ភ្នំពេញ៖ ដោយមើលឃើញពីការវិវឌ្ឍន៍សង្គមកាន់តែមមាញឹក ស្របតាមកំណើនសេដ្ឋកិច្ច ដែលធ្វើម នុស្សកាន់តែត្រូវការភាពងាយស្រួល ក្នុងការរៀបចំបុណ្យទានផ្សេងៗ ក្រុមហ៊ុន សិរីមង្គល ដែលមានឈ្មោះល្បីក្នុងការ ផ្តល់សេវាកម្មរៀបចំកម្មវិធី អាហាហ៍ពិពាហ៍ នោះ ក្រុមហ៊ុនបានផ្តល់សេវាកម្ម បុណ្យប្រពៃណីខ្មែរមួយទៀត ហៅកាត់ថា មហាកុសល។
បើតាមការអោយដឹងពីលោក ឯក សុនសត្យា អគ្គនាយករង ក្រុមហ៊ុនសិរីមង្គល ក្នុងពិធីចុះហត្ថលេខា លើអនុស្សរណៈយោគយល់ ស្តីអំពី កិច្ចសហប្រតិបត្តិការជាមួយដៃគូពាណិជ្ជកម្ម ចំនួន១៥ទៀត នៅថ្ងៃទី១៧ធ្នូនេះថា ក្រុមហ៊ុនរបស់លោកបានបង្កើតសេវាកម្មថ្មីដាច់ដោយឡែក មួយទៀត គឺសេវាបម្រើកម្មវិធីបុណ្យប្រពៃណីខ្មែរ ដែលហៅកាត់ថា មហាកុសល។ មហាកុសលនេះ មានសេវាកម្មរៀបចំ បុណ្យឡើងគេហដ្ឋានថ្មី បុណ្យបច្ច័យបួន បុណ្យកឋិន បុណ្យគម្រប់ខួប១០០ថ្ងៃជាដើម។
កន្លងមក ក្រុមហ៊ុនសិរីមង្គល បានផ្តល់សេវាកម្ម ជាអ្នករៀបចំកម្មវិធីអាពាហ៍ពិពាហ៍ មានលក្ខណៈជាប្រពៃណីទំនៀមទំលាប់ខ្មែរទាំងស្រុង និងមានជំនាញវិជ្ជាជីវៈច្បាស់លាស់ ហើយក៏ជាសេវាកម្មមុនគេបង្អស់នៅកម្ពុជាផងដែរ ក្នុងការផ្តល់សេវាជាអ្នកគ្រប់គ្រងកម្មវិធី អ្នកពិធីការ អ្នករៀបចំភេសជ្ជៈ និងអ្នកបម្រើទឹកកក ។ឆ្លងតាមបទពិសោធន៍ និងការយកចិត្តទុកដាក់ទៅលើ គុណភាព បរិមាណ ភាពស្មោះត្រង់ នៃការផ្តល់សេវាកម្ម និងការគាំ
ទ្រយ៉ាងពេញទំហឹងពីអតិថិជន ក្រុមហ៊ុនសិរីមង្គលបានផ្តល់សេវាកម្មមួយចំនួនទៀត គឺសេវាតម្លើងរោង ម៉ាស៊ីនត្រជាក់ កង្ហារ និងបន្ទប់ទឹកអនាម័យ។
គួរបញ្ជាក់ថា គម្រោងកិច្ចសហប្រតិបត្តិការរវាងដៃគូអាជីវកម្មធំៗ ក្នុងការផ្គត់ផ្គង់ផលិតផល សេវាកម្មដើម្បីឱ្យមានភាពងាយស្រួលដល់ការអនុវត្តន៍ការងារជាបន្តបន្ទាប់ និងដើម្បីបង្ហាញនូវស្មារតីរួបរួម សាមគ្គីភាព ការចូលរួម យកចិត្តទុកដាក់ និងការខិតខំប្រឹងប្រែងខ្ពស់ ក្នុងការលើកកម្ពស់វប្បធម៌ប្រពៃណី វិស័យអប់រំ ផលិតផល និងសេវាកម្ម
ក្នុងស្រុក៕ ដោយ ៖ រតនា