ភ្នំពេញ៖ អ្នកស្រី CATHERINE PHUONG អ្នកសម្របសម្រួលផ្នែកច្បាប់ នៃការិយាល័យឧត្តមស្នងការទទួលបន្ទុកសិទ្ធមនុស្ស នៃអង្គការសហប្រជាតិប្រចាំនៅកម្ពុជាបានថ្លែងនៅក្នុងសិក្ខាសាលា កាលពីថ្ងៃទី៣០ ខែធ្នូ ឆ្នាំ២០១៣ថា កម្ពុជាគួរតែមានរបាយការណ៍ជាក់លាក់មួយនិយាយអំពីការចាត់វិធានការនានា ដើម្បីអនុវត្តនូវកាតព្វកិច្ចរបស់មន្ត្រីពាក់ពន្ធ័ ដែលស្របតាមអនុសញ្ញាស្តីពីសិទ្ធជនពិការ ខណៈដែលប្រទេសនេះ បានផ្តល់នូវសច្ចាប័នរួចហើយលើអនុសញ្ញាសិទ្ធជនពិការ។
.JPG)
អ្នកស្រី CATHERINE PHUONG បានឲ្យដឹងថា សម្រាប់ប្រទេសកម្ពុជាអនុសញ្ញាស្តីពីសិទ្ធជនពិការ ត្រូវបានអនុម័តដោយមហាសន្និបាតអង្គការសហប្រជាជាតិ នៅថ្ងៃទី១៣ ខែធ្នូ ឆ្នាំ២០០៦ បន្ទាប់មកប្រទេសនេះ បានចុះហត្ថលេខាលើអនុសញ្ញានេះនៅថ្ងៃទី១ ខែតុលា ឆ្នាំ២០០៧ ក្រោយមកបានផ្តល់សច្ចាប័នដល់អនុសញ្ញានេះនៅថ្ងៃទី២០ ខែធ្នូ ឆ្នាំ២០១២ និងបានចូលជាធរមានអស់រយៈពេល៣០ថ្ងៃ បន្ទាប់ពីការផុ្តល់សច្ចាប័ន ដែលត្រូវនិងថ្ងៃទី១៩ ខែមករា ឆ្នាំ២០១៣។ អ្នកស្រីមានប្រសាសន៍ថា៖«ហេតុអ្វីបានជាត្រូវដាក់ជូននូវរបាយការណ៍នេះ? អង្គការសហប្រជាជាតិនិងធ្វើការពិនិត្យឡើងវិញ នូវការអនុវត្តរបស់ប្រទេសនីមួយៗ ដោយធ្វើការកំណត់នូវចំណុចខ្លាំង និងចំណុចខ្សោយ ដើម្បីភាពងាយស្រួលនៅក្នុងការស្វែងរកនូវការជួយឧបត្ថម្ភពីអ្នកជំនាញការឯករាជ្យ ព្រមទាំងធ្វើការស្វែងយល់បន្ថែមនូវការយល់ដឹងពីអនុសញ្ញានេះ ដើម្បីពង្រឹងការសម្របសម្រួលក្នុងរដ្ឋាភិបាលនិងសង្គមស៊ីវិល…។
លោកសែម សុខា រដ្ឋលេខាធិការក្រសួងសង្គមកិច្ចអតីតយុទ្ធជន និងយុវនីតិសម្បទាបានមានប្រសាសន៏ថា ដើម្បីបំពេញកាតព្វកិច្ចជារដ្ឋភាគី នៃអនុសញ្ញាស្តីពីសិទ្ធិជនពិការ រាជរដ្ឋាភិបាលបានចេញអនុក្រឹត្យលេខ ២១៦ អនក្រ.បកប្រគល់ភារកិច្ចជូនក្រុមប្រឹក្សាសកម្មភាពជនពិការ ដើម្បី ដឹកនាំ ចាត់ចែង អនុវត្ត និងធ្វើរបាយការណ៍បូកសរុបលើការអនុវត្តអនុសញ្ញា ស្តីពីសិទ្ធិជនពិការ ធ្វើរបាយការណ៍ស្តីពីស្ថានភាពជនពិការជូនរាជរដ្ឋាភិបាល រៀបចំផែនការយុទ្ធសាស្ត្រជាតិ និងផែនការសកម្មភាពទាក់ទិននឹងពិការភាព ដែលបច្ចុប្បន្នក្រុមប្រឹក្សាសកម្មភាព ជនពិការកំពុងបាននឹងដំណើរការយ៉ាងសកម្ម ក្នុងការរៀបចំផែននេះរយៈពេល៥ឆ្នាំ២០១៤-២០១៨។ឯ/ឧបញ្ជាក់ថា ក្រោយពេលផ្តល់សច្ចាប័នរាជរដ្ឋាភិបាលកម្ពុជាបានត្រៀមខ្លួនជាស្រេច ក្នុងការអនុវត្តអនុសញ្ញានេះដូចដែលមានចែងនៅក្នុងមាត្រា៤ ការធានានិងលើកស្ទួយសមិទ្ធិពេញលេញនូវសិទ្ធិមនុស្ស និងសេរីភាពជាសារវន្តទាំងអស់សម្រាប់ជនពិការដោយគ្មានការ រើសអើងចំពោះពិការភាពណាមួយឡើយ។
លោកឯម ចន្ទ័មករា អគ្គលេខាធិការនៃអគ្គលេខាធិការដ្ឋាន ក្រុមប្រឹក្សាសកម្មភាពជនពិការបាន មានប្រសាសន៍ថា លោកមិនទាន់ដឹងអំពីទំហំនៃភាពទូលំទូលាយ ក្នុងការរៀបចំធ្វើរបាយការណ៍ខាងលើនេះយ៉ាងណានៅឡើយទេ ដោយសារតែកម្ពុជាគឺជាប្រទេសដែលទើបតែចាប់ផ្តើមរៀបចំធ្វើរបាយការណ៍នេះជាលើកដំបូង។ លោកបន្តថា អ្វីដែលត្រូវធ្វើនៅពេលនេះ គឺការពង្រឹងឡើងវិញនូវការអនុវត្តជាក់ស្តែង ដើម្បីធ្វើឲ្យរបាយការណ៍ ដែលបានផ្ញើទៅអង្គការសហប្រជាជាតិបានប្រកដទៅដោយភាពច្បាស់លាស់ និងដើម្បីភាពងាយស្រួលនៅក្នុងការឆ្លើយសំណួររបស់ពួកគេផង។ លោកបញ្ជាក់ថា៖«ជាមួយគ្នានេះ វាគ្មិនផ្នែកច្បាប់នៃការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធមនុស្សប្រចាំនៅកម្ពុជា បានមកបង្ហាញអំពីយុទ្ធសាស្រ្តនៃការអនុវត្តអនុសញ្ញា និងការធ្វើរបាយការណ៍ ទៅគណៈកម្មាធិការសិទ្ធជនពិការនៃអង្គការសហប្រជាជាតិផងដែរ ដូច្នេះយើងត្រូវតែខិតខំស្វែងយល់នូវយុទ្ធសាស្រ្តទាំងនោះ»។ អភិរក្ស