ភ្នំពេញ៖ កងយោធពលខេមរភូមិន្ទ​ ផ្នែកវិស្វកម្មចំនួន២១៨នាក់ ដែលបានបញ្ចប់បេសកម្មរក្សាសន្តិភាព ក្រោម​ឆ័ត្រអង្គការសហប្រជាជាតិប្រកបដោយការជោគជ័យនៅប្រេទេសលីបង់ និងបានវិលត្រឡប់មក​មាតុ​ប្រ​ទេស​​វិញហើយនៅរសៀលថ្ងៃសុក្រនេះ ។ នៅព្រលានយន្តហោះយោធារាជធានីភ្នំពេញ មានការទទួល​ស្វាគមន៍​ដោយលោកនាយឧត្តមសេនីយ៍ ទៀ បាញ់ ឧបនាយករដ្ឋមន្រ្តី និងជារដ្ឋមន្រ្តីក្រសួងការពារជាតិ និងលោកជំទាវ ក្លែ វ៉ាន់ ឌឺ វ៉ារ៉ែន អ្នកសម្របសម្រូលអង្គការសហប្រជាជាតិប្រចាំកម្ពុជា ព្រមទាំងក្រុមគ្រួសារ​យ៉ាងច្រើនកុះករ ។

          លោកឧត្តមសេនីយ៍ឯក សែម សុវណ្ណនី អគ្គនាយកមជ្ឈមណ្ឌលជាតិគ្រប់គ្រងកង​កម្លាំងរក្សា​សន្តិភាព បាន​មានប្រសាសន៍ថា កងកម្លាំងវិស្វកម្ម ដែលបានបញ្ចប់បេសសកកម្មរក្សាសន្តិភាព ក្រោម​ឆ័ត្រអង្គ​ការ​សហប្រជាជាតិ នៅប្រេទេសលីបង់ ជាកងវិស្វកម្មលេខ៦១២ ក្នុងរយៈពេល១ឆ្នាំដែលកងកម្លាំង បានទៅ​បំពញ​បេសកម្មរក្សា​សន្តិ​ភាព និងបានវិលត្រលប់មកមាតុប្រទេសវិញប្រកបដោយសុវត្តិភាព គឺទៅគ្រប់​មក​គ្រប់ ។

          លោកឧត្តមសេនីយ៍ឯកបន្តថា ដោយមានកិច្ចខិតខំប្រែងនិងការប្រើប្រាស់ជំនាញនិងភាពអំណត់ តស៊ូ​បំពេញ​បេសសកម្មកងកំលាំងផ្នែកវិស្វកម្មសំណង់ស៊ីវិល កងវិស្វកម្មកម្ពុជា បានចុះបំពេញបេសកម្មនៅ​តាម​ជ្រោះភ្នំ លើ​កំពួល​ភ្នំខ្ពស់ៗ ដែលមានកំពស់រហូតដល់ជាង ៣០០ ម៉ែត្រ ដោយត្រូវជញ្ជួន សម្ភារៈដូចជា ខ្សាច់ថ្ម ស៊ីម៉ង់ ទឹក ចុះជ្រោះ តាមជំរាលភ្នំដោយចម្ងាយមនុស្សចំងាយជិត ១០០០ ម៉ែត្រ បោសសំអាត កាកសំណល់​សង្រ្គាមនិងបាន​ចូល​រួមកសាងហេដ្ឋារចនាសម្ព័ន្ធនានាជាច្រើន សំរាប់ជាប្រយោជន៍ នៅក្នុងការប្រើប្រាស់​ទូទៅ នៅក្នុងប្រទេស ។

          លោកឧត្តមសេនីយ៍ឯក សែម សុវណ្ណនី បានបញ្ជាក់ថា កងវិស្វកម្មកម្ពុជា បានបោសសំ​អាតមីន និងយុទ្ធ​ភណ្ឌ័​​​មិនទាន់ផ្ទុះ៦៩.៦៤៣ ម^២ រុករកមីនប្រឆាំងថ្មើរជើង ១៩៣ គ្រាប់ អំបែង ១៤.៩៦៨ បំណែក ព្រមទាំងបាន​ផលិត​ទឹកស្អាត​ប្រើប្រាស់ចំណុះ ១.២៣៣.៤៥៣ លីត្រ និងផ្តល់ទឹកសុទ្ធអោយកងកម្លាំងនានា​ចំណុះ៩៧២លីត្រ ហើយក្រៅពីបេសសកម្ម​ស្នូលរបស់ខ្លួន កងនេះបានឆ្លៀតពេលទៅចូលរួមក្នុងសកម្ម​ភាព​ការងារ មនុស្សធម៌ ជួយពិនិត្យ និងព្យាបាលជម្ងឺ ដល់ប្រជាពលរដ្ឋ លីបង់និងជួសជុល ផ្លូវគមនាគមន៍ផងដែរ។

