ភ្នំពេញ៖ ក្រុមសហជីពដែលធ្វើការទាក់ទង ទៅនឹងកម្មករបានថ្លែងថាអ្នកវិនិយោគមិនងាយដកការវិនិយោគរបស់ខ្លួនចេញពីកម្ពុជានោះទេព្រោះការបិទរោងចក្រឬការធ្វើអ្វីមួយ គេត្រូវធ្វើ ឡើងតាមទម្រង់បែបបទ។ប្រធានសហជីពសេរីកម្មករនៃព្រះរាជាណាចក្រកម្ពុជាលោក ជា មុន្នី បានលើកឡើងថា ការលើកឡើងរបស់លោក ឈាង វុន ដើម្បីជាការបំភិតបំភ័យ ទៅដល់កម្មករ-កម្មការិនី តែប៉ុណ្ណោះ ព្រោះបើការបិទគឺគេធ្វើឡើងទៅតាមទម្រង់បែបបទរបស់វាយ៉ាងត្រឹមត្រូវព្រមានដោយមានការគិតគូរប្រាក់សំណង ប្រាក់ជូនដំណឹង និងប្រាក់ផ្តាច់កិច្ចសន្យា។
លោកបានបញ្ជាក់ថាការលើកឡើងរបស់គាត់អត់ឡូស៊ិចព្រោះខ្ញុំធ្វើនៅឧស្សាហកម្មកាតដេរនេះខ្ញុំដឹងច្បាស់ណាស់ហើយរហូតមកទល់ពេលនេះ អត់ទាន់មានរោងចក្រណា មួយ បិទនោះទេ បើកបិទនោះមានសិប្បកម្មតូចៗមានគ្នាត្រឹម១០ប៉ុណ្ណោះដែលបិទនោះលោក រ៉ុង ឈុន ប្រធានសហភាពសហជីពកម្ពុជាបានឲ្យដឹងថានិយោជកគ្មានដករោងចក្រចេញពីកម្ពុជានោះទេហើយក៏គ្មានប្រទេសណាដែលមាន បរិយាកាសល្អ ដូចកម្ពុជាដែរបើទោះបីជាមានកូដកម្មរបស់កម្មករនៅទូទាំងប្រទេសក៏ដោយ។លោកបញ្ជាក់ថា គ្មានក្រុមហ៊ុនណាដកចេញពីកម្ពុជានោះទេនេះគ្រាន់តែការលើកឡើង របស់អ្នកមានអំណាច ហើយមានអ្នកអនុគ្រោះច្រើនពីសហគមន៍អឺរ៉ុប និងសហរដ្ឋអាម៉េរិក។
ទាក់ទិនទៅនឹងការលើកឡើងខាងលើនេះ តំណាងនិយោជកមួយរូប កញ្ញា ចាន់នី ប៉ាន បានលើកឡើងថាក្រុមហ៊ុនរបស់នាងកំពុងពិចារណាទៅលើប្រទេសជិតខាងកម្ពុជា ដែលគេក៏ទទួលបានការអនុគ្រោះពន្ធពីសហរដ្ឋអាមេរិក ក៏ដូចជាសហគមអឺរ៉ុប ដូចកម្ពុជាដែរហើយប្រាក់ពលកម្មក៏មិនខ្ពស់ជាងកម្ពុជាហើយការគ្រប់គ្រងយន្តការច្បាប់ក៏គ្រាន់បើដែរ។លោក កេន លូ អគ្គលេខាធិការនៃសមាគមរោងចក្រកាត់ដេរនៅកម្ពុជាបានឲ្យដឹងថា គិតមកដល់ថ្ងៃនេះ មានរោងចក្រជាច្រើនបន្តបិទទ្វារ ដោយសារតែកូដកម្ម និងបាតុកម្មរំខានរបស់កម្មករមួយចំនួនកូដកម្មនិងបាតុកម្មរបស់កម្មកររោងចក្រកាត់ដេរ ក៏នៅតែបន្តកើតឡើង ស្ទើរទូទាំងប្រទេស។ តែក៏មានរោងចក្រមួយចំនួន បន្តបើកទ្វារ ធ្វើការជាធម្មតា។
