ពោធិ៍សាត់ ៖ អគ្គិភ័យបានឆាបឆេះរោងសិប្បកម្មកិនស្រូវដ៏ធំមួយ និងបានបំផ្លាញទ្រព្យសម្បត្តអស់យ៉ាង
សន្ធឹកសន្ធាប់ ។       បើទោះជាមិនទាន់មានរបាយការណ៍បញ្ជាក់ពីប៉ូលិស ឬ ម្ចាស់ក៏ដោយ តែបើតាមសំដី
ប្រជាពលរដ្ឋ ដែលនាំគ្នាទៅ ចោមរោមមើល ករណីនេះ បាននិយាយថាទឹកប្រាក់រាប់ម៉ឺនដុល្លារ នឹងត្រូវខាត
បង់ ដោយសារតែរោងសិប្បកម្មកិនស្រូវដ៏ធំជាងគេ នៅក្រុងពោធិ៍សាត់តែម្ដងរបស់លោកគ្រូម៉េងត្រូវភ្លើង
ឆេះ ។

សេចក្ដីរាយការណ៍ពីប្រជាពលរដ្ឋ ដែល ចូលទៅមើល ករណីអគ្គិភ័យនេះបានឱ្យដឹងថានៅវេលាម៉ោងប្រ
មាណ៣រសៀលថ្ងៃ ទី១៧   ខែឧសភា    ឆ្នាំ ២០១៣រោងសិប្បកម្មម៉ាស៊ីនកិនស្រូវ របស់លោកគ្រូម៉េងត្រូវ
បានអគ្គិភ័យឆាបឆេះយ៉ាងសន្ធោសន្ធៅបង្ក ឱ្យមានការភ្ញាក់ផ្អើល ទូទាំងក្រុងពោធិ៍សាត់ជាពិសេសប្រជា
ពលរដ្ឋដែលផ្ទះរបស់ពួកគាត់ ស្ថិតនៅជិតសិប្បកម្មរោងចក្រម៉ាស៊ីនកិន ស្រូវខាងលើនេះ នាំគ្នាភ័យស្លន់
ស្លោដោយ ខ្លាចរីករាលដាលប៉ុន្ដែ   ត្រូវបានសមត្ថកិច្ច  និងអាជ្ញាធរខេត្ដ   ជួយអន្ដរាគមន៍បានទាន់ ពេល
វេលា។

សេចក្ដីរាយការណ៍ពីសមត្ថកិច្ច និងប្រជាពលរដ្ឋនៅកន្លែងកើតហេតុបានឱ្យដឹងថា  ក្រោយពីអន្ដរាគមន៍
អស់រយៈពេលប្រមាណ១ម៉ោងរួចមក អគ្គិភ័យបានថមថយ និង រលត់ទៅវិញ។ យ៉ាងណាក៏ដោយមូល
ហេតុ ពិតប្រាកដដែលនាំឱ្យមានអគ្គិភ័យខាងលើ នេះកើតឡើង មិនទាន់ត្រូវបានបញ្ជាក់ពីសមត្ថកិច្ច
នៅឡើយទេ ប៉ុន្ដែ បើតាមប្រជា ពលរដ្ឋ   សង្ស័យថា  អាចបណ្ដាលមកពីជាងផ្សារដែក នៅក្នុងសិប្ប
កម្មខាងលើនេះ ៕ដោយ៖ សំអាត