ភ្នំពេញ៖ សហព័ន្ធតេក្វាន់ដូរនគរបាលពិភពលោក (WPTF) បានសម្រេចជ្រើសរើសយក តេក្វាន់ដូនគរ បាល កម្ពុជាធ្វើជាសមាជិកប្រតិបត្តិ ដើម្បីឲ្យតេក្វាន់ដូរនគរបាលកម្ពុជាមាន លទ្ធភាពគ្រប់គ្រាន់ក្នុងការចូលរួមប្រកួតប្រជែងក្បាច់គុណប្រភេទនេះ នៅលើវេទិកាប្រកួត អន្តរជាតិ។
លោកឧត្តមសេនីយ៍ទោ ម៉ក់ សំអុល ជាគ្រូបង្ហាត់ក្បាច់គុនតេក្វាន់ដូជាយូរឆ្នាំមកហើយនោះក្នុងនាមនគរបាលជាតិ បានអញ្ជើញចូលរួមក្នុងកិច្ចប្រជុំលើកទី១របស់សហព័ន្ធតេក្វាន់ដូរនគរ បាលពិភពលោក(WPTF)កាលពីចុងខែវិច្ឆិកាកន្លងទៅថ្មីៗនេះ នៅទីក្រុងសេអ៊ូល សាធារណៈ រដ្ឋកូរ៉េ។
នៅល្ងាចថ្ងៃទី១៧ខែធ្នូឆ្នាំ២០១៣នេះលោក ម៉ក់ សំអុល អនុប្រធាននាយកដ្ឋាន អង្គរក្ស និងជាគ្រូបង្ហាត់ ក្បាច់ តេក្វាន់ដូរជាង៤០ឆ្នាំនៅកម្ពុជា ហើយក៏ទើបតែត្រូវ WTF (World Taekwondo Federation)សម្រេច ផ្តល់ខ្សែក្រវ៉ាត់ ខ្មៅ៥ដាន់ឲ្យ បានមានប្រសាសន៍ប្រាប់ថា លោកពិតជាមានមោទនៈភាពក្រៃលែង ក្នុងនាមនគរបាលជាតិ និង ក្នុង នាមតេក្វាន់ដូរនគរ បាលកម្ពុជាដែលអង្គប្រជុំ(WPTF)សម្រេចជ្រើសរើសប្រធាន១រូប និងសមាជិកប្រតិបត្តិ៣០រូប ក្នុងនោះរូបលោកត្រូវបាន គេជ្រើសរើសជា សមាជិក ប្រតិបត្តិ។
ការសម្រេចជ្រើសរើសជាសមាជិកប្រតិបត្តិ WPTF នេះ បានធ្វើឡើងតាមការសិក្សាស្រាវជ្រាវ ដោយផ្ទាល់ពី WPTF នូវប្រវត្តិនៃការហាត់រៀនក្បាច់គុន រយៈពេលនៃការបង្ហាត់បង្រៀន និងការងារដែល បានអនុវត្តសម្រាប់ ប្រយោជន៍ សាធារណៈ សង្គមជាតិ និងពិភពលោក។
លោកឧត្តមសេនីយ៍ទោបានឲ្យដឹងថា ដោយមានការអនុញ្ញាពីលោក ខាង សារិន រដ្ឋមន្រ្តីក្រសួងមហាផ្ទៃ នៅឆ្នាំ ១៩៨១បានបញ្ចូលក្បាច់គុនតេក្វាន់ដូរ ទៅក្នុងកម្មវិធីហ្វឹកហ្វឺននគរបាលទូទាំប្រទេស នៅ មជ្ឈមណ្ឌល ហ្វឹកហ្វឺន នគរបាលបុរីកីឡា។ បន្ទាប់មកនៅឆ្នាំ១៩៩១យើងក៏បានធ្វើការទំនាក់ទំនងជាមួយសាធារណៈរដ្ឋកូរ៉េ ដើម្បី សុំ ជំនួយគ្រូមកជួយបង្ហាត់ និងហ្វឹកហ្វឺនដល់កងកម្លាំងនគរបាលជាតិ ។
