ប្រទេសឥណ្ឌា៖ មនុស្សជាង ២០០០០០នាក់នៅក្នុងភាគខាងកើតប្រទេសឥណ្ឌាត្រូវបានជម្លៀសចេញ ពីទីលំនៅរបស់ពួកគេខណះពេលដែលខ្យល់ព្យុះស៊ីក្លូនដ៏ធំគឺកំពុងតែបោកបក់នៅឈូងសមុទ្រ Bengal និងបន្តទៅកាន់ឆ្នេរសមុទ្រខាងកើតទៀត។ក្រុមអ្នកព្យាករណ៍អាកាសធាតុបាននិយាយថា ខ្យល់ព្យុះ ស៊ីក្លូននេះគឺជាប្រភេទខ្យល់ព្យុះដ៏សាហាវមួយហើយពួកគេបានរំពឹងថា ខ្យល់ព្យុះនេះនឹងបន្តបោកបក់
លើរដ្ឋ Orissa និងរដ្ឋ Andhra Pradesh នៅល្ងាចថ្ងៃសៅរ៍នេះ។
ក្រុមអ្នកព្យាករណ៍បានប្រាប់អោយដឹងថា ខ្យល់ព្យុះស៊ីក្លូននេះមានល្បឿនខ្យល់រហូតដល់ ២២០គីឡូ
ម៉ែត្រក្នុងមួយម៉ោង។ កាលពីឆ្នាំ ១៩៩៩ ខ្យល់ព្យុះស៊ីក្លូនដ៏សាហាវមួយបានសំលាប់មនុស្សជាង ១០០០០ នាក់នៅក្នុងរដ្ឋ Orissa។ ក៏ប៉ុន្តែលោក Sanjoy Majumder ភ្នាក់ងារសារព័ត៌មានរបស់ BBCបាននិយាយថា នាពេលឥឡូវនេះពួកយើងបានត្រៀមខ្លួនយ៉ាងល្អដើម្បីការពារសុវត្ថិភាពមនុស្សទូទៅក្នុងតំបន់នេះ។ ទោះបីជាយ៉ាងណាក៏ដោយក្រុមអ្នកព្យាករណ៍គ្រោះមហន្តរាយ របស់កងទាហានជើងទឹកសហរដ្ឋអាមេ
រិកបានព្យាករណ៍ថា ខ្យល់ព្យុះស៊ីក្លូននេះមានល្បឿនរហូតដល់ ២៦៩ គីឡូម៉ែត្រក្នុងមួយម៉ោងធំជាងការ
ទាយទុករបស់ក្រុមអ្នកព្យាករណ៍អាកាសធាតុ ប្រទេសឥណ្ឌាទៅទៀត។ ដោយ៖ តុលា