ភ្នំពេញ៖ នៅសណ្ឋាគារអ៊ីមភែរាលនាល្ងាចនេះនាយកដ្ឋានផ្លូវគោកនៃក្រសួង​សាធារណការនឹងដឹកជញ្ជូន​បាន​​​រៀបចំពិធីប្រកាសផ្សព្វផ្សាយសាព័ត៌មានអប់រំសុវត្ថិភាពចរាចរណ៍ផ្លូវគោកស្តីពីកត្តាហានិភ័យនៃការបើកបរក្រោមប្រធានបទឥទ្ធិពលគ្រឿងស្រវឹងក្រោមអធិបតីភាពឯកឧត្តមត្រាំងអ៊ីតឹករដ្ឋមន្ត្រីក្រសួងសាធារណ​ការ​​​​​​​​នឹងដឹកជញ្ជូននិងតំណាងអង្គការសុខភាពពិភពលោក ។

ឯកឧត្តមត្រាំងអ៊ីតឹកមានប្រសាសន៍ថាគ្រោះថ្នាក់ចរាចរណ៍បានធ្វើឲ្យខាតបង់សេដ្ឋកិច្ចជាតិរាប់រយលាន​​ដុល្លា​សហរដ្ឋអាមេរិកជារៀងរាល់ឆ្នាំទៅក្នុងអ្វីដែល​យើងទាំងអស់គ្នា​អាចចូលរួម​កាត់បន្ថយបាន។​ ការខាត​បង់​​នេះជា​ចំនួនដ៏ធំធេង​ហួសពីការស្មាន​ក្នុ​ង​ពេលដែលរាជរដ្ឋាភិបាលនិង​ប្រជាជន​យើង​កំពុង​​តែតស៊ូ​ដើម្បី​​កាត់​បន្ថយ​ភាព​ក្រី​ក្រ។ ​ឯកឧត្តមបានបញ្ជាក់ថា គ្រោះថ្នាក់ចរាចរណ៍៩ខែដើមឆ្នាំ២០១៣ មាន​ចំនួន៦.៧៦៧​​នាក់​ស្លាប់​ចំនួន១.៤៦៩​នាក់របួសធ្ងន់ចំនួន៣.០៩៩នាក់។ចំនួន​គ្រោះ​ថ្នាក់​ចរាចរណ៍​មាន​ការ​ថយចុះ ប៉ុន្តែ​ចំនួន​​​អ្នក​​ស្លាប់​មានការកើនឡើង​គួរឲ្យព្រួយបារម្ភ ។​

ជាមួយ​គ្នានោះដែរតំណាងអង្គការ​​​សុខភាពពិភពលោក​លោ​ក ​​ភីធឺ​ ​វ៉ាន់ម៉ារឹនបានបង្ហាញរពីស្ថាន​ភាពគ្រោះ​​ថ្នាក់​ចរណ៍ក្នុងពិភពលោកឲ្យដឹងថាក្នុងឆ្នាំ២០១៣នេះមានមនុស្សប្រមាណ១,២៤លាននាក់បានបាត់បង់ជីវិត​​ដោយសារគ្រោះថ្នាកចរាចរណ៍ហើយជាង៩០%នៃអ្នកស្លាប់គឺកើតឡើងនៅក្នុងប្រទេសមានប្រាក់ចំណូល​​ទាប និមធ្យម ។​

លោកបានបន្តថាគ្រោះថ្នាក់ចរាចរណ៍គឺជាមូលហេតុចម្បងនៃការស្លាប់ចំពោះយុវជនវ័យក្មេងអាយុពី១៥ដល់​២៩​ឆ្នាំ។លោកបណ្ឌិតបានបញ្ជាក់បន្តថានៅក្នុងប្រទេសដែលមានប្រាក់ចំណូលទាបមធ្យមមួយចំនួន៥០%​​គ្រោះថ្នាក់ចរាចរណ៍កើតឡើងគឺបណ្តាលមកពីការបើកបរក្រោមឥទ្ធិពលគ្រៀងស្រវឹង ៕​​

ឯកឧត្តមត្រាំងអ៊ីតឹកក៏បានបង្ហាញឲ្យឃើញថាមូលហេតុនៃគ្រោះថ្នាក់ចរាចរណ៍បណ្តាលមកពីកត្តាមនុស្ស​មា​​ន​រហូតដល់ ៩៦%ក្នុងនោះរួមមាន ការ​បើកបរហួសល្បឿន​​កំណ​ត់មាន ៥២% ការបើកបរ​ក្រោម​ឥទ្ធពលគ្រឿង​​​ស្រវឹងមាន១៣%បើកបរមិនគោរពសិទ្ធិអាទិភាពមាន៩%ការប្រជែងក្នុងស្ថានភាពគ្រោះថ្នាក់ ៩% និង​បញ្ហា​​ផ្សេង​​​​​​​ៗទៀត ១៧% ៕ ដោយ៖ អភិរក្ស​