ភ្នំពេញ៖ ក្រុមសង្គមស៊ីវិលដែលតំណាងឲ្យជនពិការស្នើឲ្យរាជរដ្ឋាភិបាលផ្តល់កញ្ចប់ថវិកាសម្រាប់ជនពិការដាច់ ឡែក ក្នុងផែនការវិនិយោគឃុំសង្កាត់ឆ្នាំ២០១៤ខាងមុខ ដើម្បីធានាការដោះស្រាយដល់ជនពិការឲ្យ កាន់តែមាន ប្រសិទ្ធភាព។
កាលពីព្រឹកថ្ងៃទី១៨ ធ្នូ នេះ ក្រុមជនពិការ និងអង្គការសង្គមស៊ីវិលពាក់ពន្ធ័ជាច្រើនបានទទួចឲ្យរាជរដ្ឋាភិបាលធ្វើ យ៉ាងណាលើកកម្ពស់ស្ថានភាពជនពិការនៅក្នុងសង្គមឲ្យកាន់តែប្រសើរឡើង តាមរយៈជួយជំរុញឲ្យ អាជ្ញាធរឃុំ សង្កាត់បានដាក់វិស័យពិការភាពទៅក្នុងផែនការវិនិយោគរបស់ខ្លួន ជាពិសេស មានកញ្ចប់ថវិកា គ្រប់គ្រាន់ ដើម្បី ជួយដល់ពួកគាត់។
លោកងិន សៅរត្ន័ នាយកប្រតិបត្តិអង្គការជនពិការកម្ពុជាបានបញ្ជាក់ថា ការរើសអើងចំពោះជនពិការត្រូវបានកាត់ បន្ថយ ប៉ុន្តែការបញ្ជូលវិស័យពិការភាពទៅក្នុងផែនការអភិវឌ្ឍនៅមូលដ្ឋានគឺនៅមាន កម្រិតនៅឡើយ ដោយផែន ការវិនិយោគរបស់ឃុំសង្កាត់នីមួយៗផ្តោតសំខាន់តែលើការអភិវឌ្ឍហេដ្ឋាចនាសម្ពន្ធ័ផ្លូវថ្នល់ប្រឡាយជាដើម។
លោកបញ្ជាក់ថា ទោះបីជារាជរដ្ឋាភិបាលបានទំលាក់ កញ្ចប់ថវិកាចំនួន២០ភាគរយសម្រាប់វិស័យសង្គមកិច្ចនៅ ក្នុងឃុំ សង្កាត់ក៏ដោយ ប៉ុន្តែថវិកាទាំងនេះ នៅមានចំនួនតិចតួចនៅឡើយដោយក្នុងនោះរាប់បញ្ជូលទាំង ជនងាយ រងគ្រោះមានកុមារ ស្រី្តមេ ម៉ាយ ជនចាស់ជរា អ្នកផ្ទុកមរោគអេសដ៏ជំងឺអេសដ៏ និងជនពិការផងដែរ។
លោកក៏បានបន្ថែមដែរថា ដើម្បីឲ្យជនពិការកាន់តែមានមុខមាត់និងមានសកម្មភាពប្រឡូកក្នុងសង្គមរាជរដ្ឋាភិបាល គួរទំលាក់កញ្ចប់ ថវិកាមួយដាច់ដោយឡែកសម្រាប់ជនពិការ ដោយហេតុថាពួកគាត់ភាគច្រើនជាអ្នក្រីក្រ គ្មានមុខ របរ ដូច្នេះទាមទាឲ្យមានការជួយដល់ពួកគាត់ក្នុងកម្រិតខ្ពស់។
លោកស្រី ខេលីន អេប្រ៊ីក (Celine Abric) អ្នកសម្របសម្រួលប្រតិបត្តិការ និងជាតំណាងអង្គការជនពិការអន្តរជាតិ បានបញ្ជាក់ថា ការជំរុញវិស័យពិការ ភាពទៅក្នុងផែនការវិនិយោគពុំមែនជនពិការជាមនុស្សសំខាន់ទេ ប៉ុន្តែការ អភិវឌ្ឍអ្វីមួយត្រូវតែមានការចូលរួមនិងគិតគូរពីជនពិការ ដូចជាមានជម្រាល និងបង្កាន់ដៃម្រាប់អ្នកពិការ ដើម្បីបង្ក លក្ខណៈងាយស្រួលដល់ពួកគាត់ក្នុងការធ្វើដំណើរទៅមក។
លើលពីនេះទៅទៀត លោកស្រីបញ្ជាក់ថា ការផ្តល់ មុខរបរ និងមានការងារសម្រាប់ជនពិការគឺជារឿងសំខាន់ ណាស់សម្រាប់អាជ្ញាធរមូលដ្ឋានក្នុងការ លើផែនការនេះ ដើម្បីឲ្យពួកគេកាន់តែមានជីវភាពសមរម្យ នៅក្នុងសង្គម សំដៅឈានទៅដល់ការ កាត់បន្ថយភាពក្រីក្ររបស់ប្រជាពលរដ្ឋ។
លោក សុគន្ធ ដា អគ្គលេខាធិការសម្ពន្ធ័ភាពជាតិដែលតំណាងឲ្យឃុំសង្កាត់បានអៈអាងថា អាជ្ញារឃុំ/សង្កាត់ កំពុង តែគិតគូពីបញ្ហានេះហើយដូចជាតម្រូវចាំបាច់នានារបស់ជនពិការដើម្បីដាក់បញ្ជូលទៅក្នុងផែនការវិនិយោគ និង អភិវឌ្ឍ ដើម្បីឆ្លើយតបទៅនឹងអ្វីដែលមានចែងនៅក្នុងច្បាប់នានារបស់រដ្ឋ។
អ្វីដែលសំខាន់នោះ លោកអគ្គលេខាធិការសម្ព័ន្ធភាពជាតិឃុំ/សង្កាត់បានសន្យានឹងជួយជំរុញឲ្យសមាជិករបស់
ខ្លួន ផ្តោតការយកចិត្តទុកដាក់ចំពោះវិស័យពិការនេះ កាន់តែច្រើនឡើងថែមទៀតដើម្បីឲ្យជនពិការទទួលបានអត្ថប្រយោជន៍ស្មើភាពពីការអភិវឌ្ឍនានា។
សូមបញ្ជាក់ផងដែរថា មូលនិធិសម្រាប់ឃុំ/សង្កាត់ឆ្នាំ២០១៣ មានចំនួនសរុប ប្រមាណជាង៥០លាន៥សែនដុល្លា ដោយជាមធ្យមឃុំសង្កាត់និមួយៗទទួលបានមូលនិធិសម្រាប់រដ្ឋបាលទូទៅចំនួន៨,១៨១ដុលា និងមូលនិធិ សម្រាប់ អភិវឌ្ឍមូលដ្ឋានចំនួន២២,៧២៧ដុល្លា គឺមានកំណើនជាង ១២% បើធៀបនឹងឆ្នាំ២០១២កន្លងទៅ៕ ភីនរ៉ា