ភ្នំពេញ៖ ក្រសួងយុត្តិធម៌ ចាប់ផ្តើម កែទម្រង់ ប្រព័ន្ធយុត្តិ ធម៌ របស់ខ្លួន ស្របតាម យុទ្ធសាស្ត្រ កំណែទម្រង់ ច្បាប់ និងតុលាការ តាមរយៈ ការរៀបចំ សៀវភៅ ចុះបញ្ជីសំណុំរឿង ព្រហ្មទណ្ឌ និង បញ្ជីសំណុំ រឿង រដ្ឋប្បវេណី ថ្មី។
កំណែទម្រង់នេះ គឺជាការបង្កើន នូវជំនឿ ទុកចិត្ត ពីមជ្ឈដ្ឋាន ជាតិ និងអន្តរជាតិ ក្នុងទិសដៅពង្រឹង នីតិរដ្ឋបង្កើនយុត្តិធម៌ក្នុង សង្គម កាត់បន្ថយ អំពើពុករលួយ ដើម្បីឈានទៅលុប បំបាត់ វប្បធម៌ និទណ្ឌភាព ព្រមទាំង ពង្រឹងវប្ប ធម៌សន្តិភាព និងវប្បធម៌ គោរពច្បាប់។
រដ្ឋមន្ត្រីក្រសួងយុត្តិធម៌ អង្គ វង្សវឌ្ឍានា បានមាន ប្រសាសន៍ ក្នុងសន្និសីទថ្នាក់ជាតិ និងវេទិកា សាធារណៈ ស្តីពី ការចុះបញ្ជី សំណុំ រឿងព្រហ្មទណ្ឌ និងសំណុំរឿង រដ្ឋប្បវេណី នៃគម្រោង តុលាការគំរូ ថា វិធាននៃ ការចុះបញ្ជីថ្មី នេះ អាចបង្ក ភាពងាយ ស្រួល និងអាច ផ្តល់ព័ត៌មាន បានយ៉ាងឆាប់រហ័ស ប្រកប ដោយតម្លាភាព ជូនភាគីនៃរឿងក្តី និង មានប្រយោជន៍ ពាក់ព័ន្ធ ដទៃទៀត ដែលទាក់ទងសិទ្ធិ ទទួលបាន ព័ត៌មាន របស់ប្រជា ពលរដ្ឋ អំពីចំណាត់ ការរបស់ស្ថាប័ន តុលាការ ។
ចំណុចគួរ អោយកត់សម្គាល់ មួយទៀតនោះ លោក អង្គ វង្សវឌ្ឍានា បានបញ្ជាក់ថា ការវាយ តម្លៃរបស់ តុលាការ និងអយ្យការ រាជធានី-ខេត្ត ត្រូវបាន ទទួលស្គាល់នូវសារៈ ប្រយោជន៍ ជាច្រើន ដែលកើតចេញ ពីការចុះបញ្ជីនេះ។បញ្ជីនេះ ក៏ផ្តល់ភាពងាយ ស្រួល ក្នុងការ គ្រប់គ្រង ការតាមដាន ការផ្តល់ និងការទទួលព័ត៌មាន ទាក់ទង ទៅនឹង ចំណាត់ការ នៃការដោះ ស្រាយរឿង ក្តីផងដែរ។
យ៉ាងណា ក៏ដោយ លោក ទទួលស្គាល់ថា ការងារ អនុវត្តកន្លងមក ទោះបីជាទទួលបាន ជោគជ័យ ច្រើនយ៉ាងណា ក៏ដោយ ក៏ យើងនៅតែ ជួបប្រទះ នៅបញ្ហា ប្រឈមខ្លះៗ ដែលមិន អាចជៀសរួច ។ក្នុងអាណត្តិទី៥ នេះ សម្តេច អគ្គមហា សេនាបតី តេជោ ហ៊ុន សែន បានបង្ហាញ ការប្តេជ្ញា ចិត្ត ២ដង មកហើយ ក្នុងការ ធ្វើកំណែទម្រង់ ស៊ីជម្រៅ និង លុបបំបាត់ចោល នូវក្រសួង គ្រួសារនិយមទៀតផង។ដោយឡែក ប្រព័ន្ធយុត្តិធម៌ ក៏ជាផ្នែកមួយ ដែលរដ្ឋាភិបាល ថ្មី ត្រូវផ្តល់ ជំនឿចិត្ត ដល់ប្រជាពលរដ្ឋផង ដែរ៕ ដោយ ៖ រតនា