ជាមួយគ្នានោះ លោក កេន លូ បន្តថា រហូតដល់ព្រឹកថ្ងៃនេះ ក៏មានកម្មករ និងសហជីពមួយក្រុម ទៅអុកឡុកដល់រោងចក្រ ដែលមានកម្មករនៅធ្វើការ។ ដូច្នេះសមាគមរោងចក្របានបន្តណែនាំឲ្យថៅកែ រោងចក្រទាំងនោះបិទទ្វារបន្តហើយឲ្យកម្មករឈប់សម្រាកដើម្បីការពារសុវត្ថិភាពកម្មករផង និងដើម្បីការពារទ្រព្យសម្បត្តិរោងចក្រផង។ អគ្គលេខាធិការសមាគមរោងចក្រកាត់ដេររូបនេះបានបញ្ជាក់ថា ភាគីថៅកែរោងចក្រ អាចវិលចូលរួមតុចរចាឡើងវិញ លុះត្រាតែមានការធានាពីសហជីព និងក្រសួងការងារការពារសុវត្ថិភាពកម្មករ និងរោងចក្រ ដូចលិខិតចំហចុះថ្ងៃទី២៩ធ្នូ។ ចំពោះកូដកម្មកម្មករតវ៉ាឡើងប្រាក់ខែនៅពេលនេះ ត្រូវបានសមាគមថៅកែរោងចក្រទម្លាក់ការទទួលខុសត្រូវលើ សហជីពកម្មករទាំង៦ ដែលកំពុងដឹកនំាធ្វើបាតុកម្ម។លោកបានព្រមានថា បើសិនជាកូដកម្មបាតុកម្ម របស់កម្មកររោងចក្រ ទាមទារតម្លើងប្រាក់ខែនៅតែបន្តនោះជំរើសចុងក្រោយ ថៅកែមានតែបិទរោងចក្រ ចាកចេញពីកម្ពុជាទៅប្រទេសភូមាឬប្រទេសវៀតណាមជាដើម។ យ៉ាងណាក្តីនៅព្រឹកថ្ងៃទី៣០ធ្នូ តំណាងសហជីពទំាង៦ បានចូលប្រជាជុំជាមួយភាគីរដ្ឋាភិបាលដែលមានរលោកអ៊ុំ មាន រដ្ឋលេខាធិការក្រសួងការងារ បណ្តុះបណ្តាលវិជ្ជាជិវៈពីការចរចារទាមទារ តម្លើងឡើងប្រាក់ខែ អស់រយៈពេលមួយព្រឹកពេញ តែមិនបានលទ្ធផលអ្វី ដោយភាគីសហជីព ប្រកាន់ជំហរទាមទារ១៦០ដុល្លារ ក្នុងឆ្នាំ២០១៤។ លើសពីនេះភាគីសហជីពបានប្រាស់ធ្វើ បាតុកម្មរហូតដល់មាន ដំណោះស្រាយពីរដ្ឋាភិបាល ក្នុងការតម្លើង ប្រាក់ឈ្នួល កម្មករ។
អ្វីដែលគួរឲ្យនឹកស្មាន មិនដល់នោះមានកម្មករ កម្មការិនីរាប់រយនាក់បានមកជួបជុំ គ្នានៅចំពោះមុខរោងចក្រដើម្បីចង់ដឹងលទ្ធផលនៅការចរចារនិង បានបិទផ្លូវមុខក្រសួងការងាររួច កម្មករទំាងអស់ដែលមានសហជីពដឹកនំាផង បាននំាគ្នាទៅតវ៉ានៅចំពោះ មុខទីស្តីការគណៈរដ្ឋមន្ត្រី ប៉ុន្តែកម្មករទំាងនោះទៅមិនរួច ដោយសារមានការរារំាង ពីមន្ត្រីមានសម្ថកិច្ចដាក់របង លួសមិនឲ្យទៅ៕ ដោយ ៖ សស្អាត