ភ្នំពេញ៖ ឆ្លងកាត់ជីវិតនយោបាយនិងមើលឃើញពីរបបដឹកនាំជាច្រើនជំនាន់ប្រធានគណបក្សរាជានិយមហ្វ៊ុនស៊ិនប៉ិចបានចាត់ទុកថាមានតែរបបរាជានិយមនិងនយោបាយអព្យាក្រឹត្យទេដែលធ្វើឱ្យជីវិតរស់នៅរបស់
ប្រជាជននិងប្រទេសជាតិមានសុខសន្តិភាពស្ថិរភាពនិងការអភិវឌ្ឍន៍រីកចំរើនរុងរឿងលើគ្រប់វិស័យ។
ថ្លែងទៅកាន់សមាជិកសមាជិកានៅក្នុងខណ្ឌពោធិសែនជ័យរាជធានីភ្នំពេញកាលពីរសៀលថ្ងៃទី២២ ខែឧស
ភា ឆ្នាំ២០១៣ ប្រធានគណបក្សហ្វ៊ុនស៊ិនប៉ិចសម្តេចព្រះអនុជនរោត្តមអរុណរស្មីបានមានសុវណីយ៍ថារបប
ដឹកនាំ៥ជំនាន់ដែលប្រទេសកម្ពុជានិងប្រជាជនបានឆ្លងកាត់មាន៖
១-របបរាជានិយម(សម័យសង្គមរាស្រ្តនិយម) នយោបាយអព្យាក្រឹត្យប្រទេសមានស្ថិរភាព។
២-របបសាធារណៈរដ្ឋខ្មែរនយោបាយលំអៀងទាំងស្រុងទៅរកមហាអំណាចសហរដ្ឋអាមេរិក (ប្រទេសជាតិ
ជួបភ្លើងសង្រ្គាម)។
៣-របបកម្ពុជាប្រជាធិបតេយ្យខ្មែរក្រហមនយោបាយលំអៀងទៅរកមហាអំណាចកុម្មុយនីស(ប្រជាជនស្លាប់
អស់រាប់លាននាក់ប្រទេសជាតិធ្លាក់ក្នុងភក់ជ្រាំនរកអវចីយ៍)។
៤-របបសាធារណៈរដ្ឋប្រជាមានិតកម្ពុជា និងចលនាតស៊ូត្រីភាគីដែលម្ខាងគាំទ្រដោយវៀតណាម និងសហ
ភាពសូវៀតហើយម្ខាងទៀតគាំទ្រដោយប្រទេសថៃនិងមហាអំណាចចិនអាមេរិកប្រទេសមានសង្គ្រាមរ៉ាំរ៉ៃអូ
សបន្លាយជាច្រើនឆ្នាំ។ និងទី៥របបរាជានិយមទី២ឆ្នាំ១៩៩៣ និងនយោបាយអព្យក្រឹត្យបានធ្វើឲ្យប្រទេស
ជាតិប្រជាជនមានសុខសន្តិភាពស្ថិរភាព និងមានការអភិវឌ្ឍន៍រីកចមរើន លើគ្រប់វិស័យរហូតដល់បច្ចុប្បន្ន
នេះ។
សម្តេចព្រះ អនុជ បានមានបន្ទូលទៀតថា ដើម្បីឲ្យប្រជាជនរស់នៅប្រកបដោយសុខសន្តិភាពនិងប្រទេស
ជាតិមានការរីកចំរើនតទៅទៀតនោះគម្បីប្រជាជាតិទាំងមូលរួមគ្នាការពាររបបរាជានិយមដែលមានគោលន
យោបាយអព្យាក្រិត្យនេះនៅបន្តដឹកនាំប្រទេសតទៅទៀតនិងយូរអង្វែង។
សម្តេចប្រធានបានបញ្ជាក់ថាគណបក្សហ៊្វុនស៊ិនប៉ិចមិនអាចធ្វើជាគណបក្សប្រឆាំង ឬ រួបរួមជាមួយនិងបក្ស
