ភ្នំពេញ៖ ឯកអគ្គរដ្ឋទូតសហព័ន្ធរុស្ស៊ីដែលត្រូវចប់អាណត្តិជាអ្នកការទូត បានបញ្ជាក់ពីកិច្ចសហប្រតិបត្តិការយ៉ាងល្អក្នុងរយៈពេលជាង៨ឆ្នាំនៅក្នុងប្រទេសកម្ពុជា ។ការបង្ហាញនេះ បានធ្វើឡើងក្នុងជំនួបសវនាការ សម្តែងការគួសម ជម្រាបលាសម្តេច អគ្គមហាពញាចក្រី ហេង សំ រិន ប្រធានរដ្ឋសភា នាព្រឹកថ្ងៃទី២០ ខែវិច្ឆិកា នេះនៅវិមានរដ្ឋសភា។
លោក កែវ ពិសិដ្ឋ នាយកខុទ្ទកាល័យសម្តេច ហេង សំរិន បានប្រាប់ក្រុមអ្នកសារព័តមាននៅក្រោយជំនួបនោះថា លោក Alenander Ignatovឯកអគ្គរដ្ឋទូតសហព័ន្ធរុស្ស៊ីចប់អាណត្តិបានមានប្រសាសន៍បង្ហាញស្មារតីចំពោះកិច្ចសហប្រតិបត្តិការ របស់លោកក្នុងការបំពេញបេសកម្មជាឯកអគ្គរដ្ឋទូតជាង៨ឆ្នាំ ហើយក្នុងបេសកម្មនេះដែរលោកមើលឃើញថា ប្រទេសកម្ពុជាមានការភិវឌ្ឍន៍រីកចំរើនគួរឲ្យកត់សម្គាល់។ ពិសេសទំនាក់ទំនងរវាងប្រទេសទាំងពី២ កម្ពុជា និងសហព័ន្ធរុស្ស៊ី ក៏បានរីកចម្រើនកាន់តែខ្លំាងក្លា ពីមួយថ្ងៃទៅមួយថ្ងៃ។
លោក កែវ ពិសិដ្ឋ បានឲ្យដឹងទៀតថា លោក ឯកអគ្គរដ្ឋទូតបានសាទរចំពោះរដ្ឋាភិបាលក៏ដូចជាសម្តេចប្រធានរដ្ឋសភា ទទួលបានជ័យជំនះចំពោះការបោះឆ្នោតកន្លងមក។ ទោះបីជាលោកបញ្ចប់អាណត្តិជាឯកអគ្គរដ្ឋទូតនៅកម្ពុជាក្តី តែលោកបានសន្យាពង្រឹងពង្រីកកិច្ចសហប្រកិច្ចការលើកគ្រប់វិស័យជាមួយកម្ពុជា ទាំងរដ្ឋសភា និងផ្នែក កាទូត និងវិស័យផ្សេងៗទៀត។លោក បានឲ្យដឹងផងដែរថា នៅដើមខែធ្នូឆ្នាំ២០១៣នេះ គណៈប្រតិភូរដ្ឋសភានៃសហព័ទ្ធរុស្ស៊ី នឹងមកទស្សនកិច្ចនៅព្រះរាជាណាចក្រកម្ពុជា ហើយក្នុងដំណើរទស្សន កិច្ចនោះ ក៏គ្រោងនឹងជួបជាមួយថ្នាក់ដឹកនាំកម្ពុជាជាច្រើនរូប។ គណៈប្រតិភូនេះដឹកនំាដោយលោក Alexander Rutskoi អនុប្រធានទី១រដ្ឋសភាសហព័ន្ធរុស្ស៊ី។ មិនត្រឹមប៉ុណ្ណោះ កន្លងមកខាងសភាកម្ពុជា មានក្រុមមិត្តភាព និងក្រុមមិត្តភាពរុស្ស៊ីបានធ្វើបេសកម្មស្វែងយល់ពីគ្នាទៅវិញទៅមក ដើម្បីពង្រឹងកិច្ចសហប្រតិបត្តការឲ្យកាន់តែមានប្រសិទ្ធភាពថែមទៀត។ លោកសង្ឃឹមថា ក្នុងអាណត្តិថ្មីនៃអគ្គរដ្ឋទូតរបស់សហព័ន្ធរុស្ស៊ីប្រចំាកម្ពុជាបន្តពីលោកនឹងកាន់តែ រឹតបណ្តឹងចំណងសាមគ្គីភាពបន្ថែមទៀត។អ្នកនាំពាក្សរូបនោះបន្តទៀតថា ក្នុងជំនួបសម្តែការគួសមនិងជម្រាបលានោះ សម្តេច ហេង សំរិន