ភ្នំពេញ៖ ក្រុមមន្រ្តីជំនាញផ្នែកតបណ្តាញលូរបស់សាលារាជធានីភ្នំពេញនៅព្រឹកថ្ងៃទី១០ខែកក្កដា នេះបាន
ជួបប្រជុំគ្នាជាបន្ទាន់ ដើម្បីកំណត់តំបន់អាទិភាពកែលម្អនិងដាក់បណ្តាញលូមេថ្មីនៅតាមដង់មហាវិថីសំខាន់ៗ
នៅក្នុងក្រុងបន្ថែមទៀត។ គម្រោងកែលម្អបណ្តាញលូថ្មីនេះ ធ្វើឡើងបន្ទាប់ពី មានការលិចលុងដោយសារទឹក
ភ្លៀងបណ្តាលឲ្យមានការកក់ស្ទះចរាចរណ៍យ៉ាងធ្ងន់ធ្ងរ និងខូចខាត ទ្រព្យសម្បត្តិរបស់ប្រជាពលរដ្ឋកាលពី
ពេលថ្មីៗនេះ។
លោក ប៉ា សុជាតិវង្ស អភិបាលរាជធានីភ្នំពេញបានលើកឡើងថា ជាធម្មតាកម្ពស់ទឹកភ្លៀងម្តង់ៗនៅរាជធានី
ភ្នំពេញមានកម្រិតត្រឹមតែពី២០មីលីម៉ែត្រទៅដល់៣០មីលីម៉ែត្រតែប៉ុណ្ណោះ។ប៉ុន្តែភ្លៀងកាលពីសប្តាហ៍មុននេះ
មានកម្រិតរហូតដល់៥០មីលីម៉ែត្រដែលជាភ្លៀងគំហុក មួយបានធ្វើឲ្យប្រពន្ធ័លូមួយចំនួន ពុំមានលទ្ធភាព
រំដោះទឹកបានទាន់ពេលវេលា។
លោកអភិបាលបញ្ជាក់ថា នេះជាបញ្ហាធំណាស់ដែលយើងត្រូវ ដោះស្រាយកង្វល់ជាបន្ទាន់ជូនប្រជាពលរដ្ឋនៅ
នៅក្នុងរដូវវស្សានេះ ព្រោះបើតាមការព្យាករណ៍ របស់ក្រសួងធនធានទឹកនិងឧតុនិយមរាជធានីភ្នំពេញ នឹងត្រូវ
ប្រឈមជាមួយទឹកភ្លៀងជាង៣ភាគទៀត ក្នុងចំណោមទឹកភ្លៀងសរុបប្រចាំឆ្នាំពី១២០០ទៅ១៥០០ មីលីម៉ែត្រ។
លោកអភិបាល បានអៈអាងថា នៅរាជធានីភ្នំពេញការអភិវឌ្ឍបណ្តាញលូជាចំនុចអាទិភាពដែលត្រូវយកចិត្ត
ទុកដាក់ខ្លាំងជាងគេនារដូវវស្សានេះហើយកន្លែងណាដែលស្ថានភាពលូចាស់ទ្រុឌទ្រោម តូចចង្អៀតមិនសក្ត័
សមត្រូវផ្លាស់ ប្តូរជាបន្ទាន់នៅក្នុងអំឡុងពេលនេះពីមួយម៉ែត្រទៅ១ម៉ែត្រកន្លះ រហូតដល់មានចំនួន២ខ្សែ ដើម្បី
ឆ្លើយតបទៅនឹងកម្ពស់នៃកម្រិតទឹកភ្លៀងនាពេលបច្ចុប្បន្ន។
លោក ប៉ា សុជាតិវង្ស បន្ថែមថា ដើម្បីចូលរួមដោះស្រាយបញ្ហានេះឲ្យមានប្រសិទ្ធិភាព ត្រូវធ្វើ យ៉ាងណាធានា
ការសាងសង់ឲ្យមានគុណភាពស្របតាមស្តងដា ត្រូវកំណត់ប្លង់អាទិភាពដែលត្រូវ កែលម្អលូថ្មី នឹងជួយសំរួល
រាល់កិច្ចការគ្រប់បែបយ៉ាងរបស់ស្ថាបន័តបណ្តាញលូទឹកនៃអង្គភាព ចៃកា ដែលកំពុងអនុវត្តជំហានទី៣ និង
បន្តទៅជំហានទី៤ខាងមុខនេះ។
សូមរំលឹកថា ការលិចលុងនៅតាមដងផ្លូវដោយសារទឹកភ្លៀងកន្លងមកនេះ មិនត្រឹមតែស្ថានភាពលូមានទំហំ
តូចនោះទេ គឺគួបផ្សំជាមួយនឹងការកក់ស្ទះសំរាមដែលប្រជាពលរដ្ឋបោះចោលគ្មានសណ្តាប់ធ្នាប់ផងដែរ។
ករណីនេះសាលារាជធានីភ្នំពេញបន្តអំ ពាវនាវឲ្យប្រជាពលរដ្ឋទាំងអស់មេតា្តចូលរួមទាំងគ្នា មិនត្រូវបោះចោល
សម្រាមនៅតាមដងផ្លូវ ឬ ចោលនៅក្បែរមាត់លូ ដើម្បីទប់ស្កាត់មិនឲ្យមានទឹកភ្លៀងលិចផ្លូវ តាមរយៈកក ស្ទះ
ចរន្តទឹកហូជា ដើម។រហូតមកដល់ពេលនេះ នៅរាជធានីភ្នំពេញមានបណ្តាញលូតូចធំប្រវែងជាង៤៦៩គីឡូ
ម៉ែត្រ អណ្តូងមានចំនួន ៣២.៨៦៤អណ្តូង ប្រលាយមាន៥៤គីឡូម៉ែត្រនិងមានស្ថានីយ៍បូមទឹកចំនួន
១០កន្លែងជំវិញរាជធានីភ្នំពេញ៕
ដោយ៖ ស.ស្អាត