ប្រឆាំងណាមួយបានទេ ព្រោះវាខុសពីគោលនយោបាយរបស់ខ្លួនដែលប្រកាន់នូវការបង្រួបបង្រួមជាតិការ
ផ្សះផ្សារជាតិដែលអង្គសម្តេចឪសម្តេចតាសម្តេចតាទួតនៃយើងបានបង្កើតឡើងនិងបន្សល់ទុកឲ្យអ្នកដឹកនាំ
ជំនាន់ក្រោយៗដើរតាមគន្លងនិងមាគ៌ាដ៏ត្រឹមត្រូវនេះ ។ ម៉្យាងទៀតគណបក្សហ៊្វុនស៊ិនប៉ិចបានមើលឃើញ
យ៉ាងច្បាស់ទៀតថាគណបក្សប្រឆាំងនៅកម្ពុជា បានព្យាយាមបំផ្លាញគណបក្សរាជានិយមហ៊្វុនស៊ិនប៉ិចជា
ច្រើនលើកច្រើនសារមក ហើយរួមទាំងការស្នើឲ្យមានវិសោធនកម្មច្បាប់រដ្ឋធម្មនុញ្ញពី២\៣ មក៥០បូក១ជា
ដើម។ ក្រៅពីនោះបានដើរឃោសនាថាគណបក្សហ៊្វុនស៊ិនប៉ិចជាអាយ៉ងអ្នកនេះអាយ៉ងអ្នកនោះ ដើម្បីអូស
ទាញយកសម្លេងឆ្នោតបំពេញមហិច្ឆិតារបស់ខ្លួនគិតតែប្រយោជន៍បុគ្គលធំជាងប្រយោជន៍ជាតិនិងប្រជាជន។
ទន្ទឹមនឹងនេះសម្តេចប្រធានបានលើកឡើងទៀតថាគណបក្សប្រឆាំងនៅស្រុកយើងវាខុសទាំងស្រុងពីស្រុក
គេគឺបក្សប្រឆាំងនៅកម្ពុជាដើរអំពាវនាវកុំឲ្យអន្តរជាតិនិងប្រទេសនានាផ្តល់ជំនួយឲ្យប្រជាជនប្រទេសជាតិ
ខ្លួនឯងនិងសុំឲ្យគេគៀបសង្កត់រាជរដ្ឋាភិបាលកម្ពូជាផ្ទុយពីបក្សប្រឆាំងនៅភូមាលោកស្រីអ៊ុងសានស៊ូជីដែល
គេស្នើសុំឲ្យអន្តរជាតិជួយផ្តល់អំណោយឲ្យដល់ប្រជាជន និងប្រទេសគេហើយព្រមទាំងសុំឲ្យអន្តរជាតិដក
ការគៀបសង្កត់ពីប្រទេសគេទៀតផង។
សម្តេចព្រះ អនុជ នរោត្តម អរុណរស្មី បានអំពាវនាវសមាជិកសមាជិការដែលបានចាកចេញកន្លងមកពិ
សេសដល់ប្រជាពលរដ្ឋកម្ពុជាដែលស្រលាញ់សុខសន្តិភាពងាកមកបន្តគាំទ្រគណបក្សហ៊្វុនស៊ិនប៉ិចដែល
ដឹកនាំដោយសម្តេច ព្រះអនុជ ជាបេក្ខភាពស្រ្តី ដើម្បីថែរក្សាកេរ្តិ៍ដំណែលសម្តេចឪសម្តេចតា និងបន្តលើក
ស្ទួយការការពាររបបរាជានិយម និងនយោបាយអព្យាក្រឹត្យធ្វើឲ្យប្រទេសជាតិមានសុខសន្តិភាពមានស្ថិរ
ភាពនិងការអភិវឌ្ឍន៍រីកចំរើនរុងរឿងតទៅទៀត៕
ដោយ៖សស្អាត