          នៅក្នុងឧកាស ​ទទួដំណើរនិវត្តន៍របស់ កងកម្លាំងវិស្វកម្ម លេខ៦១២ របស់អង្គការសហប្រជាជាតិ ចំនួន២១៨​នាក់ដែលបានបញ្ចប់ការបំពេញបេសរកម្មរក្សាសន្តិភាព ក្រោមឆ័ត្រអង្គការសហប្រជាជាតិ នៅប្រ​ទេស​​លីបង់នេះ​លោក​ស្រី ក្លែ វ៉ាន់ ឌឺ វ៉ារ៉ែន បាមសម្តែងនូវការស្វាគមន៍ និងបានចាត់ទុកថា អង្គការសហ​ប្រជាជាតិត្រូវបានរៀបចំ​ឡើង ដើ​ម្បី​​ជួយសង្រ្គោះដល់មនុស្សជំនាន់ក្រោយ អោយរួចផុតពីសង្គ្រាមរាំរ៉ៃ និង​ដើម្បី​នាំមកនូវសន្តិភាព និង​​សាមគ្គីភាព  ដូចនេះការតាំងចិត្តរបស់អស់លោក មិនត្រឹមតែនាំមកនូវ កិត្តិយស ដល់អស់លោកផ្ទាល់  និងប្រ​ទេស​ជាតិប៉ុណ្ណោះទេ ប៉ុន្តែក៏សម្រាប់ ពិភពលោកទាំងមូលផងដែរ។ ថ្ងៃនេះ កងវិស្វកម្មលេខ ៦១២ នឹងក្លាយជាគ្រួសារ មួយរបស់អង្គការសហប្រជាតិ ហើយអស់លោកជាទាហានក​ម្ពុជា ប៉ុន្តែជាបងប្អូនលើសកលលោក ។

          លោកស្រី បានចូលរួម អបអរសាទរ  ដោយឃើញមានវត្តរបស់យោធិននារី ចូលរួមចំណែក ក្នុងផ្នែក វិស្វ​កម្មលេខ ៦១២ ។ នេះជាការបញ្ជាក់អោយឃើញពីភាពបំរែបំរួលជាវិជ្ជមាន នេះពិជាការវិវត្តន៍ក្នុងពេល២០​ឆ្នាំ​កន្លង​មកនេះ ដែលប្រទេសមួយធ្លាប់ទទួលការជ្រោមជ្រែងពីអង្គការសហប្រជាតិប្រែក្លាយជាប្រទេស បរិច្ចាក​កង​កម្លាំង និងអ្នកជំនាញទៅកាន់បេសសកម្ម ប្រតិបត្តិការរសក្សាសន្តិភាព របស់អង្គការសហប្រជាជាតិ ។លោកនាយឧត្តម​សេនីយ៍ ទៀ បាញ់ ឧបនាយករដ្ឋមន្រ្តី និងជារដ្ឋមន្ត្រី ក្រសួងការពារជាតិ បានមាន​ប្រសាសន៍ថា​សមិទ្ធផលសំរេច​បាន​​​​នាពេលនេះ ជាកាងបង្ហាញនូវឆន្ទៈ ដ៏មុះមុតរបស់កងយោធពល​ខេមរៈភូមិន្ទ ដែលបាននឹងកំពុងបន្ត វីរៈភាព​ការ​ពារ​​បូរណភាពទឹកដី និងរួមចំណែកយ៉ាងសកម្ម កសាងមាតូភូមិ ដើម្បីឈានឆ្ពោះទៅកាន់ អភិបាលកិច្ច និងការ​កែ​ទម្រង់សន្តិសុខ អោយស្របតាមសភាពការតំ​បន់ និពិភព​លោក ដែលមានការវិវត្តន៍​ប្រែ​ប្រួល​យ៉ាងលឿននាពេល​បច្ចុប្បន្ន និងទៅអានាគត។