ចាប់ពីឆ្នាំ១៩៩១ដល់ឆ្នាំ១៩៩៥ខាងប្រទេសកូរ៉េក៏បានផ្តល់គ្រូមកកម្ពុជាតាមការស្នើសុំ ក្នុងនោះមាន លោក យ៉ង់ វិនតុន លោក គីម ហានជុ ហើយពីឆ្នាំនោះបន្តមកដល់បច្ចុប្បន្ននេះ មានលោក ឆយ យ៉ុងសុខ ដែលកំពុងតែមមា ញឹកក្នុងការហ្វឹកហ្វឺនក្បាច់គុណដល់កងកម្លាំងសមត្ថកិច្ចគ្រប់ស្ថាប័ន និងកំពុងតែដឹកនាំការហ្វឹកហ្វឺនដល់កីឡាករ កម្ពុជាផងដែរ។
លោកឧត្តមសេនីយ៍បានបញ្ជាក់ថា ក្នុងឆ្នាំ១៩៩៥នោះដែរ យើងបានរៀបចំឲ្យតេក្វាន់ដូរកម្ពុជាបានចូលជា សមាជិកតេក្វាន់ដូរពិភពលោក(WTF) ធ្វើឲ្យតេក្វាន់ដូរកម្ពុជាមានវត្តមានចូលរួមប្រគួតលក្ខណៈអន្តរជាតិ លើ គ្រប់វេទិការ បើទោះជាយើងនៅមានកម្រិតនៅឡើយក្តី។
យ៉ាងណាក៏ដោយលោកឧត្តមសេនីយ៍ទោ ម៉ក់ សំអុល បានមើលឃើញថាការបញ្ចូលកម្មវិធីហ្វឹកហ្វឺនក្បាច់ គុណ ទៅក្នុងជួរស្ថាប័នប្រដាប់អាវុធគឺជាការប្រសើរបំផុត ដើម្បីឲ្យគេមានសមត្ថភាពគ្រប់គ្រាន់ក្នុងការ បង្រ្កាបនិង ទប់ ស្កាត់នូវបទល្មើសគ្រប់ប្រភេទ ពិសេសទប់ស្កាត់បទល្មើសភារវកម្មនៅកម្ពុជា ក៏ដូចជាបានរួម ចំណែកការពារ សន្តិសុខ និងកសាងសន្តិភាពនៅលើពិភពលោក។
សូមបញ្ជាក់ថា លោកម៉ក់ សំអុល បានចូលហាត់ក្បាច់គុណតេក្វាន់ដូនៅក្នុងរង្វង់ឆ្នាំ១៩៧១ ហើយនៅឆ្នាំ ១៩៧៤ លោកបានទទួលខ្សែក្រវ៉ាត់ខ្មៅថ្នាក់ជាតិ ពីសមាគមអ្នកនិយមក្បាច់គុណតេក្វាន់ដូរនិងបានសហការណ៍ ជាមួយ សិស្សច្បងបើកក្លឹបតេក្វាន់ដូរនៅទីក្រុងភ្នំពេញ។ក្រោយ ថ្ងៃរំដោះនៅឆ្នាំ១៩៨០ លោកបានរៀប ចំបើកការ បង្ហាត់ ក្បាច់គុណឡើងវិញដោយដើរប្រមែប្រមូលសិស្សពីតាមភូមិមកបង្ហាត់។
លោកម៉ក់ សំអុល ត្រូវបានគេមើលឃើញថា ជាគ្រូគុណតេក្វាន់ដូរមួយរូបដែលទទួលបានការគាំទ្រពីសិស្ស គុណ យ៉ាងច្រើននៅទូទាំងប្រទេសពិសេសសិស្សគុណជានគរបាលជាតិ និងត្រូវបានសាលាគុណ កុកកីវិនកោត សរសើរ ថាជាសមាជិកWTFម្នាក់ដែលមានសមត្ថភាព និងមានសំណាងការពារដោយផ្ទាល់ថ្នាក់ដឹកនាំកំពូលរបស់កម្ពុជា គឺ សម្តេច នាយករដ្ឋមន្រ្តី ហ៊ុន សែន និងប្រមុខដឹកនាំនៃបណ្តារប្រទេសជាច្រើននៅលើពិភពលោក ដែលបាន មក ទស្សនកិច្ចផ្លូវរដ្ឋនៅប្រទេសកម្ពុជាក្នុងពេលកន្លងមក៕ ដោយ ៖ សស្អាត