុវិស័យ ដែលទាមទារឲ្យមានការចូលរួមពីគ្រប់កោសិកា និងសមាសភាពទាំងអស់របស់ស ង្គម ដោយចាប់ផ្ដើមពីបុគ្គលម្នាក់ៗ ក្រុមគ្រួសារ សហគមន៏ អាជ្ញាធរមូលដ្ឋាន វិស័យឯកជនអង្គ ការជាតិ អន្ដរជាតិ និងគ្រប់ក្រសួង ស្ថាប័នពាក់ព័ន្ធ រួមជាមួយយន្ដការតំបន់ និង ពិភពលោក ។
ឯកឧត្តមក៏បានជំរុញដល់ក្រសួង ស្ថាប័ន និងអាជ្ញាធរពាក់ព័ន្ធត្រូវបន្ដយកចិត្តទុកដាក់ចាត់វិ ធានការ និងអនុវត្តន៍ឲ្យបានហ្មត់ ចត់ និងម៉ឺងម៉ាត់ ក្នុងការអនុវត្តវិធានការបញ្ឈប់ការប្រើប្រាស់ ការធ្វើអាជីវកម្ម និងការនាំចូលផលិតផលស៊ីហ្សា និងបារីអេឡិចត្រូនិក នៅក្នុងប្រទេស កម្ពុជា។លោកឧបនាយករដ្ឋមន្ដ្រី បានអំពាវនាវដល់អាជ្ញាធរមានសមត្ថកិច្ចគ្រប់លំដាប់ថ្នាក់ វិស័យឯក ជន អង្គការសង្គមស៊ីវិល និងអ្នក ពាក់ព័ន្ធទាំងអស់ សូមបន្ដចូលរួមឲ្យបានសកម្មក្នុងការងារ បង្ការ ទប់ស្កាត់ និងប្រយុទ្ធប្រឆាំងបទល្មើសគ្រឿងញៀនគ្រប់ប្រ ភេទ សំដៅជួយដោះស្រាយ បញ្ហាដល់បុគ្គល ក្រុមគ្រួសារអ្នកដែលរងគ្រោះដោយសារគ្រឿង ញៀន និងសង្គមជាតិទាំងមូល៕ ដោយ៖ ភីន រ៉ា