          លោកនាយឧត្តមសេនីយ៍បានបន្តថាកងយោធពលខេមរៈភូមិន្ទបាននឹងកំពុងប៉ជំហានយ៉ាងស្វា​ហាប់ក្នុង ស្មារតី​ទទួលខុសត្រូវ គិតគូរខ្ពស់ ប្រកបដោយមនសិការស្នេហាជាតិមាតុភូមិ ក្នុងការចូលរួមយ៉ាងសកម្មជួយ​សង្រ្គោះ និងបំរើ​​ប្រ​ជាជន តាមរយៈការរក្សាទំនាក់ទំនងយោធា ស៊ីវិល បានយ៉ាងល្អ និងប្រកបដោយវិជ្ជាជីវៈ និង​មានក្រមសិល​​ធម៌ ពោលគឺកងយោធពលខេមរៈ ភូមិន្ទ គឺជាកងទ័ពរបស់ប្រជាជន ជាកូនចៅប្រជាជន និងជាអ្នក​បំរើប្រជាជន។  លោកនាយឧត្តមសេនីយ៍បានបញ្ជាក់ថា រាល់សកម្មភាពទាំងនេះ ជាការប្តេជ្ញាចិត្តយ៉ាងមុះមុត មាំ​របស់ រាជរដ្ឋាភិបាលកម្ពុជា ក្នុងការបញ្ជួនកងកម្លាំងចូលរួមបេសសកម្មរបស់ អង្គាករសហប្រជាជាតិ ដើម្បីបង្ហាញ​ពីការ​គោរពស្រលាញ់ សន្តិភាព ប្រកបដោយមនុស្សធម៌ ដែលខុសពីការលើកឡើងរបស់ជនអកតិមួយក្តាប់តូច ដែល​តែងតែចោទប្រកាន់មកលើថ្នាក់ដឹកនាំរាជរដ្ឋាភិបាលកម្ពុជា ថាអសមត្ថម្ភភាព មិនគោរពសិទ្ធមនុស្ស គ្មាន​មនុស្សធម៌ ហើយធ្វើការទាមទារមិនចេះចប់ ប្រាសចាកពីធម្មនុញនៃព្រះរាជាណាចក្រកម្ពុជា។ យ៉ាងនេះ​ក៏ដោយ លោកអះអាងថា នៅមានបញ្ហាប្រឈមជាច្រើនទៀត ដែលត្រូវបន្តប្រឹងប្រែងដៅស្រាយ ក្នុងនោះមាន ការថែ​រក្សា​ពង្រឹង សន្តិភាព ស្ថេរភាព សន្តិសុខសណ្តាប់ធ្នាប់សង្គម ការលើកម្ពស់លិទ្ធិប្រជាធិបតេយ្យ សេរីភាព​និតិរដ្ឋ សមធម៌ និងយុត្តិធម៌សង្គម ការអភិវឌ្ឍន៍សេដ្ឋកិច្ច ការអភិវឌ្ឍន៍ក្រក្រ នៅតែជាទិស​ដៅធំៗ ដែល​ត្រូវពុះ​ពាររបស់កម្ពុជា។

          សូមបញ្ជាក់ថា ចាប់តាំងពីឆ្នាំ២០០៦ មក រហូតដល់បច្ចុប្បន្ន ប្រទេសកម្ពុជា បានបញ្ជួនកង​កម្លាំង​សរុប​ចំនួន ១,៦០០ នាក់ ចូលរួមក្នុងបេសសកម្ម រក្សាសន្តិអង្គការសហប្រជាជាតិ ក្នុងនោះមានកងវិស្វកម្ម ចំនួន ០៣ កង មាន​សមាជិកចំនួន ៦៥៤នាក់ ទៅកាន់ប្រទេសលីបង់ ដែលក្នុងបេសសកម្មចំនួន ០៣នេះ បានចួលរួម​បោស​សម្អាតមីន លើផ្ទៃដីជាង ២លានម៉ែត្រការ៉េ នៅលើទឹកដីលីបង់ ហើយក៏ជាអង្គភាពមួយដែលនាំមុខគេ ក្នុងការប្រើប្រាស់​គ្រឿង​ចក្រ​បោសសំអាតមីនផងដែរ៕ ដោយ៖ ស.ស្អាត