កណ្តាល៖ កម្មការិនីរោងចក្រកាត់ដេរវ័យ ១៨ឆ្នាំម្នាក់ ត្រូវក្រុមឃាតកចាប់រំលោភ ហើយសម្លាប់ បន្សល់ ទុក តែ ខោលីអូពណ៌ក្រហមឆ្អិនឆ្អៅនៅកន្លែងកើតហេតុ ។ សពកម្មការិនីរងគ្រោះ ត្រូវបានប្រជាពលរដ្ឋប្រទះ ឃើញនា វេលាម៉ោង ១០ និង៣០នាទីព្រឹកថ្ងៃទី១៦ ខែកុម្ភៈ ឆ្នាំ ២០១៤ នៅក្នុងភូមិព្រៃគោល ឃុំឈ្វាំង ស្រុកពញាឮ។
យោងតាមរបាយការណ៍របស់ស្នងការដ្ឋាននគរបាលខេត្តកណ្តាល បានឲ្យដឹងថា នារីរងគ្រោះឈ្មោះ ហាន ស្រី នាង អាយុ ១៨ឆ្នាំ មុខរបរកម្មការិនីរោងចក្រ កាត់ដេរមានទីលំនៅក្នុងភូមិឃុំខាងលើ។
បើតាមរបាយការណ៍ដដែលនេះ បានបញ្ជាក់ថា នារីរងគ្រោះត្រូវក្រុមឃាតកចាប់រំលោភ ហើយសម្លាប់ជាក្រោយ ដែលករណី នេះ អាចជាឃាតកម្មទុកជាមុន ឬក៏ជាគំនុំ និងអាចនារីរងគ្រោះធ្លាប់ស្គាល់គ្នាជាមួយក្រុមឃាតករ។
រហូតដល់ព្រឹកថ្ងៃទី១៧ ខែកុម្ភៈ កម្លាំងសមត្ថកិច្ចកំពុងដុតដៃដុតជើងស្រាវជ្រាវរកមុខសញ្ញាប្រព្រឹត្តល្មើស ដើម្បីផ្តន្ទាទោសទៅតាមច្បាប់ តែហាក់បីដូចជាគ្មានពន្លឺអ្វីបន្តិចសោះ។
ក្រោយពីពិនិត្យ និងធ្វើកោសល្យវិច័យសពនារីរងគ្រោះ រួចមក សមត្ថកិច្ចត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ដោយៈភីនរ៉ា