ប្រធានរដ្ឋសភា ក្នុងនាមប្រជាជនកម្ពុជា បានសម្តែងនូវមោទនភាពក្រៃលែងចំពោះសមិទ្ធិផលទំាងឡាយ ដែលប្រសូត្រចេញពីកិច្ចខិតខំប្រឹងប្រែងរបស់ឯកអគ្គរដ្ឋទូតរុស្ស៊ីគ្រប់ជំនាន់ ក្នុងការពង្រឹងពង្រីកកិច្ចសហប្រតិបត្តិការ ចំណងទូតនៃប្រទេសនិងប្រជាជនទំាងពីកម្ពុជា-រុស្ស៊ី ចាប់តំាងពីឆ្នាំ១៩៥៦មក។សម្តេចបន្ថែមថា ជាកាពិតណាស់ក្នុងអាណត្តិការទូតមានចំណុចលេខធ្លោធំៗជាច្រើន ដែលលោក អាឡិចសាន់ដឺរ អ៊ីកណាតូវ និងសហការីបានបំពេញ ក្នុងការ រួមចំណែកអភិវឌ្ឍកម្ពុជាលើគ្រប់វិស័យ។ កម្ពុជាតែងតែចាត់ទុករុស្ស៊ីជាមិត្តល្អរបស់កម្ពុជា នៅគ្រប់កាលៈទេសៈ រាប់តំាងពីកម្ពុជាទើបតែបានរំដោះ រហូតដល់មានសុខសន្តិភាព ស្ថេរ ភាពនយោបាយ និងការអភិវឌ្ឍ។រដ្ឋសភា រដ្ឋាភិបាលរុស្ស៊ី និងប្រជាជនករុស្ស៊ីបានរួមចំ ណែកយ៉ាងសកម្មក្នុងការស្វែរងសន្តិភាពជូនប្រជាជនកម្ពុជា ក្នុងក្របខណ្ឌអង្កកាសហប្រជាជាតិ ។
ជាមួយគ្នានោះ សម្តេចប្រធាន បានសម្តែងអំណរគុណចំពោះសហព័ន្ធរុស្ស៊ី ដែលបានជួយបណ្តុះបណ្តាល ធនធានមនុស្សនៅកម្ពុជា តំាងពីសម័យអតីតសហភាពសូវៀត រហូតដល់បច្ចុប្បន្ន។ និស្សិតទំាងឡាយដែលទទួលបានការបណ្តុះបណ្តាលកាលពីជំនាន់មុនៗសព្វថ្ងៃបានក្លាយជាសមាជិករាជរដ្ឋាភិបាល មន្ត្រីរាជការ និងមន្ត្រីក្នុងវិស័យឯកជនដែលអ្នកទាំងនោះបានរួមចំណែកយ៉ាងសកម្មដល់ការអភិវឌ្ឍនាវាកម្ពុជា ។ ជាក់ស្តែងរដ្ឋាភិបាលសហព័ន្ធរុស្ស៊ី បានជួយផ្តល់អាហារូបករណ៍ និស្សិតកម្ពុជាចំនួន២៥កន្លែងជារៀងរាល់ឆ្នំា។សម្តេចប្រធានបញ្ជាក់ថា ខ្ញុំផ្ទាល់បានដឹកនំាគណៈប្រតិភូជាន់ខ្ពស់រដ្ឋសភាកម្ពុជា ទៅធ្វើទស្សនកិច្ចនៅសហព័ន្ធរុស្ស៊ីចំនួនពីដង ដែលលើកទី១ នៅឆ្នាំ២០០៧ និងលើកទី ២ នៅឆ្នាំ២០០៩ ។ រដ្ឋសភាក៏បានធ្លាប់បានទទួលដំណើរទស្សនកិច្ចរបស់អនុប្រធានសភាឌូម៉ារុស្ស៊ី ចំនួនពីរដងផងដែរ ។ ដំណើរទស្សនកិច្ចនេះបានបង្ហាញឲ្យឃើញអំពីការយកចិត្ត ទុកដាក់ខ្ពស់ក្នុងការរឹតបណ្តឹងចំណងការទូត និងកិច្ចសហប្រតិបត្តិការរវាងកម្ពុជា‑រុស្ស៊ីនិងអគុណដល់រដ្ឋាភិបាលសហព័ន្ធរុស្ស៊ី ដែលបានសម្រេចលុបបំណុល៧០ភាគរយនៃបំណុលសរុបដែលកម្ពុជាជំពាក់ហើយសង្ឃឹមថាបំណុលដែលសេសសល់ទំាងប៉ុន្មាននឹងត្រូវបង្វែរទៅជាជំនួយសម្រាប់ការអភិវឌ្ឍន៍៕ ដោយ៖ ស.ស្អាត